Kolose 1:23 - En Taar Weru a nunuwu' é Tontemboan

²³ Ampa'paano in itu kamu musti le'tek maéman wo kasake' keter makatimboi asi Abar Kaaruien andumoro' si Yesus Kristus. Wo tioo itela'u miow em paarapen si an untep in Abar Kaaruien itu, si aiwééo ai camu wo liningao miow. Wo en Abar Kaaruien itu aicuao a sé pakasa é tou ang kayo'baan. Wo yaku Paulus mamuali tou mengaselewir eng kumua in Abar Kaaruien andumoro' i Yesus Kristus itu.

Kolose 1:23 ပူးပေါင်းရင်းမြစ်များ

Markus 16:15

Wo icua-Na ai séra, “Mangém kamu am pakasa ing kayo'baan, wo icuao mangé en Abar Kaaruien-Na a sé im pakasa in tou.

Lukas 22:32

Taan aisombayang-Kuo ko é Simon, wosama' ko tatap maéman a Yaku. Kekawus im pangepé'an anio' wo sa ko mape'diso wo maémano sumawel a Yaku, ico musti méé ing kaincayaan a sé poo-poowmu akar em paémanen éra makaketer.”

Lukas 6:48

Sia ipeputé wo si tou mangun im balé: Kataré-taré sia kuma'il in tana' rarem keli wo tumulir im batu pandasi wo mangun im balé am bawo im batu itu. An tutuw mai en sonop wangko' wo tumuli im balé itu, em balé itu ra'ica iméro' ampa'paan winangun am bawo im pandasi enté'.

Yohanes 15:6

Si séike' mangé si ra'ica menonou meesa wo Yaku, sia tanuoka im pangana si ra'ica mawua', itiya' oka wo mapera, wo li'usen oka é tou wo iténdél an untep in api wo tunun.

Kisah Para Rasul 1:17

Wo ka'i indior si Yudas itu esaan ai cita wo mengaselewir mewali-wali wo icita.”

Kisah Para Rasul 1:25

Si tou ituo en sumawel maselewir wo tumerima oka in tawoien ruru'du'an si aitela'uo i Yudas. Si Yudas anio' imakéréo in tampa si patus terimana.”

Kisah Para Rasul 1:8

Taan an tutuw i Roh Le'nas tumumpa mai ai camu, kamu makéré oka kawasa. Wo kamu mamuali oka sairi andumoro' Yaku an Yerusalem, am pakasa in Yudea wo an Samaria wo akar an tempok ing kayo'baan.”

Kisah Para Rasul 11:23

An tutuw i Barnabas icateka' a mangé mbitu, sérénna sé tou maéman am bitu tinambéranai ing kamang i Amang Kasuruan, wo sia wutu-wutul arui. Wo sina'uenna séra im baya wosama' uli-ulit ang karapi in lekep en até, le'tek a si Apo' Yesus.

Kisah Para Rasul 14:22

An tampa-tampa itu, si Paulus wo si Barnabas kumeter in até é tou maéman wo sumina'u iséra wosama' le'tek am paémanen. Wo icua i Paulus wo si Barnabas, “Sa kita masalé' mamuali tou i Amang Kasuruan si Kumawasa tanu Kolano, kita musti meta'up ing keli kawenduan.”

Kisah Para Rasul 2:5

Asi endo wangko' itu, keli sé tou Yahudi sé imanangkéi am pakasa ing kayo'baan, imaréngai an Yerusalem. Séra anio' le'tek makiit ing kasalé'an i Amang Kasuruan.

Kisah Para Rasul 20:24

Taan ra'io pandungenku eng katouanku, asalo ro'na lekepenku en tawoien si aiwéé i Apo' Yesus a yaku eng kumua in Abar Kaaruien andumoro' in upus aitambér i Amang Kasuruan a sé cita in tou.

Kisah Para Rasul 26:16

Intarépé', tumooro wo tumulungo. Yaku mapaturu' in owak-Ku ai co ampa'paan aitantu-Kuo ko e maselewir a Yaku wo sumairi andumoro' pakasa sé sinérému e niéma'-Ku wo andumoro' sé ipapaturu'-Ku oka ai ico sa.

