Lukas 16:15 - En Taar Weru a nunuwu' é Tontemboan

¹⁵ Wo icua i Yesus ai séra, “Kamu mapaturu-turu' kéndo' a sé tou walina sapaoka kamu mengaéma' im butul, taan en até léwo' miow kailekan i Amang Kasuruan. Ampa'paan sapa em paanggapen é tou awéan wééna, nianggap i Amang Kasuruan wutu-wutul ra'ica wana wééna.

Lukas 16:15 ပူးပေါင်းရင်းမြစ်များ

Matius 23:5

Pakasa em pengaémaan éra asalo ipapaturu' éra a sé tou. Séra mengapaké in tali sombayang si aipetutu' éra winangkeran toyo' wo e rumbai in juba aipetutu' éra ka'i linambot.

Matius 6:16

“Sa kamu mengapuasa, tioo en amo miow susa tanu sé tou punek. En amo éra mapa in susa kéndoon, wosama' sérén é tou sapaoka séra ang karoro'an i mapuasa. En ulitna icua-Ku mangé ai camu, siituo en laasa si kinéréano éra.

Matius 6:2

Anaé, sa kamu méé sapa-sapake' en tumawang sé tou lengéi, tioo ipakua-kua tanu sé pengaémaan é tou punek am balé-walé paapo'an é agama Yahudi wo an lala-lalan wosama' séra irayo é tou. En ulitna icua-Ku mangé ai camu, séra makéréo in laasa éra.

Matius 6:5

“Sa kamu sumombayang, tioo mengasombayang tanu sé tou punek. Séra mengasombayang, casalé' éra makatulung am balé-walé paapo'an wo ka'i am péngko-péngkoran in lalan wangko', wosama' séra sérén é tou. En ulitna icua-Ku mangé ai camu, séra makéréo in laasa éra.

Lukas 10:29

Taan si guru agama é Yahudi itu masalé' mapaturu-turu' sapaoka en owakna em butul, anaé sia mamuéi ka'i a si Yesus, “Si séi réén sé kakéléku itu?”

Lukas 11:39

Taan icua i Apo' Yesus a si tou Farisi itu, “Kamu sé tou Farisi, ipaturu' miow a sé tou sapaoka kamu mengaéma' in atoran agama miow, taan en até miow imawutao ing kaléwo'an wo mengaandét ing kasiyaan é tou. En itu meputé wo kamu mengawu'as im paelepan wo im pakanan ang kesotnake' taan an untepna kotor keli.

Lukas 18:11

Si tou Farisi itu tumulung tumané mangé wo sumombayang an untep in até tana'i: ‘O Amang Kasuruan, yaku kumua i makapulu'sama' a si Amang Kasuruan, ampa'paan aku ra'ica mepute wo sé tou walina. Yaku ra'ica maandét, yaku ra'ica mengaéma' in léwo' wo ra'ica mengaéma' in sina. Yaku ka'i ra'ica tanu si matagi im pajak itu.

Lukas 18:14

Icua-Ku ai camu: An tutuw si tou matagi im pajak itu maréng am baléna, sia si nianggap wutul i Amang Kasuruan, taan si tou ang golongan Farisi itu ra'ica. Ampa'paan si séi e mengarangka' in owak, sia iwawa' oka. Wo si séike' e mengawawa' in owak, sia iparangka-rangka' oka.”

Lukas 18:21

Wo icua i tou itu, “Pakasa em perénta itu niéma'kuo waya an tutuwku i wo'basé'.”

Lukas 18:9

Wo icua i Yesus ka'i en andéan anio' a sé tou sé maanggap in owak éra wutul wo maepeske' im beren a sé tou walina. Icua-Na,

Lukas 20:20

Wo si Yesus peméa-méan rékén é makailek wutul in Torat wo sé kikiiten é imam. Wo iru'du' éra mangé tou e mawere-weren si Yesus wo séra mapa in loor kéndo'. Sé tou itu mamuéi a si Yesus maké im buwuéien tanu kéndo' awéan si masalé' kailekan éra wosama' ro'na ta'kongen éra Sia. Wo sa Sia suméa' sumowat, isarakan éra oka Sia a si gubernur Romawi si makakawasa an sangkum itu en ukumen im patén.

