Lukas 1:28 - En Taar Weru a nunuwu' é Tontemboan

²⁸ Si malaékat itu mai meta'up wo si Maria am baléna wo icua i malaékat itu, “Siri' ai co si kinamang i Amang Kasuruan, Sia ka'i mewali-wali wo ico.”

Lukas 1:28 ပူးပေါင်းရင်းမြစ်များ

Matius 12:48

Taan isowat i Yesus a si tou itu, “Si séi réén si inang-Ku? Si séi réén sé mepoow wo Yaku?”

Lukas 1:27

Si malaékat itu airu'du' mangé a si esa mangala'un si ra'ipé' kawisa tumekel mewali-wali ang kerapi i tuama. Si mangala'un itu makangaran Maria. Sia itu mentantuano kawéngen i esa mangalitou makangaran Yusuf taranak i Daud.

Lukas 1:29

Kelinga i Maria sapa en aicua i malaékat itu wo sia mangaya'ka' wo memué-muéi an aténa sapa eng kaangéan in siri' itu.

Lukas 1:30

Wo icua ka'i i malaékat itu ai sia, “Maria, tioo maindé'! Ampa'paan ico makéréo ing kaupusan i Amang Kasuruan.

Lukas 1:42

wo icuana in taangko' a si Maria, “Pakakamangenko asé im pakasa é wéwéné! Pakakamangen ka'i si Toyaang am pootmu.

Kisah Para Rasul 18:10

Yaku mewali-wali wo ico, wo ra'ica wana esaan tou e ro'na misu' wo mokoi ico, ampa'paan keli tou ang kota anio' maéman a Yaku.”

Efesus 1:6

Ampa'paan in ituo, irayoo mangé si Amang Kasuruan, ampa'paan tinambéran-Nao mai in upus wangko' ai cita sé meesa wo si Yesus Kristus, Toyaang si paupu-upus-Na keli.