Kolose 3:22 - En Taar Weru a nunuwu' é Tontemboan

²² Éi ata-ata, pengakiiten angé em perénta i tuang iow ang kayo'baan anio' sapake' mangé en airu'du'na. Tioo kamu asalo mengaturu' in le'tek an diorna e mengaarui in aténa, taan male'te-le'teko mangé kamu ang karapi in lekep en até ampa'paan kamu maindé' a si Casuruan.

Kolose 3:22 ပူးပေါင်းရင်းမြစ်များ

Matius 6:22

Em beren itu sosoloan in owak. Sa em beren iow loor, sendoto waya en owak iow.

Matius 8:9

Ampa'paan yaku awéané' kikiiten sé maperénta yaku. Wo ka'i yaku awéan suraro sé paperéntanku. Sa peréntanku esaan asé suraro-suraro itu ‘Mangé!’, tantu sia mangé. Wo sa peréntanku si esa ‘Mai!’, tantu sia mai, kuma'pa ka'i a si ataku, ‘Tawoien si anio'!’, tantu tawoienna.”

Lukas 6:46

“Kéitu réén kamu kumua a Yaku, ‘Tuang, Tuang’ taan kamu ra'ica maéma' sapa en aicua-Ku?

Lukas 7:8

Ampa'paan aku awéané' kikiiten sé maperénta yaku. Wo ka'i aku, awéan suraro sé paperéntanku. Wo sa peréntanku esaan asé suraro itu: ‘Mangé!’, tantu sia mangé. Wo sa peréntanku si esa suraro: Mai!, tantu sia mai. Wo sa peréntanku si ataku, ‘Tawoien en anio'!’, tantu tawoienna.”

Kisah Para Rasul 2:46

Wo susur in endo séra le'tek mewali-wali wo meesa en até mengali'us ang am Balé Le'nas. Séra mengaéma' im perjamuan mewali-wali ang karapi in arui wo lekep en até si pagilir am balé-walé.

2 Korintus 7:1

Poo-poow sé icaupusku, pakasa en janji itu aituru' ai cita. Ampa'paan in itu mayo kita meresi in owak asé im pakasa sé mengakotor in owak wo i rohta. Wo mayo kita menonou le'nas torona i Amang Kasuruan ang karapi in lekep wo maindé'o mangé ai Sia.

Galatia 1:10

Tioo mengawerot sa aku rumaméji marui in até é tou. Yaku rumaméji marui in até i Amang Kasuruan. Sa aku asaloke' rumaméji marui in até é tou, yaku anio' ra'ica ata i Kristus.

Kolose 3:20

Éi toya-toyaang, pengakiiten angé em perénta é matu'a miow am baya-waya, ampa'paan siituo e mengaarui in até i Casuruan.

1 Tesalonika 2:4

Kami tinokéano i Amang Kasuruan eng kumua in Abar Kaaruien andumoro' i Yesus Kristus, ampa'paan kami nianggap-Na patus eng kumua in itu. Ampa'paan in ituo ipakua-kua ami en Abar Kaaruien itu ra'ica asaloke' mengaarui in até é tou taan mengaarui in até i Amang Kasuruan si mengauji in atéta.

Filemon 1:16

Intarépé' sia ra'ica asaloke' atamu taan lumébé mai wo in itu. Ampa'paan sia mamualio poow an esa paémanen si paupu-upus. Sa ciit yaku, sia tanuo siitu, lébé-lébépé' ka'i ai co, tantu sia lébé ipaupu-upusmu ampa'paan sia atamu wo ka'i intarépé' sia tanu poowmu an esa paémanen a si Apo' Yesus.