Kolose 4:12 - En Taar Weru a nunuwu' é Tontemboan

¹² Si Epafras méé ka'i mai in siri' ai camu. Sia esaan an jamaat iow wo ata i Yesus Kristus. Kamu penomba-nombayangna wosama' em paémanen iow a si Kristus Yesus makaenté-enté' tanu tou wangkoo wosama' kamu ka'i wutu-wutul makailek sapa waya sé icasalé' i Amang Kasuruan.

Kolose 4:12 ပူးပေါင်းရင်းမြစ်များ

Matius 5:48

Ampa'paan in itu, kamu musti lekep, kaputé i Amang iow si an sorga lekep.”

Lukas 1:1

Tuang Teofilus si pasiri-siriinku. Keli en tou irumaméjio imatic in abar andumoro' im pakasa sé mamualio an tutuw i Yesus an unerta.

Lukas 22:44

Wo si Yesus mendam tambisa eng kauterna ing kawenduan wo maindé', anaé Sia lébé mauli-ulit masombayang. Wo en limuut-Na mamuali tanuoka enda' matiis an tana'.]

Yohanes 12:26

Si séike' en sumelewir Yaku musti kumiit Yaku. Wo am bisake' en angéan-Ku, am bitu ka'i awéan si maselewir Yaku. Si séi e maselewir Yaku sia siriin oka i Amang-Ku.”

Roma 15:14

Poo-poowku an esa paémanen, uli-ulit percayanku sapaoka kamu iméma'o ing keli kalooran. Kamu ka'i kelio eng kakailekan andumoro' in sususuien i Amang Kasuruan, wo makawoo mensin-sina'uan si esa wo si esa.

Roma 15:30

Poo-poowku an esa paémanen, ampa'paan kita maémano a si Apo'ta Yesus Kristus, siituo e mangémai e Roh Le'nas matawoi an atéta akar kita ro'na meupu-upusan si esa wo si esa. Anaé, pekiupusenku ai camu wosama' kamu uli-ulit rumaméji mewali-wali wo yaku en sumombayang a si Amang Kasuruan toronaku.

1 Korintus 14:20

Poo-poow! Tioo em pakawerot iow tanuoka sé toyaangé' teké', wo mamualio toyaang teké' andumoro' ing kaléwo'an. Taan em pakawerot iow musti mamuali tanu in tou wangkoo.

1 Korintus 2:6

Mandé ka'i in taniitu, sa kami makua a sé tou sé uli-ulit maémano, kami makua andumoro' ing kapinteran. Eng kapinteran itu ra'ica asi kayo'baan owo, ra'ica ka'i asé tou owo sé makatimboi ing kakawasaan ang kayo'baan anio', si kakawasaan maka'pu oka.

2 Korintus 13:11

Anaé é poo-poow, maaru-aruio mangé, wutuleno em peri miow si suméa'. Terimano mangé pakasa en sina'uku! Meesao mangé en até wo em bewerot iow wo menonouo mangé ang kaeluran. Si Amang Kasuruan, pelemboian in upus wo ing kaeluran, mewali-wali oka wo icamu!

Galatia 1:10

Tioo mengawerot sa aku rumaméji marui in até é tou. Yaku rumaméji marui in até i Amang Kasuruan. Sa aku asaloke' rumaméji marui in até é tou, yaku anio' ra'ica ata i Kristus.

Galatia 4:19

Éi toya-toyaang sé caupusku, ampa'paan maindé' in andumoro' icamu, yaku ka'i mawendu puté wo ing kawenduan si pinendamo mai i esa wéwéné tutuw makéré toyaang. Yaku mawendu oka melala'us tanu siitu akar em peri i Kristus kaséréan an owak iow.

Kolose 1:22

Taan intarépé' kamu niéma'o i Amang Kasuruan meelurano sumawel wo Sia ampa'paan im papaté in owak i Kristus, wosama' kamu menonou le'nas wo ra'ica wana kaséaan wo ra'ica wana e ro'na itudu an dior-Na.