Kisah Para Rasul 4:12

Si Yesuske' e ro'na lumowir sé tou. Ampa'paan ra'ica wana ngaran walina ang kayo'baan anio' e ro'na lumowir sé tou.”

Roma 10:18

Taan wuéienku: Ra'ipé' réén sumangkum ako sé tou Israel luminga in Abar Kaaruien andumoro' i Yesus Kristus? Tantu séra sumangkumo luminga. Ampa'paan ang Kitap Le'nas aipatic in tana'i, “En suara é tou mengakua in abar, imakaro am pakasa ing kayo'baan, wo e nunuwu' éra imakaro a sé im pakasa é tou.”

Roma 15:16

Yaku mamuali ata maselewir a si Kristus Yesus e mengakua in Abar Kaaruien andumoro' i Yesus Kristus a sé tou ra'ica Yahudi. En tawoienku tanu in tawoien é imam si mengawéé i raragés, ampa'paan aku makawali sé tou ra'ica Yahudi a si Amang Kasuruan wosama' séra teriman-Na tanu raragés si casalé'-Na wo si line'naso i Roh Le'nas.

Roma 2:7

Sé tou le'tek mengaéma' sé loor sé masalé' makéré i rarayo wo in sisiri' wo ing katouan sé ra'ica maka'pu, séra wéan-Na oka ing katouan akar ing kauré-uré.

Roma 5:5

Wo em paarapen tanu siitu ra'ica iméma' icita matapé, ampa'paan kailekanta tambisa eng kaupusan i Amang Kasuruan ai cita. Wo aiwéé-Nao e Roh Le'nas matawoi an atéta, wosama' kita ro'na mendam ing kawangko' in upus-Na ai cita.

1 Korintus 15:58

Ampa'paan in ituo é poo-poow sé icaupusku, keteren em paémanen iow wo ra'ica toro marua-rua wasa. Wo mare'de-re'dem an tawoien i Casuruan, ampa'paan kailekano miow sapaoka sé tinawoi iow an dior i Casuruan ra'ica wana si ra'ica wana en torona.

1 Korintus 3:5

Sa kumiit icamu, si séi réén si Apolos itu? Wo si séi réén si Paulus itu? Kami in dua asalo tou maselewir a si Amang Kasuruan. Kami sé makawalio icamu e maéman a si Kristus wo kami si esa wo si esa asalo maéma' in tawoien si airu'du' i Amang Kasuruan ai cami.

2 Korintus 10:1

Awéan ai camu makua sapaoka aku toloindé' en tumegor sa ang karapi miow, taan branike' tumegor sa mentayangan wo icamu. Ampa'paan in ituo ita'néiku ai camu ang karapi i ngaran i Kristus si ko'kos en até wo sama' en até,

2 Korintus 11:23

Wo ipakua éra sapaoka séra sé tou maselewir si Kristus. Yaku maroma' tanuoka tou nganga', yaku mengaselewir asi Kristus ilumébé mai ai séra. Yaku matawoi ilumébé mai wo ing kare'dem éra, makakeli-keli ipauntep am bui, makakeli-keli pengaokoien, wo makakeli-keli matawio imaté.

2 Korintus 3:6

Siao e méma' icami makawoo imamuali maselewir sé makua in esa perjanjian weru a sé tou. Em perjanjian itu ra'ica an ukum sé aipatico indior, taan asi Roh i Amang Kasuruan owo. Ampa'paan en ukum aipatic itu sa ra'ica kiiten, makawali am papaté, taan e Roh i Amang Kasuruan mawéé ing katouan.

2 Korintus 4:1

Ampa'paano ing kaupusan i Amang Kasuruan, émaan ami en tawoien anio'. Ampa'paan in ituo cami ra'ica katalaan in arapan.

2 Korintus 6:1

Ampa'paan kami matawoi mewali-wali wo si Amang Kasuruan, pekiupusen ami imauli-ulit ai camu wosama' tioo paepesen iow im beren en upus aitambér i Amang Kasuruan si tinerimao miow itu.

Galatia 4:11

En icaindé'ku oréoka pakasa sé pinakepé-kepéanku mai mengakua in andumoro' i Yesus ai camu mara'i-ra'ike'.

Galatia 5:5

Taan kita maarap nianggap-Na wutul ampa'paan ing kawasa i Roh Le'nas wo ampa'paan im paémanenta a si Kristus.

