Kolose 2:4 - En Taar Weru a nunuwu' é Tontemboan

⁴ En itu aicuaku wosama' kamu ra'ica kauwakan i séike' mangé en tumawér icamu ang karapi i nunuwu' manam pengalingan.

Kolose 2:4 ပူးပေါင်းရင်းမြစ်များ

Matius 24:24

Ampa'paan sé kristus ra'ica wutul wo sé nabi ra'ica wutul mapaturu' oka. Émaan éra oka en tuu-tuus wo kakaya'kaan sé ra'io icakua en sumélé'kow sé tou, sa woo ro'na ka'i, isélé'kow éra sé tou sinisiro i Amang Kasuruan.

Matius 24:4

Icua i Yesus ai séra, “Matéi-téiro mangé kamu, wosama' kamu ra'ica isélé'kow é tou.

Markus 13:22

Ampa'paan sé mesias ra'ica wutul wo sé nabi ra'ica wutul maai oka sa. Émaan éra oka en tuu-tuus wo eng kakaya'kaan-kakaya'kaan en sumélé'kow sé tou sinisir i Amang Kasuruan.

Kisah Para Rasul 20:30

Lébé-lébé an uner iow in esa maai oka sé tou eng kumua in sususuien sé ra'ica wutul. Émaan éra in taniitu wosama' sé tou sé maémano a si Yesus ra'io ka'i maéman wo kumiit oka iséra.

1 Korintus 2:4

An tutuw aku maroma' wo makua in Abar Kaaruien ai camu, yaku ra'ica mapaké nunuwu' ing kapinteran in tou im percayan iow, taan aku mapercaya a si kawasa i Roh Le'nas.

2 Korintus 11:3

Taan en caindé'ku em bewerot iow kauwakan akar ra'io ka'i wutu-wutul le'tek a si Kristus, kaputé i Hawa indior ka'i kinatawéran i ula' ampa'paano im pakauwak i ula' itu.

Galatia 2:4

Awéan sé tou tanuoka woo maémano a si Yesus Kristus taan séra towo. Icasalé' éra pakasa sé tuama sunaten. Séra muntep ang karapi i maene- enep an jamaat en tumi'tir sa awéan tou sé ra'io ka'i mengakiit in ukum Torat ampa'paan maéman a si Yesus Kristus. Icasalé' éra wosama' sé tou maéman kasake' pakawa'kesen in ukum Torat wo kinawasa in ukum itu.

Efesus 4:14

Wo in taniitu, kita ra'io ka'i kaputé é toyaang sé taporakké' pauwaken wo ipawali-walipé' i membam-balinaan sususuien é tou sé ra'ica wutul. Séra mengasélé'kow sé tou ang karapi in sususuien sé mengauwak.

Efesus 4:17

Ampa'paan in itu, icuaku wo ita'néiku mangé ai camu ang karapi ing kawasa si aiwéé i Casuruan: Kamu ra'io toro menonou kaputé é tou sé ra'ica makatuus si Amang Kasuruan, sé asalo mawerot andumoro' sé ra'ica wana en torona.

Efesus 5:6

Tioo kamu isélé'kow é tou i nunuwu' sé ra'ica wana torona, ampa'paan en itu iméma' ing kae'bowan i Amang Kasuruan a sé tou sé ra'ica le'tek ai Sia.

Kolose 2:18

Anaé, tioo en laasa ing katouan iow itu léwoon in sususuien in tou si maturu' kéndo' ko'kos en até wo maapo' a sé malaékat wo mengatirayo andumoro' im papaturu'an sé aipapaturu' ai sia wo ka'i mengarangka' in owak ang karapi ra'ica wana alasan ampa'paan asalo imawero-werot ing kasalé'an ing kayo'baan.

Kolose 2:8

Mareti-retio mangé kamu, oréoka awéan en tumawér icamu in sususuien andumoro' ing katouan sé ra'ica wana torona wo ra'ica wutul. En sususuien éra itu ra'ica asi Kristus owo, taan mengatuuré' asi kanaramen é tou indior wo ka'i a sé roh sé makakawasa ing kayo'baan.

2 Timotius 2:16

Ico ka'i tioo sumusut a sé tou mapaar im papaaren sé ra'ica wana torona wo a sé tou sé ra'- ica mengasiri' si Casuruan. Ampa'paan sé tou mapaar in taniitu méma'ke' taré iséra ra'ica maindé' ai Sia.

2 Timotius 3:13

Taan sé tou léwo' wo sé tou mengauwak, séra itu makaléwo' oka. Séra mengauwak sé tou, taniitu ka'i wo sé tou walina maréng sumawel sumuli' muwak iséra.

1 Yohanes 2:18

Toya-toyaangku, asi oras anio' makatawio en endo kaka'puan ing kayo'baan. Wo sumangkumo lininga miow sapaoka maai oka si kaséké' i Kristus, wo intarépé' kelio sé kaséké' i Kristus mapaturu'o mai. Wo in taniitu kakailekantao sa si endo kaka'puan ing kayo'baan makatawio.

1 Yohanes 2:26

Pakasa sé aipatickuo anio', andumoro' é tou sé rumaméji in sumélé'kow icamu.

1 Yohanes 4:1

Poo-poow sé icaupusku, ra'ica toro percayan iow sé im pakasa in tou sé mangaku sa séra awéan Roh i Amang Kasuruan. Taan aweso taré ujin owo mio' séra wosama' ro'na kakailekan sa e Roh ai séra itu uli-ulit asi Amang Kasuruan owo. Ampa'paan kelian nabi ra'ica wutul imapaturu'o wo isumeraro ang kayo'baan anio'.

2 Yohanes 1:7

Kelio tou sé mengasélé'kow imapaturu'o wo isumeraro ang kayo'baan anio'. Séra itu ra'ica kiim mangaku sapaoka si Yesus Kristus imayo ang kayo'baan tanu in tou. Sérao sé mengauwak wo kaséké' i Kristus.

Wahyu 12:9

Si naga wangker ituo si ula' matu'a, si patuulen kikiiten é sétang kuma'pa Roh léwo', si mengasélé'kow pakasa in tou ang kayo'baan. Sia itu aiténdél ang kayo'baan mewali-wali wo sé malaékatna.

Wahyu 13:8

Pakasa é tou sé menonou ang kayo'baan kumuru en sumiri' oka a si binatang itu. Sérao sé tou tumo'tolke' mai eng kayo'baan anio' niéma' e ngaran éra ra'ica aipatic ang kitap ing katouan i Toyaang i Domba si pinatéo.

Wahyu 20:3

Wo si naga itu iténdélna an untep ing kepal im papaté. Wo kusiinna eng kepal im papaté itu wo ségélenna, wosama' ra'io toro sélé'kowna sé bangsa, sa ra'ipé' imalekep en sangariwu ngata'un. Sa imalekepo en sa- ngariwu ngata'un iwekar oka sumawel si naga itu taan en témpona ra'ica uré.

Wahyu 20:8

Wo mangéna oka isélé'kow sé bangsa sé am pakasa ing kayo'baan, sérao sé patuulen ‘Gog’ wo ‘Magog’. Wo séra li'usen oka i kikiiten é sétang e mangé merang. Eng kakeli éra tanu in dangi'ngis an tembir in ta'sic.