Lukas 1:19 - En Taar Weru a nunuwu' é Tontemboan

¹⁹ Wo isowat i malaékat itu, “Yaku anio' si Gabriel si maselewir si Amang Kasuruan. Sia e rumu'du' mai yaku eng kumua in abar loor anio' ai co.

Lukas 1:19 ပူးပေါင်းရင်းမြစ်များ

Matius 18:10

“Ta'néien iow sumama-sama'! Tioo paepesen iow im beren sé toyaang teké' anio', ampa'paan itu icua-Ku mangé ai camu, séra itu awéan malaékat makatéir sé tatap mengapaar a si Amang-Ku an sorga. [

Lukas 1:20

En aicuaku anio' uli-ulit mamuali oka asi orasna. Taan ampa'paan ra'ica percayanmu en aicuaku anio', ico mawowo' oka, ra'io icaroma' akar en aicuaku anio' mamuali.”

Lukas 1:26

An tutuw i Elisabet enemo ngaserap maowa-owak, iru'du' i Amang Kasuruan si malaékat Gabriel mangé an esa kota makangaran Nazaret an sangkum ing Galilea.

Lukas 2:10

Taan icua i malaékat itu ai séra, “Tioo maindé'! Ampa'paan aku mai kumua in abar kaaruien wangko' ai camu. En abar anio' méma' oka pakasa in tou masalé-salé'.

Lukas 21:36

Ampa'paano in itu matéi-téiro mangé kamu wo menomba-nombayango mangé, wosama' kamu keter en sumangkum ing kawenduan sé mamuali oka sa wo ka'i makawoo tumulung an dior i Toyaang i Tou tutuw Sia mai makim icamu.”

Ibrani 4:14

Kita intarépé' makaanuo Imam si Mangko-wangko' si mangéo muntep an sorga wo an dioro i Amang Kasuruan en tumawang icita. Sia ituo si Yesus, Toyaang i Amang Kasuruan. Ampa'paan in ituo mayoo kita mauli-ulit tumimboi im paémanenta a si Yesus meputé im paémanen si pengaakunta.