Kolose 3:2 - En Taar Weru a nunuwu' é Tontemboan

² Anaé, weroteno mangé in andumoro' sé an sorga wo tioo memero-merotke' in andumoro' sé ang kayo'baan.

Kolose 3:2 ပူးပေါင်းရင်းမြစ်များ

Matius 16:23

Wo si Yesus suméléng wo kumua a si Petrus, “Tumayango ko é sétang! Icoo si esaan watu masangkil Yaku, ampa'paan ico ra'ica mawerot in sapa em paweroten i Amang Kasuruan, taan sapa em paweroten é tou.”

Matius 6:19

“Tioo kamu masuun ing kasiyaan torona in owak iow ang kayo'baan, ampa'paan eng kasiyaan ang kayo'baan anio' lolondin oka wo léwoon in taincéré' wo mai egan é rombit e rombiten éra eng kasiyaan itu.

Lukas 12:15

Wo icua-Na a sé pakasa in tou sé imali'us am bitu, “Maté-téiro mangé wo mareti-retio kamu oréoka kamu mamuali tou longi'. Ampa'paan eng katouan é tou, ra'ica asalo mamangén ang kasiyaan, mandé ka'i eng kasiyaanna itu ilumébé-lébéo.”

Lukas 16:11

Anaé, sa kamu ra'ica toro pengatokéan ing kasiyaan ing kayo'baan, si séi en tumoké ai camu ing kasiyaan wutul an sorga?

Filipi 1:23

Ra'io kasisiranku asé rua sisiran itu. Yaku masalé' keli tumela'u ing kayo'baan anio' wo mangé mento' mewali-wali wo si Kristus, ampa'paan en itu si lumébé loorai.

Kolose 3:1

Poo-poow, si Kristus itumouo sumawel, anaé kamu sé maéman ai Sia tanuoka aitou sumawel ang katouan weru mewali-wali wo Sia. Ampa'paano in itu rumaméjio mangé kamu mangéré andumoro' sé an sorga. Asi tampa itu si Kristus makalukut ang kakan i Amang Kasuruan.

Kolose 3:5

Ampa'paano in itu tiya'o waya eng kasalé-salé'an in owak ang katouan iow, tanumai, mabersina, najis, kasalé'an in owak andumoro' in cabul, kasalé'an léwo', longi' am baya-waya si ro'na ipeputé wo i mengaapo' a sé opo-opo'.