Lukas 16:8 - En Taar Weru a nunuwu' é Tontemboan

⁸ Wo si tou mengaurus in doit péngkor en até itu iparayo i tuangna ampa'paan sia pandéi maéré-éré lalan torona ing kalooranna in esa. Mémang wutul, sé tou makiit ing kasalé'an ing kayo'baan, séra en lébé pandéi maéré-éré lalan torona ing kalooran éra in esa wotaré sé tou makiit ing kasalé'an i Amang Kasuruan.

Lukas 16:8 ပူးပေါင်းရင်းမြစ်များ

Matius 12:32

Sa awéan tou manuwu' en sumundur si Toyaang i Tou, si tou itu ampungan oka. Taan sa sé ipanuwu'na maojat si Roh Le'nas, sia ra'ica kawisa kaampungan, intarépé' wo ka'i akar ing kauré-uré.”

Matius 17:26

Wo isowat i Petrus, “Tantu sé tou walina.” Icua i Yesus ai sia, “Wutul en itu. Anaé sé toyaang éra in esa ra'ica musti mawér im pajak.

Lukas 16:10

Si tou ro'na tokéan in tawoien teké', sia ka'i ro'na tokéan in tawoien wangker. Taan si tou ra'ica toro tokéan in tawoien teké', sia ka'i ra'ica toro tokéan in tawoien wangker.

Lukas 16:4

O, kailekanku en émaanku sa. Wosama' sa aku yento' an tawoien mengaurus in doit, yaku musti mangéré karapi e masalé' tumerima yaku am balé éra sa.’

Lukas 16:7

Wo icuana ka'i a si tou karua, ‘Ico, pira réén eng kakeli in utangmu?’ Isowat i tou itu, ‘Sangariwu karong gandum.’ Wo icuana a si tou itu, ‘Nio' en surat utangmu, ipatico mio' walu ngaatus karong.’

Lukas 18:6

Wo icua i Yesus, “Wéanio' rékén sapa en aicua i akim si mengarapitke' itu!

Lukas 20:34

Isowat i Yesus ai séra, “Sé tou menonou ang kayo'baan anio' kumawéng wo kawéngen.

Lukas 20:35

Taan sé tou tinou sumawel i Amang Kasuruan wo nianggap patus makéré im bagéan ang kayo'baan weru, séra ra'io kumawéng wo kawéngen.

Yohanes 12:36

Anaé, ang karoro'an in sendot mewali-walipé' wo icamu, musti percayan iow en sendot itu wosama' kamu mamuali toya-toyaang in sendot.” Kekawus i Yesus kumua in taniitu, Sia mangé an tampa si ra'- ica kailekan é tou keli.

1 Korintus 3:18

Sa kamu mengawerot in owak iow awéan kapinteran, kamu imuwako in owak iow in esa, ampa'paan eng kapinteran papakén iow itu asalo makiit im pakawerot é tou ang kayo'baan wo eng kapinteran ituo e modok icamu. Aweso taré kamu ra'ica mapaké ing kapinteran makiit im pakawerot ing kayo'baan wosama' an dior i Amang Kasuruan kamu uli-ulit awéan kapinteran.

Efesus 5:8

Indior kamu toya-toyaang ing kariréimbengan, taan intarépé' kamu imamualio tou i Casuruan, anaé icamuo sé toyaang in sendot. Ampa'paan in itu menonouo mangé tanu toya-toyaang in sendot,

Filipi 3:19

Sé tou menonou tanu siitu ukumen oka i Amang Kasuruan akar ing kauré-uré. Séra menonou asaloke' makiit ing kasalé'an in owak éra in esa. Séra tirayo mengaéma' in sapa sé kalawiin. Séra mawerotke' andumoro' sé ang kayo'baan anio'.

1 Tesalonika 5:5

Kamu im baya tou menonou ang kasendotan, meputé wo sé tou menonou an tutuw in endopé'. Kita ra'ica meputé wo sé tou menonou an tutuw im bengi kuma'pa sé tou ang kariréimbengan.

1 Petrus 2:9

Taan kamu anio' bangsa sé sinisiro i Amang Kasuruan, imam sé maselewir a si Amang Kasuruan si Colanota, bangsa sé line'nas-Nao wo ka'i mamuali anu-Na. Kamu im baya imamuali tanu siitu wosama' ro'na ipakua-kua miow a sé tou andumoro' sé kakaya'kaan sé niéma'o i Amang Kasuruan. Siao en tumowa icamu kumesot ang kariréimbengan wo muntep asi sendot-Na wangko'.

1 Yohanes 3:10

Si anioo en tuus toya-toyaang i Amang Kasuruan wo toya-toyaang i kikiiten é sétang: En tou si ra'ica maéma' im butul wo ra'ica mengaupus sé poo-poowna, sia itu ra'ica asi Amang Kasuruan owo.