Kolose 2:1 - En Taar Weru a nunuwu' é Tontemboan

¹ En casalé'ku, wosama' kailekan iow sapaoka uli-ulit uter em paraméjianku en tumawang icamu ang Kolose, wo sé tou an Laodikia wo ka'i pakasa sé tou sé ra'ipé' makatuus yaku an tampa-tampa walina.

Kolose 2:1 ပူးပေါင်းရင်းမြစ်များ

Lukas 22:44

Wo si Yesus mendam tambisa eng kauterna ing kawenduan wo maindé', anaé Sia lébé mauli-ulit masombayang. Wo en limuut-Na mamuali tanuoka enda' matiis an tana'.]

Kisah Para Rasul 20:25

Intarépé' icuaku ai camu sapaoka icamu ra'io meta'up wo yaku. An tutuwku i mewali-wali wo icamu, aicuakuo tambisa e mamuali tou i Amang Kasuruan.

Kisah Para Rasul 20:38

En até éra susa keli, lébé-lébé ka'i an tutuw sia icumua sapaoka séra ra'io meta'up wo isia. Kumawus in itu, sia iwali éra mangé ang kapal.

Galatia 4:19

Éi toya-toyaang sé caupusku, ampa'paan maindé' in andumoro' icamu, yaku ka'i mawendu puté wo ing kawenduan si pinendamo mai i esa wéwéné tutuw makéré toyaang. Yaku mawendu oka melala'us tanu siitu akar em peri i Kristus kaséréan an owak iow.

Filipi 1:30

Wo eng kawenduan sé ang karoro'an im pamendamen iow meputé wo ing kawenduan si pinendamkuo mai, tanu sé sinéréo miow a yaku indior. Wo liningao miow in esa ka'i sapaoka aku mawendupé' akar intarépé'.

Kolose 1:24

Intarépé' aku arui ampa'paan ro'na mendamai ing kawenduan torona ing kalooran iow. Wo eng kawenduan anio' musti pendamen in owakku tanu in lumekep ing kawenduan si musti wuléngen woo i Kristus torona in owak-Na siituo sé jamaat-Na.

Kolose 1:29

Torona in ituo aku tumawoi wo mauli-ulit rumaméji ang karapi i mamangén ang kaketeran si aiwéé mai i Kristus wo repet matawoi an untep in owakku.

Kolose 2:5

Ampa'paan mandé ka'i aku ra'ica an uner iow taan en atéku kasake' ang karapi miow. Wo aku arui an tutuw luminga sapaoka kamu menonou mensan-samaan si esa wo sé walina wo em paémanen iow a si Kristus kasake' keter.

1 Tesalonika 2:2

Kailekan iow ka'i, an tutuw ami ra'ipé' mai ai camu, kami niokoio wo aiséroo an Filipi. Taan mandé ka'i in taniitu kami tinawango i Amang Kasuruan wosama' kami ra'ica wana eng kaindé'an eng kumua in Abar Kaaruien-Na ai camu.

Ibrani 5:7

An tutuw i Yesus menonou tanu tou ang kayo'baan, Sia masombayang wo mapekiupus ang karapi imaangko' maamé' a si Amang Kasuruan si makawoo lumowir Sia am papaté. Ampa'paan Sia le'tek wo wuta in siri' a si Amang Kasuruan, akar en sombayang-Na lininga.

1 Petrus 1:8

Kamu mengaupus si Yesus Kristus, mandé ka'i Sia ra'ipé' sumangkum ako sinéré miow. Kamu maéman ai Sia, mandé intarépé' Sia ra'ica pakasérén iow. Kamu mendam ing kaaru-aruian wangko', ampa'paan eng kaaruian iow sé ra'io icakua itu.

Wahyu 1:11

En téngéna tana'i, “Ipatico mio' an esa kitap pakasa sé sinérému. Kekawus in itu, icirimmu mangé a sé pitu jamaat anio': jamaat an Efesus, an Smirna, am Pergamus, an Tiatira, an Sardis, an Filadelfia wo an Laodikia.”