Galatia 5:7

Indior kamu le'tek makiit in sususuien wutul in andumoro' i Kristus. Taan intarépé' si séi réén sé makala-kala' icamu akar ra'io ka'i makiit in sususuien wutul?

Galatia 6:9

Anaé, tioo kita mengasuut mengéma-ngéma' sé loor. Sa imayo en témpona, kéréanta oka em buéna sa kita ra'ica mengasuut mengaéma' sé loor.

Efesus 1:18

Isombayangku ka'i wosama' wukaan-Na mai en até miow akar kakailekan iow em paarapen si aiwéé-Na an tutuw iow tinowa-Na, wo akar kakailekan iow taloso wangko' eng kasiyaan im bagéan sé aitu'tul-Nao a sé tou le'nas.

Efesus 2:21

Ampa'paan i Kristus Yesus pakasa em bangunan itu mewali-wali niunsun wo imawangker akar mamuali walé le'nas i Amang Kasuruan si paento'an-Na.

Efesus 3:17

akar si Kristus mento' an até miow ampa'paan kamu maéman ai Sia wo eng katouan iow maa'mut wo tumuur a si upus-Na.

Efesus 4:16

Siao en tumu'tul im pakasa sé an owak akar imetu'tul sama' wo meesa, ampa'paan pakasa sé an owak itu awéan ubungan i esa wo si esa. Wo an tutuw i esa wo si esa anggota an owak matawoi ang karapi i mauli-ulit, pakasa sé an owak itu tumou oka wo mewali-wali mangun in owak ang karapi i meupu-upusan.

Kolose 1:25

Yaku imamualio tou si mengaselewir sé jamaat itu ampa'paan aku tinokéan i Amang Kasuruan in tawoien eng kumua im pakasa in Taar-Na ai camu.

Kolose 2:7

Wo iwayao mio' eng katouanmu maa'mut ai Sia wo wanguneno mio' eng katouan iow mamangén ai Sia si tanu tuurna. Iwayao mio' ka'i em paémanen iow makaketer kaputé sé aisusuio ai camu, wo iwayao mio' en até miow mengua-ngua i makapulu'sama' a si Amang Kasuruan.

1 Tesalonika 3:3

Wo in taniitu, mandé ka'i kamu niokoio, kamu kasake' maéman a si Yesus. Ampa'paan kailekano miow in esa sa sé tou maéman a si Yesus musti meta'up ing kawenduan.

1 Tesalonika 3:5

Ampa'paan in ituo ayutus ami si Timotius ai camu ampa'paan kami ra'io makatang sa ra'io luminga in abar andumoro' icamu. Icasalé'ku makéré abar, sapaoka kamu maémané' a si Yesus kuma'pa ra'io. En icaindé'ku oréoka kamu katawérano i kikiiten é sétang wo ra'io maéman a si Yesus. Sa wutu-wutul mamuali taniitu, ra'- ica wana en torona sé tinawoi ami indior.

1 Tesalonika 5:8

Taan kita anio' sé maéman a si Casuruan, musti kumawasa in owak tanu ing katouan é tou in sendot. Kita ka'i musti maéman a si Amang Kasuruan wo meupu-upusan, siituo en tuméir icita aipeputé wo si suraro mengapaké ing karai bési pari'dir in owak. Kita ka'i musti mauli-ulit maarap sapaoka kita lowiren oka i Casuruan, aipeputé wo si suraro makapaké in topi waja en tuméir in do'kosna.

2 Tesalonika 2:16

Si Apo'ta Yesus Kristus wo si Amang Kasuruan, Amangta mengaupuso mai cita. Aitambér-Nao mai en upus-Na ai cita wosama' ro'na méé ing kaketeran an até akar ing kauré-uré, wo méé mai im paarapen ai cita e makéré oka sé loor.

1 Timotius 1:12

Yaku kumua i makapulu'sama' a si Kristus Yesus Apo'ta, ampa'paan Siao si méé mai ing kaketeran a yaku. Anggapen-Na aku tou le'tek ai Sia, akar tinokéan-Na mai aku mamuali maselewir ai Sia.

