Lukas 1:75 - En Taar Weru a nunuwu' é Tontemboan

⁷⁵ Wo ang kauréta menonou ang kayo'baan, kita musti menonou le'nas, wo asalo mengéma-ngéma' im butul si casalé' i Casuruan.

Lukas 1:75 ပူးပေါင်းရင်းမြစ်များ

Matius 1:21

Sia makéré oka esa toyaang tuama wo ngarananmu si toyaang itu ‘Yesus’, ampa'paan Sia oka en lumowir sé tou-Na ang kamesé-meséaan éra.”

Lukas 1:74

sapaoka iwekar-Na oka kita ang kakawasaan é kaséké'ta, wosama' kita ra'ica wana eng kaindé'an en sumelewir ai Sia.

Efesus 1:4

Ra'ipé' niéma' i Amang Kasuruan eng kayo'baan anio', sinisir-Nao kita wosama' meesa ang karapi i Kristus wo mamuali anu-Na si ra'ica wana kaséaan sapa-sapa an dior-Na.

Efesus 2:10

Ampa'paan si Amang Kasuruan in esa si iméma' icita mamuali tou weru an tutuwta maéman a si Kristus Yesus wo meesa wo Sia. Kita niéma'-Na tou weru wosama' émaanta sapa-sapake' sé loor sé aitantu-Nao tumo'tolke' mai indior wosama' émaanta waya sé loor.

Efesus 4:24

wo menonouo mangé mamuali tou weru, si niéma' iciit im peri i Amang Kasuruan si wutul wo le'nas.

1 Tesalonika 4:1

Poo-poow, aisusuio ami ai camu tambisa em peri mengaarui in até i Casuruan, wo kamu wutu-wutul menonouo tanu siitu. Wo intarépé' pangileken ami ai camu ang karapi ing kawasa i Apo' Yesus, wosama' kamu rumaméjipé' mangé menonou mengaarui si Amang Kasuruan.

1 Tesalonika 4:7

Kita tinowao i Amang Kasuruan e menonou ang kale'nasan wo ra'ica mengaéma' in andumoro' sé cabul sé karican oka mai.

2 Tesalonika 2:13

Poo-poow sé icaupus i Casuruan! Kami mengua-ngua i makapulu'sama' a si Amang Kasuruan andumoro' icamu, ampa'paan sinisir-Nao kamu asi kataré-taré en lowiren. Wo eng kalowiran itu mamuali ai camu, ampa'paan tatawoi i Roh Le'nas, si lume'nas icamu wo ampa'paan kamu maéman in sususuien wutul i Amang Kasuruan.

2 Timotius 1:9

Aiwéé-Nao eng kalowiran ai cita wo tinowa-Na kita wosama' menonou le'nas kumiit ing kasalé'an-Na. Niéma'-Na waya en itu ra'ica ampa'paan kita maéma' ing kaloo-looran, taan ampa'paan pinewasa-Nao indior. An tutuw eng kayo'baan anio' ra'ipé' niéma'-Na, Sia mawasao tumambérai in upus-Na ai cita in tou ampa'paan i Kristus Yesus.