Lukas 12:20 - En Taar Weru a nunuwu' é Tontemboan

²⁰ Taan icua i Amang Kasuruan ai sia, ‘Éi tou bodok, eng kasiyaan niumungmu itu ra'ica kaipianmu, taan mamuali oka anu é tou walina ampa'paan asi wengi anio'ke' en asengmu indon oka ai co.’

Lukas 12:20 ပူးပေါင်းရင်းမြစ်များ

Lukas 11:40

Éi camu tou bodok! Si Amang Kasuruano e méma' sé ang kesot in owak iow wo ka'i in até miow itu.

1 Tesalonika 5:3

Awéan en orasna sé tou eng kumua in tana'i, “Eng katouanta arui wo elur, ra'ica toro maindé-indé'.” Taan tumarépé'anke'mai séra tenan oka ing kawenduan meputé wo ing kawenduan si pinendam i wéwéné an tutuw i makéré toyaang. Sé tou itu ra'ica wana en icawekar asi kawenduan itu.

1 Timotius 6:17

Pokéianmu mangé sé tou siya' ang kayo'baan anio' wosama' séra tioo mengatirayo wo tioo menonou mamangén ang kasiyaan. Ampa'paan eng kasiyaan ing kayo'baan anio' ra'ica akar ing kauré-uré, si endo anio' awéan woondo maka'puo. Aweso taré séra itu menonou mamangén a si Amang Kasuruan, si méé mai im baya-waya sé paperlunta wosama' ro'na kaipianta waya en itu.

1 Timotius 6:7

An tutuwta itumou ang kayo'baan anio', kita ra'ica maali mai sapa-sapa. Taniitu ka'i sa kita matéo, kita ka'i ra'ica kawisa maali sapa-sapa.

Yakobus 4:14

Sédangkan si mamuali woondo ra'ipé' kailekan iow. Sapa réén en torona ing katouan iow? Eng katouan iow puté in susuwa si ra'- ica uré kaséréan wo icatala.