Lukas 10:35 - En Taar Weru a nunuwu' é Tontemboan

³⁵ Asi woondona mai, si tou Samaria itu méé roit rua dinar a si tou makawalé im paloséran itu, wo icuana, ‘Pekiupusenku rawatenio' sia sumama-sama'. Wo sa en doit itu iongkosmu e rumawat sia ra'ica maawes, wéran owo mio', mai ku oka sawelan an tutuwku maréngai sumawel am bia'i.’ ”

Lukas 10:35 ပူးပေါင်းရင်းမြစ်များ

Matius 18:28

Taan kekesotai i ata itu am balé i colano, sia meta'up ka'i wo si carapina ata, si mutang ai sia sangaatus dinar. Wo tangkaanna si carapina itu wo kiselenna eng kolot, icuana, ‘Wérano mai en utangmu a yaku!’

Matius 20:2

An tutuw sia makéréo piraan tou en tumawoi, sia meroma' wo iséra en laasa iwérna ai séra sangando esa dinar. Wo iru'du'na séra mangé tumawoi an uma in anggorna.

Lukas 10:34

Wo sia rumuru mangé a si tou itu wo weresinna in anggor em péla-péla' i tou itu wo ubatenna in solo wo saputenna. Kumawusai in itu isakéna si tou itu asi celedaina wo iwalina mangé an esa walé paloséran wo rawatenna.

Lukas 10:36

Kumawus in itu, si Yesus mamuéi a si guru agama é Yahudi itu, “Anaé, sa iciit im bewerotmu, asé telu tou itu, si séi réén si kakélé in tou asi tou rinampok itu?”

Lukas 14:13

Anaé, sa ko méma' im pésta kuman wo melep, enoteno mangé sé tou lengéi, sé tou ra'ica lekep en owak, sé tou késo' wo sé tou wola.

Roma 16:23

Si Gayus ka'i méé mai in siri' ai camu. Yaku si Paulus winéanna kaloasan mento' am baléna, taniitu ka'i sé jamaat ami mengali'us maapo' am baléna. Si Erastus si tinokéan mengaurus in doit ing kota, wo si Kwartus poowta esa paémanen méé ka'i in siri' ai camu. [