Lukas 1:33 - En Taar Weru a nunuwu' é Tontemboan

³³ Sia mamuali oka Kolano a sé tou Israel taranak i Yakub. Wo eng kakolanoan-Na awéan akar ing kauré-uré.”

Lukas 1:33 ပူးပေါင်းရင်းမြစ်များ

Matius 1:1

Si anioo en daftar é apo-apo' i Yesus Kristus taranak i Daud wo taranak i Abraham.

Matius 28:18

Susuten i Yesus séra wo icua-Na “Tinerima-Kuo waya eng kawasa an sorga wo ang kayo'baan.

Lukas 1:34

Taan icua i Maria a si malaékat itu, “Yaku anio' mangala'uné' wo ra'ipé' wana penanaan, tumambisa en itu ro'na mamuali a yaku?”

Roma 9:6

Mandé ka'i in taniitu, ra'ica icuaku sapaoka si Amang Kasuruan ra'ica lumekep in janji-janji-Na a sé tou Israel. Ampa'paan ra'ica pakasa sé taranak Israel sisiren i Amang Kasuruan mamuali tou-Na.

Galatia 3:29

Wo sa kamu anu i Kristus, kamu ka'i taranak i Abraham wo teriman oka miow sapa si aijanjio i Amang Kasuruan a si Abraham.

Galatia 6:16

Wo si séike' sé menonou mengakiit sapa sé ipakuaku itu, isombayangku sa woo ro'na si Amang Kasuruan méé mai ing kaeluran wo tumuru' ing kaupusan-Na ai séra. Sé tou menonou tanu siitu sérao sé wutu-wutul tou i Amang Kasuruan mandé ka'i séra tou Yahudi kuma'pa tou ra'ica Yahudi.

Filipi 3:3

Taan icitao sé tou wutu-wutul sinunat, ra'ica iséra. Ampa'paan icitao sé tou mengaapo' a si Amang Kasuruan si pakaakinen i Roh-Na, wo mengatirayo ampa'paan meesa wo si Kristus Yesus, wo ra'ica mengamangén a si sapa sé kaséréan tanumai atoran in sunat.

Ibrani 1:8

Taan andumoro' i Toyaang itu, icua i Amang Kasuruan tana'i, “Ico ituo si Amang Kasuruan. Asi palukutan-Mu, Ico merénta oka a sé tou-Mu akar ing kauré-uré. Wo Ico merénta oka a sé tou-Mu ang kakolanoan-Mu ang karapi in da'ica marapit.

Wahyu 11:15

Wo si malaékat kapitu sumengo in terompét, wo awéan suara si maangko' an untep in sorga makua, “Eng kakolanoan ing kayo'baan mamualio Kakolanoan i Casuruanta wo Kakolanoan i Kristus. Sia merénta oka akar ing kauré-uré.”