Kolose 4:11 - En Taar Weru a nunuwu' é Tontemboan

¹¹ Si Yesus si patowan éra Yustus, méé ka'i mai in siri' ai camu. An uner é tou Yahudi am bia'i sé maémano a si Yesus Kristus, wayake' séra in telu sé matawoi ang karapiku torona ing kakolanoan i Amang Kasuruan. Séra wutu-wutul e miboro yaku.

Kolose 4:11 ပူးပေါင်းရင်းမြစ်များ

Kisah Para Rasul 10:45

Am bitu awéan ka'i sé tou sinunato sé maéman a si Yesus sé icumiitai si Petrus an Yope owo. Séra mangaya-ngaya'ka' an tutuw séra suméré si Amang Kasuruan tumambérai i Roh Le'nas a sé tou ra'ica Yahudi.

Kisah Para Rasul 11:2

Ampa'paan in ituo, an tutuw i Petrus imaréngo sumawel an Yerusalem, awéan piraan tou Yahudi sé imaémano, meindo-indoan roma' wo isia.

Roma 16:3

Icuao mangé en siri'ku a si Priskila wo a si penanaanna Akwila. Séra in dua kara-karapiku matawoi torona i Kristus Yesus.

Roma 4:12

Si Abraham ka'i mamuali amang é tou sé sinunato. Sia imamuali amang éra ra'ica ampa'paan séra mengakiit in atoran-atoran sunat, taan ampa'paan séra maéman a si Amang Kasuruan, meputé si Abraham imaémano an tutuw sia ra'ipé' sinunat.

2 Korintus 6:1

Ampa'paan kami matawoi mewali-wali wo si Amang Kasuruan, pekiupusen ami imauli-ulit ai camu wosama' tioo paepesen iow im beren en upus aitambér i Amang Kasuruan si tinerimao miow itu.

Efesus 2:11

Poo-poow, ta'néieno mangé tambisa eng katouan iow indior. Ketouke' mai icamu tou ra'ica Yahudi, anaé icamu patuulen é tou Yahudi “tou ra'ica sinunat”, ampa'paan patuulen éra en owak éra “tou sinunat”. Sé tou sinunat itu mengatirayo ampa'paan séra mengakiit in atoran sunat, mandé ka'i en itu asalo tuus an owak éra si niéma' ing kama in tou.

Filipi 4:3

Wo ico é Sunsugos karapiku si le'tek, pangilekenku wosama' tawangenmu sé rua wéwéné itu, ampa'paan séra imakepé-kepéo mai mewali-wali wo yaku makua in Abar Kaaruien andumoro' i Yesus Kristus. Séra matawoi mewali-wali wo si Klemens wo sé karapiku walina an esa tawoien. Pakasa e ngaran é tou sé masémbong a yaku anio' aipatic ang Kitap Katowan ampa'paan séra menonou oka akar ing kauré-uré.

Kolose 4:7

Pakasa en abar andumoro' yaku am bia'i, icua oka i Tikhikus ai camu. Sia poow si caupusta, ata le'tek si re'dem matawoi wo ka'i karapi ami e maselewir si Casuruan.

1 Tesalonika 3:2

wo si Timotius poowta an esa paémanen, yutus ami mangé ai camu. Sia itu kara-karapita matawoi a si Amang Kasuruan e mengakua in Abar Kaaruien andumoro' i Yesus Kristus. Yutus ami si Timotius maangé e méé ing kaketeran an até miow wosama' em paémanen iow a si Yesus makaketer.

1 Tesalonika 3:7

Ampa'paan in ituo é poo-poow, mandé kami ang kasusaan wo ang kawenduan, kami ka'i arui ampa'paan palingan ami kamu kasake' maéman a si Yesus.

Titus 1:10

Icuaku in taniitu ampa'paan kelio sé tou masalé' mengasundur in sususuien wutul. An uner éra itu awéan tou Yahudi si maémano a si Yesus, pengasusuina sapaoka sé tou ra'ica Yahudi sa masalé' mamuali anggota jamaat musti sunaten owo. Séra itu mengauwak sé tou walina ang karapi in doroma' éra sé ra'ica wana en torona.

Filemon 1:1

En surat anio' a yaku owo Paulus, si binui ampa'paan makua in abar andumoro' i Kristus Yesus wo asi Timotius owo poowta an esa paémanen. En surat anio' aipatic ami wo iwéé ai co Filemon si caupus ami, si katawoi ami,

Filemon 1:24

Sé kara-karapiku an esa tawoien, si Markus, si Aristarkhus, si Demas wo si Lukas, séra ka'i cumirim mai in siri' ai co.