Lukas 20:47

Wo ka'i mengauwak sé wéwéné balu e maandét im balé éra. Wo mengaakal ka'i sé tou mengasombayang in lalambotan wosama' paanggapen é tou loor. Séra itu tantu makéré oka in ukuman si uter keli.”

Yohanes 2:25

Wo ra'io sangali esaan tou ka'i eng kumua ai Sia andumoro' in tou, ampa'paan kailekan-Na en até é tou.

Yohanes 21:17

Wuéien ka'i i Yesus ing katelu a si Petrus, “Simon, toyaang i Yohanes, icaupusmu réén Aku?” Wo en até i Petrus mawendu, ampa'paan akar i makatelu si Yesus mamuéi ai sia, “Icaupusmu réén Aku?” Wo isowatna a si Yesus, “Tuang, em baya-waya kailekan-Mu, kailekan-Mu sapaoka aku mengaupus Ico.” Icua ka'i i Yesus a si Petrus, “Paliarano mio' sé domba-Ku.

Kisah Para Rasul 1:18

Si Yudas ituo en tumerima in doit laasa eng kumianat si Yesus wo en doit itu pinakéna in tumeles tana'. An tana' ituo sia icarepa wo en tina'ina imakése' akar pakasa sé an untep in tina'ina icakesot.

Kisah Para Rasul 1:24

Wo séra im baya sumombayang, “O Kasuruan, si Casuruanke' e makailek wutul pakasa in até é tou, ituru'o mai ai cami si séi asé rua tou anio' en sisiren-Mu.

Kisah Para Rasul 15:8

Si Amang Kasuruan e makatuus in até é tou, aituru'-Na sapaoka Sia tumerimao sé tou ra'ica Yahudi itu. En itu aituru'-Nao ai cita an tutuw-Na méé i Roh Le'nas ai séra, tanu si aiwéé-Na ai cita.

Roma 3:20

Ampa'paan ra'ica wana tou mandé esake' sé nianggap wutul an dior i Amang Kasuruan ampa'paan mengaéma' in ukum Torat. Taan, ampa'paano taré in ukum Torat ituo sé tou makailek ing kamesé-meséaan.

Roma 8:27

Wo si Amang Kasuruan si mati'tir waya ing kararem in até é tou, kailekan-Na ka'i sapa em pinangilek i Roh itu. Ampa'paan e Roh itu mekiupus torona é tou le'nas iciit ing kasalé'an i Amang Kasuruan.

1 Korintus 4:5

Ampa'paan in tuo tioo kamu mario-rior en tumantu si esa tou meséa' kuma'pa ra'ica, sa ra'ipé' an témpona. Entoon akar si Apo' Yesus maai sumawel. Sia oka e muka' im pakasa sé pakaenep é tou ang kariréimbengan wo Sia oka ka'i en tumuru' pakasa em pawasa-wasan é tou an até. Asi témpo itu oka ka'i si Amang Kasuruan méé mai i rarayo a sé tou asi esa wo si esa sé patus tumerima i rarayo.

1 Petrus 3:4

Taan sa kamu masalé' uli-ulit kaséréan pasung, eng kapasungan iow itu musti kumesot an untep in até owo, tanumai: makaperi ko'kos en até wo elur. Siituo eng kapasungan akar ing kauré-uré wo sosor em bééna an dior i Amang Kasuruan.

1 Petrus 5:5

Kamu é tou wo'bas, kamu musti le'tek a sé tou sé lébé matu'a. Wo kamu im baya sé maémano, kamu musti mensen-selewiran ang karapi ing ko'kos en até, ampa'paan ang Kitap Le'nas aicua in tana'i, “Si Amang Kasuruan oka en sumundur sé tou tirayo, taan sé tou ko'kos en até icaupus-Na.”

Wahyu 2:23

Wo patén-Ku oka sé toyaangna. Wo in taniitu kailekan oka waya é jamaat sapaoka Yakuo si makailek im bewerot wo in até é tou, wo suliin-Ku oka kamu si esa wo si esa iciit im paémaan iow.