Lukas 1:66 - En Taar Weru a nunuwu' é Tontemboan

⁶⁶ Wo pakasa sé tou iluminga in itu memero-merot an até, “Mamuali sapa si toyaang itu sa imawangkoo?” Ampa'paan si Amang Kasuruan mewali-wali wo sia.

Lukas 1:66 ပူးပေါင်းရင်းမြစ်များ

Lukas 1:80

Makauré si Yohanes makawangkoo wo makaketero ka'i em paémanenna a si Amang Kasuruan wo em perina makalooro. An tutuwna imawangkoo, sia mangé mento' an tana' kapayasan, akar sia tumo'tolo maéma' in tawoienna an uner é tou Israel.

Lukas 2:19

Taan andumoro' im pakasa sé aicua é gembala itu pakaéma'ke' i Maria an aténa wo pemero-merotenna.

Lukas 2:40

Wo si Yesus makawangkoo wo makaketero ka'i. Sia wuta ing kapinteran asi Amang Kasuruan wo icaupus-Na keli.

Lukas 2:51

Wo si Yesus maréng a Nazaret mewali-wali wo sé matu'a-Na wo Sia menonou le'tek a sé matu'a-Na. Pakasa sé imamuali itu pakaéma'ke' i Maria an untep in aténa.

Lukas 9:44

“Lingan wo wéan rékén sumama-sama' pakasa sé icua-Ku anio': Yaku si Toyaang i Tou, isarakan oka é tou a sé tou makakawasa.”

Kisah Para Rasul 11:21

Wo eng kawasa i Casuruan mewali-wali wo iséra akar kelian tou ra'ica Yahudi maéman a si Yesus wo mape'dis.

Kolose 1:5

Kamu maéman wo mengaupus taniitu ampa'paan kamu maarap wo mengento-ngento' sapa sé aitu'tu'o i Amang Kasuruan torona miow an sorga. Em paarapen itu liningao miow an tutuw in sususuien wutul ipakua-kuao ai camu. Siituo en Abar Kaaruien andumoro' i Yesus Kristus.