Lukas 10:17 - En Taar Weru a nunuwu' é Tontemboan

¹⁷ Sé pitu ngapulu' tou ayutus i Yesus maréngai ang karapi in arui wo icua éra ai Sia, “Guru, an tutuw awéan tou rinasuk i sétang, yusér ami si sétang maké i ngaran-Mu wo makala'us si sétang kumesot asi tou rinasuk itu.”

Lukas 10:17 ပူးပေါင်းရင်းမြစ်များ

Matius 4:24

Wo icaseraro en abar andumoro' i Yesus am pakasa in Siria, ampa'paan in ituo séra mai ai Sia. Wo iwali éra mai pakasa sé tou sé membam-balinaan en sakit, sé mawendu, sé rinasuk é sétang, sé sumakit ayan wo sé késo' wo séra im baya sinama'-Na.

Markus 16:17

Sia'io en tuusna sé tou maéman a Yaku: Séra musér oka sé sétang maké i ngaran-Ku, rumoma' oka maké i nunuwu' walina si ra'ipé' sumangkum ako kailekan éra.

Lukas 10:1

Kumawus in itu, si Yesus sumisir ka'i pitu ngapulu' murit walina. Wo yutus-Na séra e rumior ai Sia mangé marua-rua tou ang kota-kota wo an tampa-tampa en angéan-Na sa.

Lukas 10:20

Mandé in taniitu, kamu tioo masalé-salé' ampa'paan kinalao miow sé sétang, aweso taré kamu maaru-aruio ampa'paan e ngaran iow aipatico an sorga.”

Lukas 10:9

Wo samaan angé sé tou sumakit asi kota itu wo icua mangé a sé tou am bitu, ‘Ra'io uré si Amang Kasuruan mai Kumawasa tanu Kolano an uner iow.’

Lukas 9:1

Tinowa i Yesus sé sangapulu' rua murit-Na wo wéan-Na ing kaketeran wo ing kawasa ai séra wosama' ro'na musér sé roh léwo' wo sumama' in saki-sakit é tou.

Roma 16:20

Wo si Amang Kasuruan, si palemboian ing kaeluran, makala'us tumeri si kikiiten é sétang an darem ing kécéi miow sa. Wo pekiupusenku en upus aitambér i Yesus Kristus Apo'ta mewali-wali oka wo icamu.

Efesus 5:24

Ampa'paan in itu, tanu in jamaat sé le'tek a si Kristus, taniitu ka'i mai sé wéwéné kinawéngo musti le'tek a si penanaanna am baya-waya.