Lukas 15:28 - En Taar Weru a nunuwu' é Tontemboan

²⁸ Kelinga in itu, si toyaang luluna anio' mae'bow akar sia ra'- ica kiim muntep am balé. Wo si amangna kumesot, lepéienna sia wosama' muntep.

Lukas 15:28 ပူးပေါင်းရင်းမြစ်များ

Matius 20:11

Pakateriman éra mai en doit itu, séra mangingimburung oka a si makauma itu.

Markus 1:40

Awéan esa tou kusta mai a si Yesus. Si tou itu kumundu an dior-Na wo mekiupus, icuana “Sa woo icasalé' i Tuang, si Tuang ro'na sumama' yaku.”

Lukas 13:34

Éi tou Yerusalem, éi tou Yerusalem! Pinaté miow sé nabi wo ka'i winangkil iow im batu sé tou ayutusai i Amang Kasuruan. Makapirao Aku masalé' lumi'us icamu im baya mai anduru-Ku, meputé si inang é ko'ko' lumi'us sé sisina an darem in tétéléwna. Taan ra'ica kiim iow.

Lukas 15:2

Wo sé tou Farisi wo sé makailek wutul in Torat tumo'tolo mengimbu-ngimbulu. Icua éra, “Si Tou anio' tumerima sé tou iméma ing kamesé-meséaan wo kuman mewali-wali wo iséra.”

Lukas 15:27

Isowat i ata itu, ‘Si tuarimu maréngo mai sumawel wo si amangmu rumu'du' mokol sapi wo'bas kemel, ampa'paan kinéréannao si toyaangna ang karapi in owak sama'.’

Lukas 15:29

Taan sinowatnake' taré si amangna, ‘Ta'uno aku mawendu-wendu matawoi wo maselewir a si amang wo ra'ipé' kawisa aku kumélong im perénta i amang, sapao en aiwéé i amang a yaku? Mandé esake' mémbé' teké', ra'ipé' kawisa iwéé i amang a yaku e méma' ing kasalé-salé'an wo sé kara-karapiku!

Lukas 24:47

Wo aipatic ka'i sapaoka en abar anio' musti sisil angé maké ing kawasa i ngaran-Na a sé pakasa im bangsa tumo'tol an Yerusalem akar am pakasa ing kayo'baan: Si séike' e mape'dis ang kamesé-meséaan ampungan oka i Amang Kasuruan.

Lukas 5:30

Keséré in itu, sé tou Farisi wo sé makailek wutul in Torat menge'bo-nge'bow a sé murit i Yesus wo icua éra, “Kéitu réén kamu kuman wo melep mewali-wali ang karapi é matagi im pajak wo sé tou iméma' ing kamesé-meséaan?”

Lukas 7:39

An tutuw i tou Farisi si menot si Yesus suméré sapa e niéma' i wéwéné itu, sia kumua an untep in aténa tana'i, “Sa Sia uli-ulit nabi, tantu kailekan-Na si séi si wéwéné itumimboi ai Sia anio' wo tantu kailekan-Na sapaoka si wéwéné itu wéwéné menonou ang kamesé-meséaan.”

Kisah Para Rasul 13:45

Taan an tutuw sérén é kikiiten é tou Yahudi sé tou keli itu, en até é kikiiten itu manganat keli. Anaé pakasa sé ipakua i Paulus wo si Barnabas, ipakélong wo ka'i paroros éra.

Kisah Para Rasul 13:50

Taan sé tou Yahudi sé cumélong in Taar i Amang Kasuruan itu, séra memaso-maso' in léwo' a sé wéwéné sé mengaapo' a si Amang Kasuruan sé awéan pengaru wo ka'i a sé kikiiten ang kota itu. Wo okoien éra si Paulus wo si Barnabas wo yusér éra en tumela'u in sangkum itu.

Kisah Para Rasul 14:19

Wo asi témpo itu mayo sé tou Yahudi a mangé en Antiokhia wo an Ikonium owo. Séra memaso-maso' in léwo' a sé tou keli itu akar si Paulus wangkilen éra im batu wo wésoon éra icesot ang kota, ampa'paan paweroten éra sia imatéo.

Kisah Para Rasul 14:2

Taan awéan tou Yahudi sé ra'ica kiim mercaya in aicua i Paulus wo si Barnabas, séra memaso-maso' in léwo' sé tou ra'ica Yahudi wosama' icasuut éra sé poo-poow esa paémanen itu.

Roma 10:19

Wuéienkupé' ka'i: Ra'ipé' réén kailekan é tou Israel en abar itu? Én, kailekan érao, ampa'paan kataré-taré si Musa kumua i nunuwu' i Amang Kasuruan ai séra tana'i, “Émaan-Ku oka kamu manganat a sé tou sé ra'ica tou-Ku, wo émaan-Ku oka kamu mae'bow, ampa'paan Aku méé ing kamang a sé tou sé paanggapen iow bodok.”

2 Korintus 5:20

Anaé, icamio sé a yutus i Kristus. Sa kami sumina'u icamu, en itu meputéo si Amang Kasuruan sumina'u. Wo ang karapi i ngaran i Kristus, uli-ulit pekiupusen ami, wosama' icamu meeluran wo si Amang Kasuruan.

1 Tesalonika 2:16

Séra itu rumaméji mengala-ngala' icami wosama' kami ra'ica toro kumua in taar i Amang Kasuruan a sé tou ra'ica Yahudi, émaan éra sé tou itu ra'ica malowir. Wo in taniitu eng kamesé-meséaan éra mengawe-ngaweso akar ra'io icakua. Wo intarépé' eng kae'bowan i Amang Kasuruan itumenao iséra.