Kolose 3:25 - En Taar Weru a nunuwu' é Tontemboan

²⁵ Si séike' e méma' ing kameséaan, pamuléngenna oka eng kameséaanna itu. Ampa'paan si Casuruan ra'ica masisir in tou.

Kolose 3:25 ပူးပေါင်းရင်းမြစ်များ

Matius 16:27

Ampa'paan si Toyaang i Tou maai oka mewali-wali wo sé malaékat-Na ang kawasa wangko' i Amang-Na. An tutuw itu suliin-Na oka sé tou kiit im pinengaéma' éra.

Lukas 20:21

Icua é tou itu a si Yesus in tana'i, “Guru, kailekan ami pakasa sé aicua wo sé aisusui-Mu itu wutul wo si Guru ra'ica masisir tou em pasiriin, wo ka'i si Guru masusui ang karapi i makakii-kiit andumoro' ing kasalé'an i Amang Kasuruan.

Kisah Para Rasul 10:34

Wo tumo'tolo si Petrus rumoma', “En ulitna intarépé'o kailekanku sa si Amang Kasuruan itu ra'ica mengasisir tou.

Roma 2:11

Ampa'paan pakasa en tou puté waya an dior i Amang Kasuruan.

2 Korintus 5:10

Ampa'paano icita im baya uli-ulit sumaru oka an dior i Kristus in akimen wo iesa wo esa tou makéré oka in susuli' kumiit sapa sé pinengaéma'na ang kauré menonou asi kayo'baan anio', loor kuma'pa léwo'.

Efesus 6:8

Ampa'paan kailekano miow sapaoka sé tou mengaéma' ing kalooran, mandé ka'i sia ata kuma'pa tou ra'ica pakakawasan é tou walina, tantu makéré oka in susuli' asi Casuruan.

Efesus 6:9

Éi tuang-tuang, kamu musti ka'i sama' a sé ata miow. Tioo pengaetengan iow séra akar séra maindé' ai camu. Ta'néieno mangé sapaoka kamu wo sé ata miow puté-puté makaanu esa tuang, Siao si Casuruan si an sorga, Sia ra'ica mengasisir in tou.

Kolose 4:1

Éi tuang-tuang, mengaéma'o mangé sé wutul a sé ata miow wo wééo mio' waya sapa e mamuali hakna. Weroteno mangé sapaoka kamu ka'i awéan Tuang an sorga.

1 Tesalonika 4:6

Andumoro' in ubungan iow mempenanaan, tioo kamu mengauwak kuma'pa mengaéma' ing kaséaan a sé poo-poow iow. Ampa'paan ukumen i Amang Kasuruan sé tou mengaéma' in tanu siitu, puté wo sé aicuao ami wo sé wutu-wutul aipokéi ami ai camu indior.

2 Tesalonika 1:6

Si Amang Kasuruan itu ulit ra'ica marapit wo suliin-Na oka waya sé tou imokoi camu.

Filemon 1:18

Sa sia méma'o ing kaséaan kuma'pa awéan utang ai co, yuntepo mio' waya en itu an tanggonganku.

Ibrani 2:2

En Taar i Amang Kasuruan sé ipakua é malaékat a sé apo-apo'ta tou Israel en itu wutul, wo en tou si ra'ica mengakiit kuma'pa ra'ica mengaéma' in taar i Amang Kasuruan, sia itu makéré in ukuman kumiit sé pinengaéma'na.

1 Petrus 1:17

An tutuw iow mengasombayang a si Amang Kasuruan, Sia patuulen iow “Amang”. Siao e maakim sé tou kumiit im pinengaéma'na, ra'ica maséré ing gio. Ampa'paano in itu, siriino mangé Sia ang kauré miow menonou asi kayo'baan anio' tanu tou sé asalo imanangkéi.

Yudas 1:16

Séra itu mengimbuluke' wo mengawéé séa' a sé tou walina, taan séra in esa menonou makiit ing kasalé'an in owak éra mengaéma' ing kamesé-meséaan. Séra manuwu' mengaangkai in owak in esa wo manuwu' maarui sé tou walina e mekéré in untung.