Kolose 1:28

Anaé, si Kristus ituo sé ipakua ami a sé im pakasa in tou. Kami masina'u wo masusui iséra ang karapi wuta ing kapinteran asi Amang Kasuruan owo, wosama' kami ro'na makawali pakasa in tou wutu-wutul lekep ampa'paan meesao wo si Kristus.

Kolose 1:29

Torona in ituo aku tumawoi wo mauli-ulit rumaméji ang karapi i mamangén ang kaketeran si aiwéé mai i Kristus wo repet matawoi an untep in owakku.

Kolose 1:7

Pakasa en Abar Kaaruien andumoro' i Yesus Kristus itu, kinailekan iow asi Epafras owo si karapi ami maselewir si caupus ami. Sia le'tek mengaselewir asi Kristus torona ing kalooran iow.

Kolose 1:9

Ampa'paano in itu, tumo'tolai kami luminga andumoro' miow, kami ra'ica mento' menomba-nombayang torona miow. Pekiupusen ami a si Amang Kasuruan wosama' kamu wéan-Na mai ing kapinteran wo ing kakailekan wutul, wosama' sapa sé icasalé'-Na, kailekan iow im butul.

Kolose 4:9

Sia maangé oka mewali-wali wo si Onesimus si poow icaupusta wo le'tek. Si Onesimus esaan an jamaat iow. Séra in dua oka eng kumua ai camu pakasa sé mamuali am bia'i.

1 Tesalonika 5:23

Pangileken ami a si Amang Kasuruan wosama' émaan-Na eng katouan iow male'nas. Siao ka'i méma' icita menonou ang kaeluran. Pangileken ami ka'i téiran-Na mai en owak, en até wo e mu'kur iow wosama' an tutuw si Apo'ta Yesus Kristus maai sumawel, kamu ra'ica wana kaséaan ampa'paan kamu ra'ica iméma' ing kameséaan sapa-sapa.

Filemon 1:23

Si Epafras icumirim mai in siri' ai co. Sia binui mewali-wali wo yaku ampa'paan maselewir a si Kristus Yesus.

Ibrani 5:14

Taan eng kakanen keté torona é tou wangkoo, sé makalatio mabéda si wisa en loor wo si wisa en léwo'.

Ibrani 5:7

An tutuw i Yesus menonou tanu tou ang kayo'baan, Sia masombayang wo mapekiupus ang karapi imaangko' maamé' a si Amang Kasuruan si makawoo lumowir Sia am papaté. Ampa'paan Sia le'tek wo wuta in siri' a si Amang Kasuruan, akar en sombayang-Na lininga.

Yakobus 1:1

Siri' a yaku owo Yakobus, ata i Amang Kasuruan wo i Apo' Yesus Kristus. Aipaticku en surat anio' a sé sangapulu' rua suku Israel am panangkéian sé maémano a si Yesus Kristus.

Yakobus 1:4

Kamu kasake' le'tek maéman tanu siitu wosama' em paémanen iow wutu-wutul makaketer wo makaleke-lekep wo ra'ica imaina' sapa-sapa.

Yakobus 5:16

Ampa'paan in ituo, mangakuo mangé ing kamesé-meséaan asi esa wo si esa wo menson-sombayangano mangé wosama' kamu masama'. En sombayang é tou mengaéma' im butul uli-ulit wangko' eng kawasana.

2 Petrus 1:1

En surat anio' a yaku owo, Simon Petrus. Yaku anio' ata wo ruru'du'an i Yesus Kristus. Ipaticku en surat anio' ai camu sé maémano a si Yesus Kristus kaputé ami. Si Yesus Kristus itu Amang Kasuruan wo Lumolowirta. Sia iméma' icamu maéman ampa'paan si pengaémaan-Na wutul wo ra'ica marapit.

Yudas 1:24

Si Amang Kasuruanke' si makakawasa en tuméir icamu wosama' kamu ra'ica icasu'su'. Siao e makawoo maali icamu sé ra'ica wana kaséaan a si tampa-Na si parayo-rayo wo pasiri-siriin, wo am bitu oka kamu masalé-salé'.