Kolose 4:5 - En Taar Weru a nunuwu' é Tontemboan

⁵ Menonouo mangé kamu ang karapi wuta ing kapinteran asi Casuruan owo an tutuw kamu mewali-wali wo sé tou ra'ipé' maéman a si Kristus. Wo pakéno mangé sumama-sama' en témpomu itu, wosama' séra ka'i maéman a si Kristus.

Kolose 4:5 ပူးပေါင်းရင်းမြစ်များ

Matius 10:16

“Wéan rékén en anio'! Yutus-Ku kamu mangé tanuoka sé domba an uner é serigala. Ampa'paan in itu kamu musti mapinte-pinter tanu ula', wo lekep en até tanu mombo.

Markus 4:11

Wo isowat-Na, “Sé sususuien icaenep andumoro' ing Kakolanoan i Amang Kasuruan aicua-Kuo ai camu. Taan a sé tou walina ipakua-Ku maké in andéan,

Roma 16:19

Pakasa en tou ilumingao in abar sapaoka kamu le'tek a si Amang Kasuruan, anaé aku uli-ulit arui ampa'paan icamu. Mandé in taniitu, pangilekenku wosama' kamu keli eng kailekan torona mengaéma' sé loor wo ra'ica makailek maéma' sé léwo'.

Kolose 3:16

Wo iwayao e nunuwu' i Kristus kasake' an até miow ang karapi i mawuta-wuta akar kamu si esa wo si esa ro'na mensun-susuian wo mensin-sina'uan ang karapi wuta ing kapinteran asi Amang Kasuruan owo. Wo icantaro mangé e mazmur, kakantaren rarayoan wo kakantaren rohani wo mawéé mangé i makapulu'sama' a si Amang Kasuruan si lumembo mai an até miow.

1 Tesalonika 4:12

Wo in taniitu, kamu siriin oka é tou sé ra'ica maéman a si Apo' Yesus, wo kamu ra'ica mengamangén a sé tou walina.

1 Timotius 3:7

Sé tou mengatilik an jamaat, e ngaran wo em perina musti loor a sé tou ra'ipé' maéman, wosama' sia ra'ica iséro' é tou wo ra'ica katawéran in ta'kong i kikiiten é sétang.

Yakobus 1:5

Sa awéan esaan ai camu mendam wayapé' im pira eng kapinteran asi Amang Kasuruan owo, aweso taré sia mangilek angé a si Amang Kasuruan. Wo énan-Na oka mai em pinangilek itu. Ampa'paan si Amang Kasuruan mengawéé a sé im pakasa in tou ang karapi ing kasamaan in até, ra'ica mengaimbo'.

Yakobus 3:13

Sa an esaan ai camu awéan kapinteran asi Amang Kasuruan owo wo keli eng kakailekan, musti ituru'na ang karapi i menonou in loor. Sia musti méma' in loor ang karapi ing kako'kosan in até si mai ang kapinteran i Casuruan owo.

Yakobus 3:17

Taan si tou awéan kapinteran asi Amang Kasuruan owo itu, tana'i: Kataré sia menonou ang karapi in até weresi wo masalé' meelu-eluran wo sé tou, sama' a sé tou, téés, wuta ing kaupusan a sé tou wo mengéma-ngéma' andumoro' sé loor, ra'ica marapit wo ra'ica punek.

1 Petrus 3:1

Éi wéwéné sé kinawéngo, kamu musti male'te-le'tek angé a sé penanaan iow, wosama' sa awéan penanaan sé ra'ica maéman in Taar i Amang Kasuruan, mandé kamu ra'ica rumoma' in Taar itu ai séra, séra ro'na maéman a si Amang Kasuruan, ampa'paan séra suméréo ing katouan iow loor.