Lukas 11:49 - En Taar Weru a nunuwu' é Tontemboan

⁴⁹ Ampa'paan in ituo, indior maké ing kapinteran-Na si Amang Kasuruan kumua in tana'i, “Yutus-Ku oka sé nabi wo sé ruru'du'an-Ku mangé a sé tou Israel. Sé sangaperua ai séra okoien oka wo sé sangaperua ka'i patén oka.”

Lukas 11:49 ပူးပေါင်းရင်းမြစ်များ

Matius 22:6

Sé walina ka'i tumangka'ke' sé ata itu, okoien éra wo patén éra.

Lukas 11:48

Wo in taniitu, pangakun iow in esa sapaoka wutulo sapa sé niéma'o é apo-apo' miow indior. Ampa'paan sé apo-apo' miow e imaté sé nabi wo niéma' miow eng kubur é nabi itu.

Lukas 24:47

Wo aipatic ka'i sapaoka en abar anio' musti sisil angé maké ing kawasa i ngaran-Na a sé pakasa im bangsa tumo'tol an Yerusalem akar am pakasa ing kayo'baan: Si séike' e mape'dis ang kamesé-meséaan ampungan oka i Amang Kasuruan.

Yohanes 16:2

Ampa'paan kamu ra'io ka'i iwéé é kikiiten é agama Yahudi maapo' am balé paapo'an éra. Lébé-lébé ka'i maai oka en témpona si séike' e maté icamu, pawerotenna ang karapi i méma' in taniitu niéma'nao eng kasalé'an i Amang Kasuruan.

Kisah Para Rasul 1:8

Taan an tutuw i Roh Le'nas tumumpa mai ai camu, kamu makéré oka kawasa. Wo kamu mamuali oka sairi andumoro' Yaku an Yerusalem, am pakasa in Yudea wo an Samaria wo akar an tempok ing kayo'baan.”

Kisah Para Rasul 11:27

Asi témpo itu, awéan piraan nabi an Yerusalem owo mai an Antiokhia.

Kisah Para Rasul 22:20

Taniitu ka'i an tutuw éra imaté si Stefanus si sairi i Casuruan itu, yaku am bitu wo niénanku ka'i e niéma' éra itu. Wo yakuo ka'i en tuméir ing karai éra tutuw éra i maté sia.’

Kisah Para Rasul 7:57

Kelinga in itu, wo séra mengangko-ngangko' wo makatutuw in lunteng. Kumawus in itu serangen éra sia.

Kisah Para Rasul 8:3

raméjin i Saulus eng kuma'pu sé jamaat. Wo sia muntep am balé-walé wo icesotna sé tuama wo sé wéwéné wo isarakanna en yuntep am bui.

1 Korintus 1:24

Taan sé tou tinowao i Amang Kasuruan, tou Yahudi kuma'pa ra'ica Yahudi, séra ro'na makailek andumoro' ing kawasa i Amang Kasuruan wo eng kapinteran-Na, asi abar i Kristus itu.

1 Korintus 1:30

Si Amang Kasuruan in esa e méma' camu meesa ang karapi i Kristus Yesus. Wo si Kristus Yesuso e méma' cita mapinter, wo ampa'paano Sia ka'i kita nianggap wutul i Amang Kasuruan. Niéma ka'i Yesus kita mamuali tou le'nas wo ka'i tinu'bus-Na kita ang kamesé-meséaanta.

Efesus 4:11

Wo Siao en tumambérai ing kamang a sé tou. Awéan tou sé aitantu-Na mamuali ruru'du'an, mamuali nabi, mamuali tou mengakua in Abar Kaaruien andumoro' i Yesus Kristus, mamuali gembala é jamaat wo ka'i guru.

Kolose 2:3

Wo si Kristus ituo e ro'na muka' im pawero-werotenta akar kita ro'na makailek pakasa ing kapinteran asi Amang Kasuruan owo wo makailek sé indior ipaene-enep-Napé'.

Wahyu 16:6

Ampa'paan sé tou le'nas wo ka'i sé nabi pinatéo éra. Winéan-Muo enda' en elepen éra. En ukuman ituo em patus teriman éra.”

Wahyu 18:20

Maaru-aruio mangé éi sorga, éi tou le'nas, sé ruru'du'an wo sé nabi! Ampa'paan sia niukumo i Amang Kasuruan, tanu in susuli' a sé kaléwo-léwo'an sé niéma'na ai camu.”