Kolose 1:22 - En Taar Weru a nunuwu' é Tontemboan

²² Taan intarépé' kamu niéma'o i Amang Kasuruan meelurano sumawel wo Sia ampa'paan im papaté in owak i Kristus, wosama' kamu menonou le'nas wo ra'ica wana kaséaan wo ra'ica wana e ro'na itudu an dior-Na.

Kolose 1:22 ပူးပေါင်းရင်းမြစ်များ

Lukas 1:75

Wo ang kauréta menonou ang kayo'baan, kita musti menonou le'nas, wo asalo mengéma-ngéma' im butul si casalé' i Casuruan.

Roma 7:4

Taniitu ka'i kamu, é poo-poowku. Indior kamu kinawasa in ukum Torat. Taan intarépé' kamu tanu imatéo mewali-wali wo in owak i Kristus akar kamu aicawekaro an ukum Torat. Wo kamu mamualio anu i Kristus si tinou sumawel an uner é tou imaté wosama' eng katouanta awéan torona a si Amang Kasuruan.

2 Korintus 11:2

Kamu icae'bowku tanuoka si Amang Kasuruan manganat icamu. Kamu tanuoka si esa mangala'un si ra'ipé' sumangkum ako tumekel ang karapi i tuama, si aijanjikuo icawéng wo si esa tuama, siao si Kristus.

2 Korintus 4:14

Kailekan ami sapaoka si Apo' Yesus tinouo sumawel i Amang Kasuruan wo icami ka'i touen sumawel mewali-wali wo si Yesus, icamu wo icami iwali oka an dior-Na.

2 Korintus 5:18

Pakasa in itu tatawoi i Amang Kasuruan. Émaan-Na icita meeluran wo Sia ampa'paano i Kristus. Wo si Amang Kasuruan iméé in tawoien ai cita e makawali waya sé tou meeluran wo Sia.

Efesus 1:4

Ra'ipé' niéma' i Amang Kasuruan eng kayo'baan anio', sinisir-Nao kita wosama' meesa ang karapi i Kristus wo mamuali anu-Na si ra'ica wana kaséaan sapa-sapa an dior-Na.

Efesus 5:27

wosama' séra ro'na wéan-Na tampa an dior-Na tanu jamaat sé iparangka-rangka', ra'ica wana kaséaan kuma'pa icumeleso kuma'pa si kaputé in itu. Sé jamaat itu mamuali oka le'nas wo ra'ica wana e ro'na méé kaséaan.

Kolose 1:28

Anaé, si Kristus ituo sé ipakua ami a sé im pakasa in tou. Kami masina'u wo masusui iséra ang karapi wuta ing kapinteran asi Amang Kasuruan owo, wosama' kami ro'na makawali pakasa in tou wutu-wutul lekep ampa'paan meesao wo si Kristus.

1 Tesalonika 4:7

Kita tinowao i Amang Kasuruan e menonou ang kale'nasan wo ra'ica mengaéma' in andumoro' sé cabul sé karican oka mai.

Titus 2:14

Aiwéé-Nao en owak-Na mamuali raragés en tumu'bus waya ing kaléwo-léwo'anta wo émaan-Na kita mamuali tou-Na le'nas wo re'dem mengaéma' in loor.

Ibrani 10:10

Ampa'paan ing kasalé'an i Amang Kasuruan tanu siitu, kita line'naso torona ing kauré-uré an tutuw i Yesus Kristus rumagés in owak-Na wayake' i makasa.

Ibrani 10:20

Ampa'paan si Yesus imuka'o in lalan weru, wosama' kita ro'na menonou akar ing kauré-uré. En lalan itu lumewet asi kaéng ipakawu' maangé asi Kamar Lume'na-le'nas, wo owak i Yesuso in esa si kaéng ipakawu' itu.

Ibrani 13:21

en tumu'tul im pakasa sé loor si paperlun iow e méma' sapa sé icasalé'-Na. Wo pekiupusenku ka'i wosama' si Amang Kasuruan matawoi an untep in atéta akar kita ro'na méma' sapa sé icasalé'-Na ampa'paano i Yesus Kristus. A si Yesus Kristuske' em pakasa i rarayo wo in sisiri' akar ing kauré-uré. Ulit.

1 Petrus 3:18

Ampa'paan si Kristus imatéo wayake' imakasa en tumu'bus ing kamesé-meséaanta. Sia ra'ica wana kaséaan, taan Sia imaté torona icita sé mengéma-ngéma' ing kamesé-meséaan, wosama' kita ro'na ipakawali-Na mangé a si Amang Kasuruan. Sia pinaté an tutuw-Na imamuali Tou, taan Sia tinou sumawel i Roh Le'nas.

2 Petrus 3:14

Ampa'paan in ituo é poo-poow sé caupusku, ang karoro'an iow maento-ento' im pakasa itu mamuali, kamu musti rumaméji menonou le'nas wo ra'ica wana kaséaan an dior i Amang Kasuruan wo meeluran ang karapi-Na.

Yudas 1:24

Si Amang Kasuruanke' si makakawasa en tuméir icamu wosama' kamu ra'ica icasu'su'. Siao e makawoo maali icamu sé ra'ica wana kaséaan a si tampa-Na si parayo-rayo wo pasiri-siriin, wo am bitu oka kamu masalé-salé'.