Lukas 14:21 - En Taar Weru a nunuwu' é Tontemboan

²¹ Wo si ata itu maréng angé sumawel wo icuana waya en itu a si tuang si méma' im pésta. Wo si tuang itu mae'bow keli wo icuana a si atana, ‘Mario-rioro mangé an lala-lalan wangko' wo an lala-lalan pesut ang kota wo iwali mai sé tou lengéi, sé tou ra'ica lekep en owak, sé tou wola wo sé tou késo'.’

Lukas 14:21 ပူးပေါင်းရင်းမြစ်များ

Matius 11:28

Mayoo a Yaku, kamu im baya sé mala'léo wo kepé wo sé uter em pamuléngen, wéan-Ku oka kamu kaaruian.

Matius 11:5

Si tou wola maséréo, si tou késo' mawaya'o, si tou sumakit kusta masama'o, si tou wengel malingao, si tou imatéo tinou sumawel, wo en Abar Kaaruien i Amang Kasuruan ipakua-kuao a sé tou lengéi.

Matius 15:12

Wo mai sé murit-Na e mamuéi ai Sia, “Kailekan réén i Guru, sapaoka e nunuwu' i Guru itu sumakito in até é tou Farisi?”

Matius 18:31

Keséré é kara-karapina ata sapa e imamuali, en até éra mawendu keli wo mangé éra icelak a si colano pakasa e imamuali.

Matius 20:7

Wo isowat éra ai sia, ‘Ra'ica wana tou en tume'tek ai cami.’ Wo icuana ai séra, ‘Sa taniitu, mangéo taré kamu tumawoi an uma in anggorku!’

Lukas 14:13

Anaé, sa ko méma' im pésta kuman wo melep, enoteno mangé sé tou lengéi, sé tou ra'ica lekep en owak, sé tou késo' wo sé tou wola.

Lukas 14:20

Wo sé walina icumua ka'i, ‘Makakawéngé' aku, anaé aku ra'ica icaangé.’

Lukas 14:22

Wo si ata itu mangé, émaanna tanu si airu'du' i tuangna. Kumawus in itu si ata itu mai a si tuang itu, icuana, ‘Pakasa sé airu'du' i tuang niéma'kuo, taan keliané' em palukutan ra'ipé' linukutan.’

Lukas 14:24

Icua i tuang itu, ‘Ra'- ica wana mandé esake' tou sé nienotku kataré e mepé' ing kakanen si aitu'tulkuo am pésta anio'.’ ”

Lukas 24:47

Wo aipatic ka'i sapaoka en abar anio' musti sisil angé maké ing kawasa i ngaran-Na a sé pakasa im bangsa tumo'tol an Yerusalem akar am pakasa ing kayo'baan: Si séike' e mape'dis ang kamesé-meséaan ampungan oka i Amang Kasuruan.

Lukas 9:10

An tutuw sé murit ayutus i Yesus imaréngo mai sumawel wo isisil éra ai Sia pakasa sé tinawoio éra. Wo uwasen i Yesus séra sumingkir mewali-wali mangé an esa kota makangaran im Betsaida akar séra oka in esa.

Yohanes 9:39

Wo icua i Yesus, “Yaku mai ang kayo'baan e makim, wosama' si séike' sé ra'ica maséré, ro'nao oka suméré, wo si séike' sé ro'na maséré, sia mawola oka.”

Ibrani 13:17

Pelinga-lingano mangé sé kikiiten iow wo émaano mangé sapa sé aiperénta éra. Ampa'paan séra mengatéir i mu'kur iow tanu sé tou e musti méé im panowaten. Sa kamu mengalinga-linga ai séra tanu siitu, séra ro'na méma' in tawoien ang karapi in arui en até. Taan sa kamu ra'ica mengalinga ai séra, séra masusa en até wo en itu ra'ica maali ing kauntungan ai camu.

Ibrani 2:3

Sa taniitu, tambisa réén kita? Kita ra'ica toro icawekar an ukuman, sa ra'ica wéanta rékén en abar andumoro' ing kalowiran si lébé pentingai wo in taar itu. Ampa'paan si Apo' Yesus in esa eng kataré-taré makua in abar andumoro' ing kalowiran itu, wo sé tou kataré-taré iluminga in itu, aicuao éra en abar itu ai cita akar kakailekanta sapaoka en abar itu wutul.

Yakobus 2:5

Poo-poow sé icaupusku! Lingano mai en icuaku anio': Sinisiro i Amang Kasuruan sé tou sé paweroten ing kayo'baan anio' lengéi, wosama' séra masiya' am paémanen éra wo makaanu im bagéan ang kakolanoan-Na tanu si aijanji-Nao a sé pakasa in tou sé mengaupus Sia.

Wahyu 19:15

Wo am ba'ba'-Na makesotai esa sa'bel telew si kumala oka pakasa im bangsa. Peréntan-Na oka séra maké im beka' bési wo Sia in esa en tumepes im bua'na in anggor am patepesan ing kae'bowan i Amang Kasuruan Si Makakawasa.

Wahyu 22:17

Wo e Roh i Amang Kasuruan wo si pengantén wéwéné itu kumua, “Mayoo!” Wo si séike' sé luminga in anio', sia ka'i musti kumua, “Mayoo!” Si séi e maré'om, mayoo! Wo si séi e masalé', mayoo mindo in dano katouan si asaloke' aitambér.