1 Timotius 2:7

Siituo imangémai aku sinisir i Amang Kasuruan mamuali ruru'du'an-Na e mangé a sé tou ra'ica Yahudi eng kumua in abar andumoro' im paémanen wutul. Pakasa sé aicuaku anio' ulit! Yaku ra'ica matowo.

1 Timotius 3:16

Indior en sususuien wutul itu ra'ica kailekan é tou, taan intarépé' sé icaenep andumoro' in sususuien wutul sé ra'io cakua itu, winuka'o i Amang Kasuruan. Sé icaenep itu tana'i: “Si Yesus imayo wo mamualio tou, wo aituru' i Roh Le'nas sapaoka Sia itu wutul. Sia mapaturu'o in owak-Na a sé malaékat, wo en sisisilen andumoro' Sia itu icaseraro a sé bangsa. Wo Sia émanen é pakasa ing kayo'baan, wo Sia niangkaio mangé an sorga ang karapi i rarayo wo in sisiri'.”

Titus 3:7

Aitambér-Nao mai en upus-Na wosama' kita anggapen-Na wutul an dior-Na wo ro'na makéré ing katouan akar ing kauré-uré, kiit im paara-arapenta.

Ibrani 10:38

Sé tou nianggap-Ku wutul menonou oka ampa'paan im paémanen éra a Yaku. Taan sa awéan en an uner éra si tumela'uo Yaku, ra'ica icasalé'-Ku.”

Ibrani 3:14

Ampa'paan kita imeesao wo si Kristus, anaé timboienta sumama-sama' em paémanenta akar ing kaka'puan ing katouan, kaputé kita ing kataré-tarépé' maéman ai Sia.

Ibrani 3:6

Taan si Kristus le'tek tanu Toyaang si makakawasa am balé i Amang Kasuruan. Wo icitao em balé-Na itu sa timboianta wutu-wutul em paémanenta wo em paarapen si pengatirayota.

Ibrani 4:14

Kita intarépé' makaanuo Imam si Mangko-wangko' si mangéo muntep an sorga wo an dioro i Amang Kasuruan en tumawang icita. Sia ituo si Yesus, Toyaang i Amang Kasuruan. Ampa'paan in ituo mayoo kita mauli-ulit tumimboi im paémanenta a si Yesus meputé im paémanen si pengaakunta.

Ibrani 6:19

Em paarapenta itu ayandé tanu in jangkar keter wo aman torona i mu'kurta. Em paarapen itu makawali icita lumangkoi angé ing kaéng pengakawu', am pauntepan asi Kamar Lume'na-le'nas an sorga.

1 Petrus 1:3

Irayoo mangé si Amang Kasuruan! Sia itu Amang i Apo'ta Yesus Kristus. Irayota Sia ampa'paan taloso wangko' eng kaupusan-Na ai cita akar kita imakéréo ing katouan weru, si katouan wuta im paarapen. Kita ro'na makéré ing katouan weru itu ampa'paan indior si Yesus Kristus itumouo sumawel am papaté.

1 Petrus 1:5

Ampa'paan kamu maéman a si Amang Kasuruan, pakatéiran-Na kamu ang karapi ing kawasa-Na, wosama' kamu ro'na tumerima ing kamang kalowiran sé aitu'tul-Nao em béé oka ai camu a si endo-endo kaka'puan ing kayo'baan.

1 Yohanes 2:27

Wo andumoro' icamu in esa, si Casuruan imééo mai i Roh Le'nas eng kumawasa icamu wo akar intarépé' e Roh Le'nas itu awéané' ai camu. Anaé kamu ra'io sangali susuian é tou walina, ampa'paan kamu penusu-nusuian i Roh Le'nas andumoro' im pakasa in itu. Wo sapa en aisusui-Na itu wutul wo ra'ica towo. Tinerimao miow en sususuien itu ai Sia, ampa'paan in itu kamu musti menonou angé meesa wo si Kristus.

Wahyu 2:10

Tioo kamu maindé-indé' ing kawenduan si musti pendamen iow. Awéan ai camu si téndél oka i kikiiten é sétang an untep im bui em pangepé'an. Wo pendamen iow oka eng kasusaan sangapulu' ngando eng kauréna. Taan kamu musti le'tek maéman a Yaku akar i maté, wo kamu wéan-Ku oka mahkota ing katouan.