Kolose 2:23 - En Taar Weru a nunuwu' é Tontemboan

²³ Sé atoran itu kaséréan woo loor, ampa'paan sé tou masusui in atoran-atoran itu kaséréan tanu kéndo' uli- ulit mengaapo' asi Amang Kasuruan. Wo séra kumo'kos in até wo makiit in atoran-atoran itu akar mengaokoi kéndo' in owak éra in esa. Taan pakasa en itu ra'ica wana torona, ampa'paan séra asalo makiit ing kasalé'an in owak éra in esa.

Kolose 2:23 ပူးပေါင်းရင်းမြစ်များ

Roma 13:14

Taan aweso taré kita menonou meputé im peri sé aituru' i Apo' Yesus Kristus. Wo ra'io toro makiit im peri é tou sé maéma' ing kamesé-meséaan e marui ing kasalé'an in owakna in esa.

Efesus 5:29

Ampa'paan ra'ica wana tou masuut in owakna in esa. Taan si esa wo si esa tou miara wo mengaupus in owakna, meputé si Kristus miara wo mengaupus sé jamaat,

Kolose 2:18

Anaé, tioo en laasa ing katouan iow itu léwoon in sususuien in tou si maturu' kéndo' ko'kos en até wo maapo' a sé malaékat wo mengatirayo andumoro' im papaturu'an sé aipapaturu' ai sia wo ka'i mengarangka' in owak ang karapi ra'ica wana alasan ampa'paan asalo imawero-werot ing kasalé'an ing kayo'baan.

Kolose 2:22

Pakasa sé atoran itu andumoro' in sapa sé ra'io wana torona kekawus im pinaké wo ra'ica akar ing kauré-uré. Sé atoran tanu siitu asalo kumiit im perénta-perénta wo in sususuien-sususuien sé niéma' é tou.

Kolose 2:8

Mareti-retio mangé kamu, oréoka awéan en tumawér icamu in sususuien andumoro' ing katouan sé ra'ica wana torona wo ra'ica wutul. En sususuien éra itu ra'ica asi Kristus owo, taan mengatuuré' asi kanaramen é tou indior wo ka'i a sé roh sé makakawasa ing kayo'baan.

1 Timotius 4:3

Pengasusui éra a sé tou ra'ica toro kumawéng, wo ra'ica toro ka'i kuman sé piraan kakanen sé ra'ica toro kanen. En ulitna pakasa eng kakanen niéma'o i Amang Kasuruan ro'na kanen. Wo sé tou maéman sé makaileko in sususuien wutul, sa séra kuman, kumua owo mangé makapulu'sama' a si Amang Kasuruan wo ro'nao kuman.

1 Timotius 4:8

Numaram in owak akar i maketer wayake' im pira eng katoronaan taan numaram in owak mengaapo' a si Amang Kasuruan, kelian eng katoronaanna. En itu tanu si aijanji-Na e maali mai ing kamang ang katouanta intarépé' asi cayo'baan anio' wo ka'i ang katouanta sa.