Lukas 16:28 - En Taar Weru a nunuwu' é Tontemboan

²⁸ A mangé mbitu awéané' lima metuari tuama. Anaé, ru'du'o si Lazarus e mangé mokéi ai séra akar séra ra'ica muntep an tampa kawenduan anio' sa.’

Lukas 16:28 ပူးပေါင်းရင်းမြစ်များ

Lukas 16:27

Wo icua i tou siya' itu, ‘Sa réén taniitu, pekiupusenku a si amang, wosama' ru'du'mu si Lazarus mangé am balé i amangku.

Kisah Para Rasul 10:42

Wo ru'du'-Na kami kumua in Abar Kaaruien andumoro' i Yesus Kristus a sé pakasa im bangsa wo masairi sapaoka Sia si aitantuo i Amang Kasuruan e mai makim pakasa sé tou menonoué' wo sé tou imatéo.

Kisah Para Rasul 18:5

An tutuw i Silas wo si Timotius mai a Makedonia owo, endo wo em bengi si Paulus makua in taar i Amang Kasuruan a sé tou Yahudi. Ipakuana sapaoka si Yesus itu Mesias si aijanjio i Amang Kasuruan indior.

Kisah Para Rasul 2:40

Keliané' ka'i en aicua i Petrus ai séra. Sia masairi ka'i wo méé kaketeran an até éra, icuana, “Iwééo mio' en owak iow lowiren i Casuruan, tioo kumiit sé tou intarépé' sé mengéma-ngéma' in léwo'.”

Kisah Para Rasul 20:21

Pengua-nguaku a sé tou Yahudi wo a sé tou ra'ica Yahudi wosama' séra mape'dis wo kumiit a si Amang Kasuruan wo séra musti maéman a si Apo' Yesus.

Kisah Para Rasul 20:23

Taan am bisa-wisa kota si niangéankuo, e Roh Le'nas icumuao a yaku sa an Yerusalem aku meta'up ing kawenduan wo yuntep ka'i am bui.

Kisah Para Rasul 20:24

Taan ra'io pandungenku eng katouanku, asalo ro'na lekepenku en tawoien si aiwéé i Apo' Yesus a yaku eng kumua in Abar Kaaruien andumoro' in upus aitambér i Amang Kasuruan a sé cita in tou.

Kisah Para Rasul 23:11

Asi woondona mai tutuw i mawengio, si Apo' Yesus mai tumulung an duru i Paulus wo kumua, “Ico ra'ica toro maindé'! Kete-ketereno en atému. Ico imééo kasairian andumoro' Yaku a sé tou Yerusalem anio' wo ka'i ko musti mangé méé kasairian tanu sia'i andumoro' Yaku a Roma.”

Kisah Para Rasul 26:22

Taan yaku tinawang i Amang Kasuruan, siituo aku menonoué' akar asi endo anio'. Wo intarépé' aku makatulung am bia'i e méé kasairian andumoro' si Yesus ai camu im baya, tou sé iparangka-rangka' kuma'pa tou sé ipawawa-wawa'. Pakasa sé aicuaku itu meputé sé aicuao i Musa wo sé nabi indior.

Kisah Para Rasul 28:23

Wo séra tumantu esa endo e meta'up sumawel wo si Paulus. Wo asi endo itu kelian sé imai an tampa pakaento'anna. Wo sia kumua wo masairi ai séra andumoro' si Amang Kasuruan Kumawasa tanu Kolano. Sia ka'i maké in tuu-tuus an ukum Torat wo eng kitap é nabi e rumaméji wosama' kailekan éra wo émanen éra sa si Yesus itu si Mesias. En itu imamuali tumo'tol i mamoondo akar im bawaando.

Kisah Para Rasul 8:25

Kekawus i Petrus wo si Yohanes masairi wo makua in Taar i Amang Kasuruan a sé tou, wo séra maréng sumawel an Yerusalem. Am bawayaan, séra mengua-ngua in Abar Kaaruien andumoro' i Yesus an doo-roong walina an Samaria.

Galatia 5:3

Ita'néiku ka'i sumawel, si tou iméé in owakna in sunaten wosama' nianggap wutul an dior-Na, musti émaanna waya en atoran in ukum Torat.

Efesus 4:17

Ampa'paan in itu, icuaku wo ita'néiku mangé ai camu ang karapi ing kawasa si aiwéé i Casuruan: Kamu ra'io toro menonou kaputé é tou sé ra'ica makatuus si Amang Kasuruan, sé asalo mawerot andumoro' sé ra'ica wana en torona.

1 Tesalonika 2:11

Kailekan iow sapaoka kamu im baya pasérén ami tanuoka si amang maséré sé toyaangna in esa. Pasina'uen ami kamu wo pawéan ami kaketeran en até miow.

1 Tesalonika 4:6

Andumoro' in ubungan iow mempenanaan, tioo kamu mengauwak kuma'pa mengaéma' ing kaséaan a sé poo-poow iow. Ampa'paan ukumen i Amang Kasuruan sé tou mengaéma' in tanu siitu, puté wo sé aicuao ami wo sé wutu-wutul aipokéi ami ai camu indior.