Kolose 2:19 - En Taar Weru a nunuwu' é Tontemboan

¹⁹ En ulitna si tou tanu siitu ra'ica mengamangén asi Kristus si capala é pakasa in tou. Si Kristus itu tanu ro'kos si mengatu'tul waya in owak sé pineesa i no'at wo im buku-wuku, wosama' en owak-Na makaketer kumiit ing kasalé'an i Amang Kasuruan.

Kolose 2:19 ပူးပေါင်းရင်းမြစ်များ

Lukas 5:38

Anaé, en anggor weru musti ipumpun asi papumpunan in anggor weru.

Yohanes 17:21

Pekiupusen-Ku a si Amang wosama' séra im baya meesa, kaputé i Amang esa wo Yaku wo Yaku esa wo si Amang wosama' séra ka'i meesa wo Cita. Wo in taniitu, sé tou ang kayo'baan ro'na mercaya sapaoka si Amango e mutusai Yaku.

Kisah Para Rasul 4:32

Pakasa sé tou maéman meesa en até wo esa wewerot, ra'ica wana mandé esake' tou eng kumua sapaoka en anuna, anunake' in esa. Anaé, eng kasiyaan éra anu éra im baya.

Roma 11:17

Anaé, em piraan pangana asi tuura in zaitun sé pinokolo, am bitu tampéngan im pangana asi tuura in zaitun walina, si ayandé icamu sé tou ra'ica Israel. Wo em panga-pangana walina itu aitampéng wosama' kumiit makéré kakanen asi a'mut in tuura in zaitun aseli si kumeli-keli seringa.

1 Korintus 1:10

Poo-poowku! Pekiupusenku ang karapi i ngaran i Apo'ta Yesus Kristus, wosama' kamu im baya esa nunuwu'. Tioo awéan papetanéan an uner iow, aweso taré kamu meesa en até wo esa em bewerot.

1 Korintus 11:3

Taan icasalé'ku kailekan iow si anio': Si capala é tuama siao si Kristus wo si capala é wéwéné icumawéngo, siao sé tuama wo si capala i Kristus siao si Amang Kasuruan.

1 Korintus 3:6

Yaku Paulus musew in lulumbo, si Apolos inumaam, taan si Amang Kasuruan in esa e méma' mai in tinanem itu tumou.

Efesus 1:22

Pakasa aiweta'o i Amang Kasuruan am palara ing kécéi i Kristus wo niéma'o i Amang Kasuruan Sia mamuali kapala am baya-waya akar Sia imamuali kapala é jamaat.

Efesus 1:23

Sé jamaat ayandé tanu in owak i Kristus. Siao e méma' sé jamaat makaleke-lekep, meputé Sia en lumekep im baya-waya sé awéan am bisa-wisa.

Efesus 2:21

Ampa'paan i Kristus Yesus pakasa em bangunan itu mewali-wali niunsun wo imawangker akar mamuali walé le'nas i Amang Kasuruan si paento'an-Na.

Efesus 4:3

Rumaméjio mangé ang karapi i mauli-ulit menonou meesa wo meeluran ang karapi é tou walina, ampa'paan kamu niéma' i Roh Le'nas i meesa wo iséra.

Efesus 5:29

Ampa'paan ra'ica wana tou masuut in owakna in esa. Taan si esa wo si esa tou miara wo mengaupus in owakna, meputé si Kristus miara wo mengaupus sé jamaat,

Filipi 1:27

Anaé, em penting keli kamu musti menonou kumiit in sapa sé aisusui an Abar Kaaruien andumoro' i Kristus. Wo in taniitu, aku maai meta'up wo icamu kuma'pa ra'ica, kailekanku oka sapaoka kamu enté' makatulung an esa wasa wo rumaméji mewali-wali an esa até torona im paémanen ampa'paan makiit in Abar Kaaruien.

Kolose 1:10

Wo in taniitu kamu patus menonou an dior-Na wo maarui in até-Na am baya-waya wo ro'na méé im buéna loor am pakasa im pengaémaan wo makaawes makatuus si Amang Kasuruan.

Kolose 1:18

Siao si capala matu'tul sé jamaat, kaputé in do'kos si makakawasa in owak. Anaé, Siao en lébé penting wo im baya-waya, ampa'paan Siao si luluna, si kataré-taré tinou sumawel an uner é tou imatéo.

Kolose 2:2

Yaku rumaméji tanu siitu wosama' en até éra kaiboran wo meesa ang kaupusan akar séra makasiya' ang kakailekan andumoro' sé wutul wo uli-ulit maéman. Wo in taniitu kakailekan éra oka em pawasan i Amang Kasuruan sé indior icaenepé'. Em pawasan-Na itu tumuru' a si Kristus.

1 Tesalonika 3:12

Pangileken ami wosama' émaan i Casuruan kamu meupu-upusan asi esa wo si esa wo mengawe-ngawes ka'i eng kaupusan iow a sé tou, meputé icami mengaupus ai camu.

1 Tesalonika 4:10

Ampa'paan, en itu aituru'o miow waya a sé poo-poow sé maéman am pakasa in sangkum i Makedonia. Taan é poo-poow, uli-ulit pekiupusenku wosama' kamu mauli-ulit mengaupus sé tou walina.

2 Tesalonika 1:3

Poo-poow, kami patus mengua-ngua i makapulu'sama' a si Amang Kasuruan ampa'paan icamu. Wo kami patus méma' in taniitu, ampa'paan em paémanen iow a si Yesus makaketero wo ka'i makaaweso eng kaupusan iow a sé tou walina.

1 Petrus 3:8

Anaé, kumusi' i nunuwu'ku anio' pangilekenku ai camu, musti meesa en até wo esa em pamendamen, meupu-upusan tanuoka sé mepoow wo tumuru' ing kaupusan wo ko'kos en até.

2 Petrus 3:18

Taan aweso taré kamu makaawes mendam ing kamang aitambér i Amang Kasuruan, wo makalébéo makatuus si Yesus Kristus, Apo' wo si Lumolowirta. Ai Siake' pakasa e rarayo wo en sisiri' intarépé' akar ing kauré-uré. Ulit.