Lukas 17:24 - En Taar Weru a nunuwu' é Tontemboan

²⁴ Ampa'paan an tutuw si Toyaang i Tou maai sumawel, Sia wutu-wutul sérén oka waya é tou. Sia maai tanuoka ing kilat si tumélang tumo'tol asi tempok in langit akar asi tempok in langit walina.

Lukas 17:24 ပူးပေါင်းရင်းမြစ်များ

Matius 24:27

Ampa'paan an tutuw si Toyaang i Tou maai sumawel ang kayo'baan, Sia kaséréan tanuoka ing kilat si tumélang tumo'tol an tempok ico akar an tempok ako.

Matius 24:30

An tutuw itu, an langit kaséréan oka awéan tuus i Toyaang i Tou, wo pakasa sé bangsa ang kayo'baan maamé' oka. Séra suméré oka si Toyaang i Tou itu mai an dangka' ing kambung-kambung ang karapi waya ing kawasa wo ing kawangko'-Na.

Matius 25:31

“Sa si Toyaang i Tou maai ang karapi i rarayo wo in sisiri'-Na mewali-wali wo sé malaékat-Na, Sia lumukut oka am palukutan pasiri-siriin.

Matius 26:64

Wo isowat i Yesus, “Si Amango in esa en cumua in itu. Taan icua-Ku ai camu, tumo'tol asi oras anio' kaséréan iow oka si Toyaang i Tou makalukut ang kakan i Makakawasa, wo mai ang kayo'baan an dangka' ing kambung-kambung an langit.”

Matius 5:15

Taniitu ka'i ra'ica wana tou méngkét in sosoloan wo kelewenna im bantang. Tantu iweta'na am patuliran in sosoloan akar ro'na sumendot waya sé tou am balé itu.

1 Korintus 1:8

Sia oka ka'i e méma' mai im paémanen iow kasake' keter akar ing kaka'puan ing kayo'baan, akar kamu kéréan-Na ra'ica wana kaséaan asi endo si Apo'ta Yesus Kristus maai sumawel.

1 Tesalonika 5:2

Ampa'paan kailekan iow ra'ica wana tou si uli-ulit makailek kawisa en oras i Apo' Yesus maai sumawel. Sia maai tanuoka si rombit an tutuw im bengi.

2 Tesalonika 2:2

wosama' kamu ra'ica toro taporak mabingo wo ra'io makaaté in sama' sa kamu luminga in abar sapaoka an orasnao si Apo' Yesus maai sumawel. Wo awéan wona' e maanggap sa si Casuruan cumuao ai cami sapaoka Sia imayo sumawel. Kuma'pa awéan wona' ka'i maanggap sapaoka kami in esao eng kumua kuma'pa e matic in abar itu. En ulitna ra'ica.

2 Tesalonika 2:8

An tutuw ituo si tou luméwo-léwo' itu mai mapaturu' in owakna. Taan si tou luméwo-léwo' itu patén oka i Apo' Yesus ang karapi in aseng-Na. Wo an tutuw i Apo' Yesus maai sumawel, teri-terin-Na oka ang karapi in télang an owak-Na.

Yakobus 5:8

Taniituo ka'i kamu, malese-leseno mangé wo kete-ketereno mangé en até miow ampa'paan ra'io uré en orasna si Apo' Yesus maai sumawel.

2 Petrus 3:10

Taan kawisa si Apo' Yesus maai sumawel ra'ica wana e makailek ampa'paan Sia maai tanuoka rombit. Wo asi endo itu en langit icatala oka parapiten in erut taténgé keli wo pakasa sé an langit makatunu-tunu oka, taniitu ka'i eng kayo'baan wo pakasa sé an untepna makaka'pu-ka'pu oka.