Lukas 14:32 - En Taar Weru a nunuwu' é Tontemboan

³² Sa kailekanna sapaoka sia ra'ica makawoo sumundur, tantu an tutuw tayangé' si colano makasuraro rua ngapulu' ngariwu tou itu, si colano makasuraro sangapulu' ngariwu tou itu rumu'du' owo si touna mangé meta'up wo si colano itu e mamuéi tumambisa meeluran wo iséra.”

Lukas 14:32 ပူးပေါင်းရင်းမြစ်များ

Matius 5:25

Mario-rioro taré meeluran wo si kaséké'mu ang karoro'an ko mewali-walipé' wo sia an uner im bawayaan, wosama' ko ra'ica isarakan i caséké'mu a si akim wo isarakan i akim a sé matéir im bui wo ko yuntep éra oka am bitu.

Matius 5:42

Sa awéan tou e mangilek sapake' mangé ai camu, iwééo mio' sapa em pinangilekna. Wo tioo icélong iow sa awéan tou e masalé' miram sapake' ai camu.”

Lukas 12:58

Sa awéan tou en sumarakan ico a si akim, rumaméjio mangé meeluran wo si tou itu, ang karoro'an iow an uneré' in lalan. Sa ra'ica, ico leséén i tou itu mangé sumaru a si akim wo isarakan i akim itu ko a sé matéir im bui wo ko yuntep éra oka am bitu.

Lukas 14:31

Kuma'pa tanu si andéan anio': Awéan esa kolano makasuraro sangapulu' ngariwu tou wo mangé mensunduran wo si colano walina makasuraro rua ngapulu' ngariwu tou. Tantu si colano makasuraro sangapulu' ngariwu tou itu, musti lumukut merot sumama-sama' makawoo kuma'pa ra'ica en sumundur si colano makasuraro rua ngapulu' ngariwu tou itu.

Lukas 14:33

Wo icua i Yesus, “Taniitu ka'i kamu, sa kamu masalé' mamuali murit-Ku, weroten owo sumama-sama', sa kamu makawoo tumela'u ing kasiyaan iow kuma'pa ra'ica. Sa kamu ra'ica makawoo, tioo mamuali murit-Ku.”

Lukas 19:14

Taan sé tou an doongna itu masuut isia. Anaé, an tutuw sia imangém wo iru'du' éra tou mangé an doong wangker wo tayang itu, eng kumua tana'i, ‘Ra'ica kiim ami si tou itu mamuali kolano ami.’

Kisah Para Rasul 12:20

Sé tou Tirus wo sé tou Sidon mengateles kakanen a sé tou an sangkum ing kakawasaan i Herodes. Taan asi témpo itu, si Herodes mae'bow keli a sé tou Tirus wo Sidon. Ampa'paan in ituo, séra meesa e mangé meta'up wo sia. Wo awéan esa tou maurus an istana i Herodes, makangaran Blastus, sia lepéien éra, e mekitawang wosama' si Herodes ro'na meeluran wo iséra. Émaan éra taniitu wosama' séra ro'na menele-neles kakanen an sangkum ing kakawasaan i Herodes.