Lukas 15:17 - En Taar Weru a nunuwu' é Tontemboan

¹⁷ Wo sia manesel in owak wo memero-merot waya sé niéma'nao wo kumua, ‘Am balé i amangku pakasa sé atana kumeli-keli eng kakanen, taan am bia'i aku tawio maté in arem.’

Lukas 15:17 ပူးပေါင်းရင်းမြစ်များ

Lukas 15:16

Sia maaremo keli, akar casalé'nao woo kuman ing kakanen é wawi itu. Mandé ka'i sia maaremo keli, ra'ica wana mandé esake' tou e méé ing kakanen ai sia.

Lukas 16:23

An tampa é tou imaté si tou siya' itu ang karoro'an imawendu. Wo an tutuw sia kumanat angé, sérénna si Abraham an tampa tayang wo si Lazarus an duruna.

Lukas 8:35

Kumawus in itu sé tou ang kota wo an doo-roong an sangkum itu kumesot angé suméré sapa e mamuali. Séra mai a si Yesus wo sérén éra si tou rinasuk i sétang itu imasama'o. Sia makalukut an duru ing kécéi i Yesus wo mekaraio, sia uli-ulit imasama'o ampa'paan in ituo séra maindé'.

Kisah Para Rasul 12:11

An tutuw i Petrus makaileko mai in tou andumoro' in sapa e mamuali, wo icuana, “Intarépé', wutu-wutul kailekanku sa si Amang Kasuruan irumu'du'o si malaékat-Na en lumowir yaku ang kakawasaan i Herodes wo am pawasa-wasan léwo' é tou Yahudi.”

Kisah Para Rasul 2:37

An tutuw éra luminga waya in itu, en até éra mendam i manesel wo séra mamuéi a si Petrus wo sé ruru'du'an walina, “Poo-poow, sapa réén e musti émaan ami?”

Efesus 5:14

Ampa'paan in ituo awéan en aipatic in tana'i, “Éi camu sé makatekelé', tumooro, wo tumouo mai sumawel am papaté wo si Kristus tumélang oka mai camu.”