Kolose 2:20 - En Taar Weru a nunuwu' é Tontemboan

²⁰ Kamu imatéo mewali-wali wo si Kristus, wo aiwekaro ang kawasa é roh ing kayo'baan anio'. Taan kéitu réén kamu imenonoué' tanu sé tou pakakawasan ing kayo'baan anio'? Kéitu réén kamu makiité' in atoran-atoran ing kayo'baan anio'? Tanumai,

Kolose 2:20 ပူးပေါင်းရင်းမြစ်များ

Yohanes 15:19

Sa kamu kaputé éra ra'ica maéman a Yaku, tantu kamu icaupus éra tanu tou makiit iséra. Taan ampa'paan kamu sinisir-Kuo an uner éra, kamu ra'io meputé wo iséra sé ang kayo'baan, ampa'paan in ituo séra masuut icamu.

2 Korintus 10:3

Kami wutu-wutul menonoué' ang kayo'baan, taan kami maraméji ra'ica mengakiit im basa ing kayo'baan.

Galatia 4:3

Taniitu ka'i mai wo icita: An tutuw kita ra'ipé' makatuus si Kristus, kita pakaatané' é roh sé makakawasa ing kayo'baan anio'.

Galatia 6:14

Taan aku wutu-wutul ra'ica masalé' rumayo in sapa-sapake', si casalé'ku irayo asalo papaté i Apo'ta Yesus Kristus ang kayu salip. Ampa'paan tutuw i Yesus imaté ang kayu salip, pakasa sé kasalé'an in owakku sé léwo' imatéo ang kayu salip-Na, wo aku tanu imatéo asé kasalé'anku in léwo'.

Efesus 2:15

Ampa'paan eng kepaté-Na tanu tou, en atoran-atoran wo em perénta-perénta an ukum Torat binatal-Nao wosama' sé tou Yahudi wo sé tou ra'ica Yahudi mamuali esa bangsa weru, si meesa ang karapi-Na. Tanu siituo si Kristus iméma' ing kaeluran.

Kolose 2:14

Eng kamesé-meséaanta itu tanu surat utang si pinatican andumoro' in tuduan ing kamesé-meséaanta. Taan intarépé' en surat utangta itu binatalo i Amang Kasuruan ampa'paan aipaku-Nao ang kayu salip.

Kolose 2:16

Ampa'paano in itu, tioo iwaya miow sé tou méé kaséaan ai camu, ampa'paan kamu ra'ica makiit in atoran é agama Yahudi andumoro' ing kakanen wo in elepen, kuma'pa andumoro' in endo-endo wangko', serap weru kuma'pa in endo Sabat.

Kolose 2:21

‘Tioo lisun en anio', tioo mepé' ing kakanen itu, tioo timboian en anio'.’

Kolose 2:8

Mareti-retio mangé kamu, oréoka awéan en tumawér icamu in sususuien andumoro' ing katouan sé ra'ica wana torona wo ra'ica wutul. En sususuien éra itu ra'ica asi Kristus owo, taan mengatuuré' asi kanaramen é tou indior wo ka'i a sé roh sé makakawasa ing kayo'baan.

Kolose 3:3

Ampa'paan kamu tanu imatéo wo eng katouan iow aicaenep mewali-wali wo si Kristus ang karapi i Amang Kasuruan.

Ibrani 13:9

Tioo kamu isélé'kow in sususuien sé membam-balinaan sé ra'ica meputé wo in sususuien i Kristus. Lébé loor en até miow keteren ampa'paan kamu asalo makawangén asi upus aitambér i Amang Kasuruan. Sé atoran andumoro' ing kakanen, mandé kiiten iow, en itu ra'ica méé katoronaan ai camu.

Yakobus 4:4

Éi camu, sé tou ra'ica le'tek! Tantu kailekano miow sa kamu makiit ing kasalé'an ing kayo'baan, kamu imamualio kaséké' i Amang Kasuruan. Si séike' si masalé' mekarapi wo ing kayo'baan anio', niéma'nao en owakna mekaséké'an wo si Amang Kasuruan.

1 Yohanes 5:19

Kailekanta sa kita anio' asi Amang Kasuruan owo, wo pakasa sé ang kayo'baan anio' pakakawasaan i kikiiten é sétang.