Kolose 2:11 - En Taar Weru a nunuwu' é Tontemboan

¹¹ Wo kamu sé meesao wo si Kristus, kamu itu tanu sinunato. Wo en sunat itu ra'ica sunat e niéma' é tou, taan en sunat si niéma' i Kristus, ampa'paan em peri ing kamesé-meséaan an owak iow pinokolo i Kristus.

Kolose 2:11 ပူးပေါင်းရင်းမြစ်များ

Markus 14:58

“Pinalinga ami si tou anio' kumua in tana'i, ‘Tongkaren-Ku oka em Balé Le'nas si niéma' é tou, wo asi endo katelu émaan-Ku oka Walé Le'nas walina, si ra'ica niéma' é tou.’ ”

Lukas 2:21

An tutuw imalekepo walu ngando eng ketou i Toyaang itu wo Sia musti sunaten wo ngaranan éra Yesus si ngaran aicua i malaékat a si Maria an tutuwna ra'ipé' maowa-owak.

Kisah Para Rasul 17:24

Si Amang Kasuruan ituo si iméma' ing kayo'baan anio' wo pakasa sé an untepna. Siao si makakawasa in langit wo sé ang kayo'baan. Sia ra'ica makaento' an tampa-tampa paapo'an si niéma' é tou.

Kisah Para Rasul 7:48

Taan si Amang Kasuruan Si Rumangka-rangka' ra'ica maento' am balé-walé sé niéma' é tou, tanu si aicua i esa nabi:

Roma 2:29

Taan sé wutu-wutul patuulen tou Yahudi, sé tou imamualio Yahudi an untep in aténa. Wo sé wutu-wutul patuulen sunat, ra'ica ampa'paan sinunato kumiit in atoran sé aipatic an ukum Torat, taan ampa'paan en até éra rinobao i Roh i Amang Kasuruan. Sé tou tanu siitu makéré oka i rarayo asi Amang Kasuruan ra'ica a sé tou owo.

Roma 6:6

Kailekanta, sapaoka em perita uré imatéo mewali-wali wo si Kristus ang kayu salip, wosama' en owakta ra'io pakakawasan ing kamesé-meséaan. Wo in taniitu kita ra'io mamuali ata ing kamesé-meséaan.

Roma 7:24

Oré wéta' aku anio'! Si séi e ro'na lumowir yaku ang kawasa ing kamesé-meséaan anio' si makawali yaku am papaté?

2 Korintus 5:1

Kailekan ami sa en ténda paento'anta, siituo en owakta, ang kayo'baan anio' tongkaren wo icita sinadiaano i Amang Kasuruan esa walé an sorga. Em balé itu ra'ica niéma' ing kama in tou, wo tumang akar ing kauré-uré.

2 Korintus 5:17

Anaé, si séike' si maesao wo si Kristus, sia wutu-wutul mamualio tou weru. Em peri ing katouan uré ra'io wana ka'i. Pakasa eng katouanna imaweruo waya.

Galatia 2:20

Intarépé' ang katouanku, ra'io ka'i yaku e menonou, taan si Kristuso si menonou a yaku. Eng katouanku ang kayo'baan anio' katouan si aituuro am paémanen a si Toyaang i Amang Kasuruan si mengaupuso yaku wo isumarakan in owak-Na toronaku.

Galatia 5:24

Si séike' sia si mamualio tou i Kristus Yesus, pinaténao em peri-perina sé ra'ica loor wo pakasa ing kasalé'an in owakna ang kayu salip.

Efesus 4:22

Ampa'paan in ituo tela'uo mio' em peri ing katouan uré. Eng katouan uré tanu siitu ra'ica loor, ampa'paan makiitke' ing kasalé'an in owak sé ra'ica wutul si mengasélé'kow icamu wo luméwo' ing katouan iow.

Filipi 3:3

Taan icitao sé tou wutu-wutul sinunat, ra'ica iséra. Ampa'paan icitao sé tou mengaapo' a si Amang Kasuruan si pakaakinen i Roh-Na, wo mengatirayo ampa'paan meesa wo si Kristus Yesus, wo ra'ica mengamangén a si sapa sé kaséréan tanumai atoran in sunat.

Kolose 3:5

Ampa'paano in itu tiya'o waya eng kasalé-salé'an in owak ang katouan iow, tanumai, mabersina, najis, kasalé'an in owak andumoro' in cabul, kasalé'an léwo', longi' am baya-waya si ro'na ipeputé wo i mengaapo' a sé opo-opo'.

Ibrani 9:11

Taan intarépé' si Kristus imayo tanu Imam Wangko si maali mai ai cita andumoro' sé loor sé awéano. Sia imuntepo asi ténda pengaapo'an si lébé loor wo en lébé lekep, ampa'paan en ténda itu ra'ica tanu in ténda si niéma' é tou ang kayo'baan.

Ibrani 9:24

Si Kristus ra'ica imuntep ang Kamar Lume'na-le'nas ang kayo'baan si niéma' ing kama in tou si asalo bayangan a si patron aseli si an sorga. Taan Sia muntep an sorga, wo intarépé' Sia a mangé em bitu makasaru si Amang Kasuruan torona icita.