Lukas 12:10 - En Taar Weru a nunuwu' é Tontemboan

¹⁰ Sa si tou manuwu' sapake' sé masundur si Toyaang i Tou, sia ro'napé' kaampungan, taan si séike' sé manuwu' sapake' sé maojat si Roh Le'nas, sia ra'io kaampungan.

Lukas 12:10 ပူးပေါင်းရင်းမြစ်များ

Lukas 23:34

Wo si Yesus sumombayang, “O Amang, ampunganai séra, ampa'paan ra'ica kailekan éra sapa em pengaémaan éra.” Wo pewéténgen éra eng karai i Yesus ang kerapi in lumotréi.

1 Timotius 1:13

Indior aku maojat si Apo' Yesus. Paokoienku wo paséro'ku ka'i sé tou maéman ai Sia. Mandé in taniitu, aituru'-Na eng kaupusan-Na a yaku ampa'paan aku ra'ipé' maéman ai Sia si Toyaang i Amang Kasuruan wo ra'ica kailekanku sapa e niéma'ku.

1 Yohanes 5:16

Sa awéan tou isuméré si poowna mengaéma' ing kamesé-meséaan, wo eng kamesé-meséaan itu ra'ica imakawali si poowna itu am papaté, si tou isuméré in itu musti sumombayang angé a si Amang Kasuruan wosama' si poow itu wéan-Na katouan akar ing kauré-uré. Taan awéan kamesé-meséaan imakawali si tou am papaté. Wo andumoro' si tou mengaéma' ing kamesé-meséaan tanu siitu, ra'ica icuaku sapaoka kita musti sumombayang torona i tou itu.