Icuao ka'i mangé en siri'ku a sé jamaat sé mengali'usai maapo' am balé i Priskila wo si Akwila. Icuao ka'i mangé en siri'ku a si Epenetus, si poow an esa paémanen si icaupusku, siao si tou kataré-taré maéman a si Kristus an Asia.
En casalé'ku, wosama' kailekan iow sapaoka uli-ulit uter em paraméjianku en tumawang icamu ang Kolose, wo sé tou an Laodikia wo ka'i pakasa sé tou sé ra'ipé' makatuus yaku an tampa-tampa walina.
Wo sa en surat anio' binacao an uner iow, raméjinio' icirimo mangé a sé jamaat an Laodikia wosama' bacan ka'i an uner éra. Wo en surat si aicirimku a sé jamaat an Laodikia, musti bacan ka'i an uner iow.
wo ka'i a si Apfia poowta wéwéné an esa paémanen wo a si Arkhipus karapita si mewali-wali maraméji mengakua andumoro' i Yesus a sé tou. Wo ipatic ka'i a sé jamaat sé mengali'us maapo' am balému.