Kolose 3:12 - En Taar Weru a nunuwu' é Tontemboan

¹² Ampa'paano in itu, kamu sé sinisiro i Amang Kasuruan wo sé line'nas-Nao wo ka'i sé icaupus-Na, ituru'o mangé eng kaupusan iow, mengaéma' mangé in loor, mengako'kos angé in até, tioo mengakasar a sé tou wo malese-lesen mengasaru ing kawenduan asi esa wo sé walina.

Kolose 3:12 ပူးပေါင်းရင်းမြစ်များ

Matius 24:22

Wo sa sé endo kawenduan itu ra'ica koleken i Amang Kasuruan, ra'ica wana mandé esake' tou e malowir. Taan ampa'paano ing kaupusan-Na a sé tou sé sinisir-Nao, akar sé endo kawenduan itu koleken-Na oka.

Matius 24:24

Ampa'paan sé kristus ra'ica wutul wo sé nabi ra'ica wutul mapaturu' oka. Émaan éra oka en tuu-tuus wo kakaya'kaan sé ra'io icakua en sumélé'kow sé tou, sa woo ro'na ka'i, isélé'kow éra sé tou sinisiro i Amang Kasuruan.

Matius 24:31

Wo iru'du'-Na oka sé malaékat-Na kumesot sumengo in trompét taténgé keli, wo ipapali'us-Na ai séra pakasa sé tou sé sinisir-Nao am bisa-wisake' asi kayo'baan anio' tumo'tol asi tempok in langit akar asi tempok in langit.

Markus 13:20

Wo sa sé endo kawenduan itu ra'ica kinolek i Amang Kasuruan ra'ica wana esa tou e malowir. Taan ampa'paano ing kaupusan-Na a sé tou sé sinisir-Nao, akar kinolek-Na en endo itu.

Markus 13:22

Ampa'paan sé mesias ra'ica wutul wo sé nabi ra'ica wutul maai oka sa. Émaan éra oka en tuu-tuus wo eng kakaya'kaan-kakaya'kaan en sumélé'kow sé tou sinisir i Amang Kasuruan.

Markus 13:27

Asi témpo ituke', iru'du'-Na sé malaékat-Na en lumi'us pakasa sé tou sinisir-Nao am pakasa in tampa asi cayo'baan anio', tumo'tol an tempok ing kayo'baan akar an tempok in langit.”

Lukas 1:78

Si Amang Kasuruanta itu lumoo-loor wo taupus. Sia mai lumowir icita tanuoka sendot i yéndo i mamoondo,

Lukas 18:7

Sa si akim si marapitke' itu ro'na méla im perkara i wéwéné balu itu, wopé'taré si Amang Kasuruan, tantu tawangen-Na oka sé tou sinisir-Nao in esa sé meki-kiupus ai Sia endo wo em bengi. Wo makala'us tawangen-Na wo ra'ica ipauré-uré.

Roma 1:7

Ampa'paan in ituo, ipaticku en surat anio' ai camu im baya sé maento' a Roma sé icaupus i Amang Kasuruan, sé tinowa-Nao e mamuali tou le'nas. Pekiupusenku woo a si Amang Kasuruan, Amangta wo a si Apo' Yesus Kristus en tumambérai ing kamang wo ing kaeluran ai camu.

Roma 13:14

Taan aweso taré kita menonou meputé im peri sé aituru' i Apo' Yesus Kristus. Wo ra'io toro makiit im peri é tou sé maéma' ing kamesé-meséaan e marui ing kasalé'an in owakna in esa.

Roma 9:11

Wo ra'ipé' itumou sé rua toyaang itu, si Amang Kasuruan tumantuo im pawasa-wasa-Na. En itu ra'ica ampa'paan im pengaémaan é rua toyaang itu, ampa'paan an tutuw sé rua toyaang itu ra'ipé' maéma' sé loor wo sé léwo',

1 Korintus 13:4

Si tou mengaupus sé tou walina, sia itu talesen, loor en até, ra'ica kokanat, ra'ica marayo in owak, wo ra'ica tirayo.

2 Korintus 6:6

Mandé ka'i in taniitu, kami menonou ang karapi in até weresi, makailek sé andumoro' in Taar i Amang Kasuruan, talesen, sama' en até. Em paturu' ami sapaoka kami ata i Amang Kasuruan. Wo kami ka'i mamangén a si tatawang i Roh Le'nas wo mengaupus sé tou ang karapi in lekep en até,

Galatia 5:6

Ampa'paan torona é tou sé meesao wo si Kristus Yesus, sia sinunat kuma'pa ra'ica sinunat en itu ra'ica penting. Em penting am bia'i em paémanen si aituru' ang karapi in upus a sé tou walina.

