Kolose 3:13 - En Taar Weru a nunuwu' é Tontemboan

¹³ Sa awéan tou e méma' ing kaséaan ai camu, ituru'o mangé eng katalesenan iow a si tou itu wo sa awéan ai camu si menii-niim in léwo' membém-béan angé ing kaampungan. Tanu si Casuruan mééo ing kaampungan ai camu, mengaéma'o mangé tanu siitu.

Kolose 3:13 ပူးပေါင်းရင်းမြစ်များ

Matius 5:44

Taan icua-Ku mangé ai camu, icaupuso mangé sé kaséké' miow wo isombayango mangé sé mengaokoi icamu.

Matius 6:12

Wo ampunganai eng kamesé-meséaan ami, kaputé ami ka'i mawéé ing kaampungan a si tou si méma' ing kameséaan ai cami.

Markus 11:25

Sa kamu tumulung en sumombayang, musti ampunganmu owo eng kameséaan i esa tou ai co wosama' si Amang iow an sorga méé oka ka'i kaampungan ang kameséaan iow.” [

Lukas 11:4

Wo ampunganai eng kamesé-meséaan ami, ampa'paan kami ka'i mawéé ing kaampungan a si tou si méma' ing kameséaan ai cami. Wo ra'ica toro iwali kami muntep am pangepé'an.’ ”

Lukas 23:34

Wo si Yesus sumombayang, “O Amang, ampunganai séra, ampa'paan ra'ica kailekan éra sapa em pengaémaan éra.” Wo pewéténgen éra eng karai i Yesus ang kerapi in lumotréi.

Roma 15:7

Ampa'paano in itu, mensung-sungkulano mangé kamu si esa wo si esa, meputé si Kristus ka'i isumungkulo icamu. Wo in taniitu si Amang Kasuruan iparayo-rayo wo pasiri-siriin.

2 Korintus 2:10

Sa ampungan iow si tou iméma'o ing kaséaan ai camu, ampunganku ka'i si tou itu. Ampa'paan sapa sé niampungankuo, sa wutul awéan em perlu ampungan, en itu ampunganku an dior i Kristus torona ing kalooran iow.

2 Korintus 6:6

Mandé ka'i in taniitu, kami menonou ang karapi in até weresi, makailek sé andumoro' in Taar i Amang Kasuruan, talesen, sama' en até. Em paturu' ami sapaoka kami ata i Amang Kasuruan. Wo kami ka'i mamangén a si tatawang i Roh Le'nas wo mengaupus sé tou ang karapi in lekep en até,

Galatia 6:2

Sa awéan an uner iow meta'up ing kawenduan, mensén-sémbongano mangé kamu tumanggong im pamuléngen itu! Wo in taniitu kamu icumiito in ukum i Kristus andumoro' i meupu-upusan.

Efesus 4:2

Anaé, menonouo mangé ang karapi ing ko'kos en até, sama' en até a sé pakasa é tou wo talesen. Ituru'o mio' en upus iow ang karapi i mentan-tawangan si esa wo sé walina.

Efesus 4:32

Taan aweso taré kamu loor en até, meupu-upusan, membém-béan angé ing kaampungan, kaputé i Amang Kasuruan mengawéé ing kaampungan ai camu sé maémano a si Kristus.

Efesus 5:2

Menonouo mangé ang karapi i meupu-upusan, kaputé i Kristus mengaupuso icamu. Sia sumarakano in owak-Na torona icita tanu raragésan si mawou manam torona i Amang Kasuruan.

Kolose 3:12

Ampa'paano in itu, kamu sé sinisiro i Amang Kasuruan wo sé line'nas-Nao wo ka'i sé icaupus-Na, ituru'o mangé eng kaupusan iow, mengaéma' mangé in loor, mengako'kos angé in até, tioo mengakasar a sé tou wo malese-lesen mengasaru ing kawenduan asi esa wo sé walina.

Yakobus 2:13

Sa an témponao si Casuruan mai makim sé tou, Sia ra'ica kawisa tumuru' ing kaupusan a sé tou sé ra'ica wana kaupusan a sé tou walina. Taan sé tou mengaupus sé tou walina, séra ra'ica makéré in ukumen asi endo pengaakiman.

1 Petrus 2:21

Ampa'paan in ituo, kamu tinowao i Amang Kasuruan e méma' in loor mandé' ka'i kamu meta'up ing kawenduan. Si Apo' Yesus imendamo ing kawenduan torona miow wo imééo im paandéan ai camu wosama' kiiten iow tanu si niéma'-Na.