Lukas 14:27 - En Taar Weru a nunuwu' é Tontemboan

²⁷ Si séike' si ra'ica muléng in salipna in esa wo ra'ica kumiit Yaku, sia ra'ica toro mamuali murit-Ku.

Lukas 14:27 ပူးပေါင်းရင်းမြစ်များ

Matius 10:38

Si séike' ra'ica muléng in salipna in esa wo ra'ica kumiit Yaku, sia ra'ica patus mamuali tou-Ku.

Matius 13:21

Taan en itu ra'ica imaa'mut sama' wo ra'ica itumang uré. Sa séra meta'up ing kasusaan kuma'pa in okoi ampa'paan in taar itu, séra makala'us tumela'u im paémanen itu.

Markus 10:21

Taan téintengen i Yesus sia ang karapi ing kaupusan wo icua-Na, “Awéané' esa si ra'ipé' niéma'mu. Mangé iwangkéro waya eng kasiyaanmu, wo iwééo mio' a sé tou lengéi, wo in taniitu kéréanmu oka eng kasiyaan an sorga. Kumawus in itu, mayoo wo kumi- ito mai Yaku.”

Markus 15:21

An tutuw itu, séra meta'up wo si esa tou makangaran Simon. Sia tou Kirene, amang i Aleksander wo si Rufus. Sia meunte-untepé' mangé ing kota Yerusalem wo leséén é suraro sia muléng in salip i Yesus.

Lukas 14:28

Sa awéan esaan angé ai camu tumoor esa wangunan rangka', sapa eng kataré-taré émaanna? Tantu sia lumukut owo rumékén pira eng kakeli in doit pakén tumoor im bangunan itu. Wo in taniitu ro'na kakailekanna sa en doit itu ro'nao pakén en tumoor im bangunan itu akar i malekep.

Yohanes 19:17

Wuléngen-Na en salip wo mangé an tampa si makangaran tampa Ru'i in Do'kos, a nunuwu' Ibrani Golgota.

Kisah Para Rasul 14:22

An tampa-tampa itu, si Paulus wo si Barnabas kumeter in até é tou maéman wo sumina'u iséra wosama' le'tek am paémanen. Wo icua i Paulus wo si Barnabas, “Sa kita masalé' mamuali tou i Amang Kasuruan si Kumawasa tanu Kolano, kita musti meta'up ing keli kawenduan.”

2 Timotius 1:12

Ampa'paan aku makua in Abar Kaaruien itu, akar sangkumku eng kawenduan am bui anio'. Taan aku ra'ica malawi', ampa'paan kailekanku si Apo' Yesus si paémanenku. Émanenku Sia awéan kawasa en tuméir in tawoien si aitoké-Na a yaku akar asi endo kaka'puan ing kayo'baan.

2 Timotius 3:12

Mémang pakasa in tou maéman a si Kristus Yesus wo kumiit ing kasalé'an-Na meta'up oka in okoi.