Lukas 10:41 - En Taar Weru a nunuwu' é Tontemboan

⁴¹ Taan sia sinowatke' i Apo' Yesus, “Marta, Marta, ico asalo maindé-indé' wo sumusa in owak in esa kerapi ing keli tawoien.

Lukas 10:41 ပူးပေါင်းရင်းမြစ်များ

Markus 4:19

taan séra maindé-indé'ke' andumoro' ing katouan éra ang kayo'baan wo asaloke' maéré-éré ing kasiyaan wo masalé-salé'pé' ka'i ing kalébéan walina. Pakasa en itu méma' iséra ra'ica iméé rékén asi Taar itu, akar en Taar itu ra'ica imua' an untep in até éra.

Lukas 10:38

Wo si Yesus wo sé murit-Na lumala'us im bawayaan wo séra icateka' mangé an esa roong. Am bitu awéan esa wéwéné makangaran Marta, sia tumerima si Yesus am baléna.

Lukas 10:40

Taan si Marta asaloke' menawo-nawoi en sumelewir sé sakéi. Wo sia mangé rumuru a si Yesus wo icuana, “Guru, ra'ica réén papandungen-Mu, yaku aiwayake' i Maria tuariku, yakuke' in esa e menawo-nawoi? Ru'du'o sia mai en sumémbong a yaku.”

Lukas 12:22

Icua i Yesus a sé murit-Na, “Ampa'paan in itu icua-Ku mangé ai camu, tioo maindé-indé' andumoro' ing katouan iow, andumoro' ing kakanen iow, wo tioo maindé-indé' andumoro' in owak iow, andumoro' in sapa em pakén iow.

Lukas 21:34

Wo icua i Yesus, “Téirano mangé sumama-sama' en owak iow, tioo en até miow wuta ing kasalé-salé'an sé ra'io masoma wo mengele-ngelep akar i malangu wo tioo kamu maindé-indé' andumoro' ing kaperluan iow susur in endo. Sa kamu mengéma-ngéma'ke' tanu siitu, an tutuw si Toyaang i Tou maai sumawel, kamu ra'ipé' tu'tul. Ampa'paan si endo itu tumarépé'anke'mai, tanuoka in ta'kong ipatangka' sé binatang.

Lukas 8:14

En lulumbo irumongkor an tana' pengatowan in dukut tutunéan, ayandé sé tou ilumingao in Taar i Amang Kasuruan, taan séra maindé-indé'ke' andumoro' ing katouan éra wo masalé'ke' menonou ang kasiyaan wo ang kaaruian asi kayo'baan anio'. Pakasa en itu méma' im paémanen éra ra'ica keter meputé wo in lulumbo ra'ica mengawéé wua'na loor.

Yohanes 11:1

Awéan esa tou makangaran Lazarus, sia sumakit. Sia maento' an doong Betania mewali-wali wo sé poo-poowna wéwéné si Maria wo si Marta.

Yohanes 11:5

Si Marta, si Maria wo si Lazarus, icaupus keli i Yesus.

Yohanes 12:2

Am bitu sé tou tumu'tul ing kakanen wengi i Yesus, wo si Marta sumémbong sumelewir iséra. Si Lazarus wo sé tou walina makan mewali-wali wo si Yesus.

Filipi 4:6

Tioo maindé-indé' andumoro' in sapa-sapake' mangé, taan icuao mangé eng kasalé'anmu an sombayangmu a si Amang Kasuruan am pakasa ing kaadaan wo mekiupus ang karapi ing kumua makapulu'sama' ai Sia.