Lukas 13:11 - En Taar Weru a nunuwu' é Tontemboan

¹¹ Am bitu awéan esa wéwéné sangapulu' walu ngata'uno sumakit ampa'paan sia kinawasa i roh léwo', akar en licurna mawo'koo wo ra'io makawoo tumulung in sama'.

Lukas 13:11 ပူးပေါင်းရင်းမြစ်များ

Matius 4:23

Wo si Yesus mangé ka'i lumi'cir im pakasa ing Galilea wo masusui am balé-walé paapo'an é agama Yahudi. Sia kumua in Abar Kaaruien andumoro' ing Kakolanoan i Amang Kasuruan. Wo samaan-Na waya sé tou am pakasa in sakit wo sé tou ra'ica lekep en owak.

Markus 9:21

Wo wuéien i Yesus a si amang i toyaang itu, “Pirao eng ka- uré sia mamendam in anio'?” Isowat i amang i toyaang itu, “Tumo'tol sia in toyaangé' akar intarépé'.

Lukas 13:12

Keséré i Yesus si wéwéné itu wo towan-Na, icua-Na, “Inang, en sakitmu imasama'o.”

Lukas 13:16

Am bia'i awéan esa wéwéné taranak i Abraham, sia sangapulu' walu ngata'uno kinawasa i kikiiten é sétang. Suméa' réén sa sia iwekar ang kakawasaan i kikiiten é sétang asi endo Sabat?”

Lukas 21:28

Sa pakasa en itu tumo'tolo mamuali, tu'tuleno mangé en atému wo maya'o mangé wuta im paarapen ampa'paan en témpona i Amang Kasuruan mai lumowir icamu makatawio.”

Lukas 8:2

Taniitu ka'i sé piraan wéwéné sé sumangkumo sinama'-Na asé roh léwo' wo in sakit, icumiit ka'i si Yesus. Esaan ai séra awéan si makangaran Maria tou Magdala si sinama'-Nao asé pitu roh léwo'.

Lukas 8:27

Icateka' mangé si Yesus ang katanaan wo mai am bitu si esa tuama ang kota owo meta'up Sia. Si tou itu rinasuk é sétang wo uréo sia ra'ica mekarai wo ra'ica maento' am balé taan maento'ke' am pakuburan.

Lukas 8:43

An uner é tou keli itu, awéan si esa wéwéné sangapulu' rua ngata'uno wenduo in sakit ampa'paan pengeso-ngesotan in enda'. Pakasa eng kasiyaanna aiwangkérnao e mapasama' a sé dokter, taan ra'ica wana e ro'na sumama' isia.

Kisah Para Rasul 3:2

Am bitu awéan papalen wangko', si pengatuulen ‘Papalen Loor’. Am papalen wangko' itu, awéan si esa tuama eng ketounake' mai késo'. Susur in endo si tuama itu pengawuléngen é tou weta' am bitu wosama' sia ro'na mangile-ngilek a sé tou sé mauntep ang kintal im Balé Le'nas.

Kisah Para Rasul 4:22

Wo ka'i si tou imasama'o ampa'paan ing kakaya'kaan itu, en umurna lébéo epat ngapulu' ngata'un.