Lukas 17:20 - En Taar Weru a nunuwu' é Tontemboan

²⁰ Asi sangando awéan piraan tou Farisi mamuéi a si Yesus, “Kawisa oka réén si Amang Kasuruan maai kumawasa tanu Kolano a sé tou-Na?” Wo isowat i Yesus ai séra, “Si Amang Kasuruan maai kumawasa tanu Kolano a sé tou-Na, ra'ica rinioran in tuu-tuus sé ro'na kaséréan é tou.

Lukas 17:20 ပူးပေါင်းရင်းမြစ်များ

Lukas 10:11

‘Tangkar ami en awu ing kota miow anio' sé makaléngkét ang kécéi ami, en itu mamuali tata'néi sapaoka kamu oka in esa e mamuléng in ukuman iow. Taan musti kailekan iow en anio': uli-ulit matawio en témpo si Amang Kasuruan mai Kumawasa tanu Kolano a sé tou-Na.’

Lukas 14:1

Asi makasa tumena in endo Sabat, si Yesus mai am balé i esa kikiiten é tou Farisi eng kuman am bitu. Pakasa sé tou am bitu meméé-méé rékén ai Sia sa sapa en émaan-Na.

Lukas 16:16

Eng kitap-kitap sé aipatic i Musa wo eng kitap-kitap sé aipatic é nabi walina, tatap pengapakéné' akar an jaman i Yohanes Mabaptis menonoué'. Wo tumo'tolai an jaman itu en Abar Kaaruien andumoro' ing Kakolanoan i Amang Kasuruan tumo'tolo ipakua-kua wo sé tou uli-ulit rumaméji mamuali tou-Na ang Kakolanoan-Na.

Lukas 19:11

Ang karoro'an é tou keli malingapé' si Yesus maroma' wo lala'us-Na ka'i in sumisil esa andéan, ampa'paan Sia matawio an Yerusalem wo pawasan ka'i é tou itu, sapaoka Sia makala'- uso merénta tanu Kolano ai séra.

Yohanes 18:36

Isowat i Yesus, “Eng Kakolanoan-Ku ra'ica asi cayo'baan anio'. Sa eng Kakolanoan-Ku asi cayo'baan anio', tantu sé makiit Yaku sumundur oka wosama' Aku ra'ica isarakan a sé tou Yahudi. Taan eng Kakolanoan-Ku ra'ica asi cayo'baan anio' owo.”