Lukas 13:29 - En Taar Weru a nunuwu' é Tontemboan

²⁹ Wo sé tou a micona, a makona, a mongéna wo a mékona owo, maai oka wo lumukut kuman mewali-wali wo masalé-salé' an untep ing Kakolanoan i Amang Kasuruan.

Lukas 13:29 ပူးပေါင်းရင်းမြစ်များ

Matius 8:11

Icua-Ku ai camu, kelian en tou maai oka a micona wo a makona owo en lumukut kuman mewali-wali wo si Abraham, Ishak wo si Yakub an untep ing Kakolanoan in Sorga.

Markus 13:27

Asi témpo ituke', iru'du'-Na sé malaékat-Na en lumi'us pakasa sé tou sinisir-Nao am pakasa in tampa asi cayo'baan anio', tumo'tol an tempok ing kayo'baan akar an tempok in langit.”

Lukas 13:30

En ulitna, awéan sé tou sumomo-somoi mamuali oka tou kumataré-taré wo awéan sé tou kumataré-taré mamuali oka tou sumomo-somoi.”

Kisah Para Rasul 28:28

Wo icua ka'i i Paulus, “Musti kailekan iow sa en abar andumoro' ing kalowiran itu aicuao a sé tou ra'ica Yahudi wo tantu teriman éra oka, anaé séra tantu lowiren oka.” [

Kolose 1:23

Ampa'paano in itu kamu musti le'tek maéman wo kasake' keter makatimboi asi Abar Kaaruien andumoro' si Yesus Kristus. Wo tioo itela'u miow em paarapen si an untep in Abar Kaaruien itu, si aiwééo ai camu wo liningao miow. Wo en Abar Kaaruien itu aicuao a sé pakasa é tou ang kayo'baan. Wo yaku Paulus mamuali tou mengaselewir eng kumua in Abar Kaaruien andumoro' i Yesus Kristus itu.

Kolose 1:6

Wo en Abar Kaaruien itu aicaseraro am bisa-wisa ang kayo'baan wo em buéna kinaséréano ang katouan é tou. Taniituo ka'i wo icamu, tumo'tolai kamu luminga in Abar itu wo wutu-wutul makailek in upus aitambér-Na, kamu kinamango i Amang Kasuruan.