Kolose 2:5 - En Taar Weru a nunuwu' é Tontemboan

⁵ Ampa'paan mandé ka'i aku ra'ica an uner iow taan en atéku kasake' ang karapi miow. Wo aku arui an tutuw luminga sapaoka kamu menonou mensan-samaan si esa wo sé walina wo em paémanen iow a si Kristus kasake' keter.

Kolose 2:5 ပူးပေါင်းရင်းမြစ်များ

Kisah Para Rasul 2:42

Séra mengali'us mewali-wali wo le'tek mengalinga sé ruru'du'an mengasusui in andumoro' i Yesus. Wo séra tatap mengaéma' im perjamuan wo mengasombayang.

Kisah Para Rasul 20:21

Pengua-nguaku a sé tou Yahudi wo a sé tou ra'ica Yahudi wosama' séra mape'dis wo kumiit a si Amang Kasuruan wo séra musti maéman a si Apo' Yesus.

1 Korintus 11:34

Sa awéan tou maarem, sia musti kuman owo am baléna. Sa émaan iow tanu siitu, em paesaan iow ra'ica makawali mai ukuman asi Amang Kasuruan. Andumoro' sé walina, elurenku oka sa aku maai.

1 Korintus 14:40

Taan an tutuw kamu maapo', eluren iow sumama-sama' pakasa en itu, oréoka malicoko.

1 Korintus 15:58

Ampa'paan in ituo é poo-poow sé icaupusku, keteren em paémanen iow wo ra'ica toro marua-rua wasa. Wo mare'de-re'dem an tawoien i Casuruan, ampa'paan kailekano miow sapaoka sé tinawoi iow an dior i Casuruan ra'ica wana si ra'ica wana en torona.

1 Korintus 16:13

Mareti-retio mangé! Wo kasake' i makatimboi asi paémanenmu. Mabrani-branio wo makete-ketero.

Kolose 2:1

En casalé'ku, wosama' kailekan iow sapaoka uli-ulit uter em paraméjianku en tumawang icamu ang Kolose, wo sé tou an Laodikia wo ka'i pakasa sé tou sé ra'ipé' makatuus yaku an tampa-tampa walina.

1 Tesalonika 2:17

Poo-poow, kita metané ra'ica uré. Mandé kita ka'i mentayangan, taan en atéta mentawian. Kami uli-ulit lumeloo icamu wo rumaméjio meta'up wo icamu.

1 Tesalonika 3:8

Wo intarépé' pendamen ami wutu-wutul menonou awéan en torona, asalo kamu tatap maéman a si Casuruan wo meesa ang karapi-Na.

Ibrani 3:14

Ampa'paan kita imeesao wo si Kristus, anaé timboienta sumama-sama' em paémanenta akar ing kaka'puan ing katouan, kaputé kita ing kataré-tarépé' maéman ai Sia.

Ibrani 6:19

Em paarapenta itu ayandé tanu in jangkar keter wo aman torona i mu'kurta. Em paarapen itu makawali icita lumangkoi angé ing kaéng pengakawu', am pauntepan asi Kamar Lume'na-le'nas an sorga.

1 Petrus 5:9

Musti sunduren iow si kikiiten é sétang ang karapi im paémanen keter. Ampa'paan kailekan iow ka'i sapaoka sé poo-poow iow an esa paémanen am bisa-wisa ang kayo'baan imendamo ing kawenduan meputé im pinendam iow.