Efesus 1:4

Ra'ipé' niéma' i Amang Kasuruan eng kayo'baan anio', sinisir-Nao kita wosama' meesa ang karapi i Kristus wo mamuali anu-Na si ra'ica wana kaséaan sapa-sapa an dior-Na.

Efesus 4:2

Anaé, menonouo mangé ang karapi ing ko'kos en até, sama' en até a sé pakasa é tou wo talesen. Ituru'o mio' en upus iow ang karapi i mentan-tawangan si esa wo sé walina.

Efesus 4:24

wo menonouo mangé mamuali tou weru, si niéma' iciit im peri i Amang Kasuruan si wutul wo le'nas.

Efesus 4:32

Taan aweso taré kamu loor en até, meupu-upusan, membém-béan angé ing kaampungan, kaputé i Amang Kasuruan mengawéé ing kaampungan ai camu sé maémano a si Kristus.

Filipi 1:8

Kailekan i Amang Kasuruan sapaoka kamu im baya lelonku keli wo icaupusku tanu si Kristus Yesus mengaupus icamu.

Kolose 3:10

Wo kamu intarépé' winéano ing katouan weru, wo em peri miow pemeru-merun i Amang Kasuruan si méma' icamu kiit ing gambar-Na, wosama' kamu wutu-wutul makatuus Sia.

1 Tesalonika 5:15

Wéanio' rékén, oréoka awéan si tou mengasuli' in léwo' a sé tou mengaéma' in léwo'. Taan musti rumaméji mangé kamu mengaéma' in loor a sé kara-karapi miow in esa wo ka'i a sé tou walina.

2 Timotius 1:9

Aiwéé-Nao eng kalowiran ai cita wo tinowa-Na kita wosama' menonou le'nas kumiit ing kasalé'an-Na. Niéma'-Na waya en itu ra'ica ampa'paan kita maéma' ing kaloo-looran, taan ampa'paan pinewasa-Nao indior. An tutuw eng kayo'baan anio' ra'ipé' niéma'-Na, Sia mawasao tumambérai in upus-Na ai cita in tou ampa'paan i Kristus Yesus.

2 Timotius 2:10

Ampa'paan in iituo aku talesen mengawuléng ing kawenduan itu wosama' sé tou sinisiro i Amang Kasuruan ro'na maéman a si Kristus Yesus wo makéré ing kalowiran ang karapi i rarayo wo in sisiri' akar ing kauré-uré.

Titus 1:1

En surat anio' a yaku owo, Paulus. Yaku anio' ata i Amang Kasuruan wo ruru'du'an i Yesus Kristus. Yaku ayutus en tumawang sé tou sinisiro i Amang Kasuruan wosama' em paémanen éra makaketer wo ro'na makailek in sususuien wutul. En sususuien itu en tumawang iséra tumambisa menonou mengaapo' a si Amang Kasuruan.

1 Petrus 1:2

Icamu sinisir i Amang Kasuruan, Amangta, tumo'tolke' mai indior kumiit im pawasa-wasan-Na. Wo kamu niéma' i Roh Le'nas mamuali le'nas wosama' kamu le'tek maéma' ing kasalé'an i Yesus Kristus wo eng kamesé-meséaan iow ka'i weresin-Na ang karapi in enda'-Na. Pekiupusenku a si Amang Kasuruan wosama' émaan-Na mai eng katouan iow elu-elur wo méé mai ing kamang si kumeli-keli ai camu.

2 Petrus 1:10

Ampa'paan in ituo é poo-poowku, kamu musti rumaméji tumuru' sapaoka kamu uli-ulit tinowa wo sinisir i Amang Kasuruan kumiit ai Sia. Sa émaan iow pakasa en itu, em paémanen iow a si Kristus makaketer wo ra'ica kawisa kamu lumepok ang kamesé-meséaan.

1 Yohanes 4:19

Kita mengaupus ampa'paan si Amang Kasuruan irumioro mengaupus cita.

2 Yohanes 1:13

Toya-toyaang i poow wéwéné i inang sé sinisir i Amang Kasuruan am bia'i, séra méé ka'i mai in siri' a si inang.

Wahyu 17:14

Séra merang oka en sumundur si Toyaang i Domba, taan si Toyaang i Domba ra'- ica kinakalaan éra, ampa'paan Sia Tuang am pakasa é tuang, wo Kolano am pakasa é kolano. Si Toyaang i Domba itu mewali-wali wo sé tou sé tinowao, sé sinisiro wo sé le'tek ai Sia, muntung oka.