Kolose 3:16 - En Taar Weru a nunuwu' é Tontemboan16 Wo iwayao e nunuwu' i Kristus kasake' an até miow ang karapi i mawuta-wuta akar kamu si esa wo si esa ro'na mensun-susuian wo mensin-sina'uan ang karapi wuta ing kapinteran asi Amang Kasuruan owo. Wo icantaro mangé e mazmur, kakantaren rarayoan wo kakantaren rohani wo mawéé mangé i makapulu'sama' a si Amang Kasuruan si lumembo mai an até miow. အခန်းကိုကြည့်ပါ။ |
Anaé é poo-poow, sapa eng kaangéan im pakasa in itu? An tutuw iow mali'us mewali-wali i maapo', awéan sé tou makantar ing kakantaren marayo si Amang Kasuruan, awéan sé tou masusui, awéan sé tou makua i nunuwu' i Amang Kasuruan, awéan sé tou maroma' mapaké i nunuwu' i roh, wo awéan ka'i sé matutur ing kaangéan i nunuwu' i roh itu. Musti émaan iow pakasa en itu en sumusui wo torona ing kalooran iow im baya.
Ampa'paan en taar i Casuruan icaseraro tumo'tolo mai ai camu wo akar an sangkum i Makedonia wo ra'ica am bituke' taan imakaro ka'i an sangkum in Akhaya. Wo ra'ica asaloke' andumoro' in taar pengakua miow taan ka'i en abar andumoro' im paémanen iow a si Amang Kasuruan icaseraro am pakasa in tampa. Ampa'paan in ituo kami ra'io wana torona eng kumua in sapa-sapa, ampa'paan pinalingao é tou em paémanen iow.
Pokéianmu mangé sé tou siya' ang kayo'baan anio' wosama' séra tioo mengatirayo wo tioo menonou mamangén ang kasiyaan. Ampa'paan eng kasiyaan ing kayo'baan anio' ra'ica akar ing kauré-uré, si endo anio' awéan woondo maka'puo. Aweso taré séra itu menonou mamangén a si Amang Kasuruan, si méé mai im baya-waya sé paperlunta wosama' ro'na kaipianta waya en itu.
Aipaticku ai icamu, éi toya-toyaang, ampa'paan kamu makatuuso si Amang. Aipaticku ka'i ai camu, éi amang-amang, ampa'paan kamu makatuuso Sia si awéano asi kataré-taré an tutuw ra'ipé' niéma' eng kayo'baan. Aipaticku ka'i ai camu, éi tou wo'bas, ampa'paan em paémanen iow keter. Wo en Taar i Casuruan menonou an até miow wo si léwo' kinalao miow.
Wo andumoro' icamu in esa, si Casuruan imééo mai i Roh Le'nas eng kumawasa icamu wo akar intarépé' e Roh Le'nas itu awéané' ai camu. Anaé kamu ra'io sangali susuian é tou walina, ampa'paan kamu penusu-nusuian i Roh Le'nas andumoro' im pakasa in itu. Wo sapa en aisusui-Na itu wutul wo ra'ica towo. Tinerimao miow en sususuien itu ai Sia, ampa'paan in itu kamu musti menonou angé meesa wo si Kristus.
Wo aku kumundu an dior ing kécéi i malaékat itu en sumiri' sia, taan icuana a yaku, “Tioo ko méma' taniitu a yaku! Ampa'paan yaku asaloke' ata i Amang Kasuruan kaputému wo kaputé é poo-poowmu an esa paémanen sé masairi andumoro' i Yesus. Apoono mangé si Amang Kasuruan, ampa'paan eng kasairian i Yesus ituo e méma' sé tou mengakua in Taar i Amang Kasuruan.”