Kolose 2:16 - En Taar Weru a nunuwu' é Tontemboan

¹⁶ Ampa'paano in itu, tioo iwaya miow sé tou méé kaséaan ai camu, ampa'paan kamu ra'ica makiit in atoran é agama Yahudi andumoro' ing kakanen wo in elepen, kuma'pa andumoro' in endo-endo wangko', serap weru kuma'pa in endo Sabat.

Kolose 2:16 ပူးပေါင်းရင်းမြစ်များ

Matius 15:11

“Lingan wo wéan rékén sumama-sama' en icua-Ku anio'! Sapa e muntep am ba'ba' é tou, siitu ra'ica iméma' sé tou manajis, taan sapa eng kumesot am ba'ba' é tou, siitu e méma' sé tou manajis.”

Markus 7:19

ampa'paan sé muntep itu ra'ica muntep an até taan muntepke' an tina'ina, wo tiya' ka'i ang kakus?” Wo in taniitu, icua i Yesus ka'i sapaoka pakasa eng kakanen ro'na kanen.

Kisah Para Rasul 15:20

Taan, lébé loor sa ipaticta surat wo iwéé ai séra, wosama' séra ra'ica toro kuman ing kakanen najis sé ayumpero a sé opo-opo', ra'ica toro kuman in sama'na é binatang sé pinaté ampa'paan kiniselan eng kolot, kuma'pa kuman in enda', wo ka'i ra'ica toro mengabersina.

Roma 14:10

Anaé, tioo kamu mengawéé ing kaséaan a sé poo-poow an esa paémanen. Wo tioo kamu maséro' a sé poo-poow an esa paémanen. Ampa'paan kita im baya mai tumulung oka an dior i Amang Kasuruan en akimen asi endo kaka'puan ing kayo'baan.

Galatia 4:10

Kamu tou ra'ica Yahudi le'tek mengakiit ing kanaramen in agama Yahudi andumoro' in endo Sabat, endo-endo wangko', serap, wo ta'un. Kéitu réén kamu masalé' mengakiit ing kanaramen wo in atoran-atoran é agama Yahudi itu?

Kolose 2:20

Kamu imatéo mewali-wali wo si Kristus, wo aiwekaro ang kawasa é roh ing kayo'baan anio'. Taan kéitu réén kamu imenonoué' tanu sé tou pakakawasan ing kayo'baan anio'? Kéitu réén kamu makiité' in atoran-atoran ing kayo'baan anio'? Tanumai,

Ibrani 13:9

Tioo kamu isélé'kow in sususuien sé membam-balinaan sé ra'ica meputé wo in sususuien i Kristus. Lébé loor en até miow keteren ampa'paan kamu asalo makawangén asi upus aitambér i Amang Kasuruan. Sé atoran andumoro' ing kakanen, mandé kiiten iow, en itu ra'ica méé katoronaan ai camu.

Ibrani 9:10

Ampa'paan sé atoran asi ipakaapo' uré itu asalo andumoro' in owak in tou, tanumai atoran andumoro' ing kakanen, in elepen wo mengaweresi in owak, taan sé atoran itu ra'ica andumoro' in até in tou. Sé atoran itu pengapakén akarke' asi oras em perjanjian weru itu awéano.

Yakobus 4:11

Poo-poowku, tioo kamu si esa wo si esa mengawuruk i ngaran é tou. Si séi e muruk i ngaran i poowna esa paémanen kuma'pa tumudu meséa', en itu meputé imuruko wo imééo séa' in ukum i Amang Kasuruan. Wo in taniitu kamu ra'ica masalé' kumiit in ukum i Amang Kasuruan itu, taan imamualio akim si mengaséa' in ukum itu.