Lukas 13:16 - En Taar Weru a nunuwu' é Tontemboan

¹⁶ Am bia'i awéan esa wéwéné taranak i Abraham, sia sangapulu' walu ngata'uno kinawasa i kikiiten é sétang. Suméa' réén sa sia iwekar ang kakawasaan i kikiiten é sétang asi endo Sabat?”

Lukas 13:16 ပူးပေါင်းရင်းမြစ်များ

Matius 4:10

Taan icua i Yesus ai sia, “Mangém ko, é kikiiten é sétang! Ang Kitap Le'nas aipatic in tana'i, ‘Ico musti kumuru en sumiri' a si Casuruan, si Amang Kasuruanmu, wo wayake' Sia em patus pengaselewiranmu.’ ”

Markus 2:27

Wo icua ka'i i Yesus ai séra, “En endo Sabat niéma' i Amang Kasuruan mamuali kamang ai cita in tou, ra'ica niéma' wosama' sé tou asaloke' mengii-ngiit in atoran in endo Sabat.

Lukas 16:24

Wo si tou siya' itu maangko' mangé icuana, ‘Amang Abraham, icaupusai aku. Wenduo keli aku an untep in api anio', anaé ru'du'o si Lazarus tumo'to' in tempok im bua'na ing kamana an dano wo mai rumames in lila'ku.’

Lukas 19:9

Wo icua i Yesus ai sia, “Asi endo anio', pakasa sé am balé anio' linowiro i Amang Kasuruan, ampa'paan ko wutu-wutul maéman a si Amang Kasuruan meputé si apo'mu Abraham.

Lukas 3:8

Wo tioo kamu mawerot ampa'paan kamu taranak i Abraham akar kamu malowir sa, icuaku ai camu, sé watu anio' ro'na émaan i Amang Kasuruan mamuali taranak i Abraham. Aweso taré kamu mengaéma'o mangé pakasa sé loor tanu tuus kamu imape'diso ang kamesé-meséaan!

Yohanes 8:44

Si kikiiten é sétango si amang iow, wo icasalé' miow mengaéma' sapa si casalé' i amang iow. Tumo'tolai indior akar intarépé' sia mapaté sé tou, wo ra'ica kiimna mengaéma' in sususuien wutul, ampa'paan en sususuien wutul ra'ica an aténa. Casalé'na mengatowo ampa'paan in ituo em peri aselina. Sia kotowo wo palemboian waya in towo.

Kisah Para Rasul 13:26

Poo-poowku sé icauntep an taranak i Abraham wo ka'i sé tou ra'ica Yahudi sé maapo' a si Amang Kasuruan! En abar ing kalowiran itu aicuao ai cita im baya.

2 Timotius 2:26

Wo in taniitu séra makailek in tou sumawel wo icawekar an ta'kong i kikiiten é sétang si kumawasa iséra indior akar séra kumiit ing kasalé'an i kikiiten é sétang itu.