Kolose 1:18 - En Taar Weru a nunuwu' é Tontemboan

¹⁸ Siao si capala matu'tul sé jamaat, kaputé in do'kos si makakawasa in owak. Anaé, Siao en lébé penting wo im baya-waya, ampa'paan Siao si luluna, si kataré-taré tinou sumawel an uner é tou imatéo.

Kolose 1:18 ပူးပေါင်းရင်းမြစ်များ

Matius 23:8

Taan kamu, tioo masalé' im patuulen éra ‘guru’! Ampa'paan si Guru miow wayake' in esa wo icamu im baya mepoow.

Matius 28:18

Susuten i Yesus séra wo icua-Na “Tinerima-Kuo waya eng kawasa an sorga wo ang kayo'baan.

Yohanes 1:1

Asi kataré-taré ra'ipé' niéma' i Amang Kasuruan eng kayo'baan anio', en Taar awéano. En Taar itu mewali-wali wo si Amang Kasuruan wo en Taar ituo si Amang Kasuruan.

Yohanes 1:16

Wo en upus-Na ra'io ka'i icakua. Wo ampa'paan in upus-Na itu akar kita ra'ica mento' makéré ing kamang si lumepe-lepet.

Yohanes 1:27

Siao si maai kekawus yaku, taan Sia en lébé parangka' mai wo yaku akar muka'ke' in tali in sapatu-Na yaku ra'ica patus.”

Kisah Para Rasul 26:23

En aicua éra sapaoka si Mesias musti mamuléng ing keli kawenduan wo maté, taan Siao eng kataré-taré tumou sumawel. Sia oka ka'i e maali mai in sendot ing kalowiran a sé tou Yahudi wo ka'i a sé tou ra'ica Yahudi.”

Roma 8:29

Ampa'paan pakasa en tou sé sinisir i Amang Kasuruan asi kataré-taré, séra itu aitantu-Nao tumo'tol asi kataré-taré e mamuali meputé wo si Toyaang-Na, wosama' Sia mamuali Toyaang luluna asé kelian poow.

1 Korintus 11:3

Taan icasalé'ku kailekan iow si anio': Si capala é tuama siao si Kristus wo si capala é wéwéné icumawéngo, siao sé tuama wo si capala i Kristus siao si Amang Kasuruan.

1 Korintus 12:27

Kamu im baya tanu owak i Kristus wo icamuo si esa wo si esa sé an owak-Na itu.

1 Korintus 15:25

Ampa'paan ra'ipé' ang kaka'puan ing kayo'baan, si Kristus musti merénta tanu Kolano akar kalan i Amang Kasuruan pakasa sé kaséké' i Kristus wo iweta'-Na séra am palara ing kécéi i Kristus.

Efesus 1:10

Em pawasa-wasan-Na itu tana'i: Sa imayo en témpona, si Kristus mamuali oka kapala si mengaesa im pakasa sé an sorga wo sé ang kayo'baan.

Efesus 5:23

Ampa'paan si tuama icumawéngo mamuali kapala i wéwéné kinawéngna, wo puté si Kristus mamuali kapala é jamaat. Siao en lumowir sé jamaat, si mamuali owak-Na.

Kolose 1:24

Intarépé' aku arui ampa'paan ro'na mendamai ing kawenduan torona ing kalooran iow. Wo eng kawenduan anio' musti pendamen in owakku tanu in lumekep ing kawenduan si musti wuléngen woo i Kristus torona in owak-Na siituo sé jamaat-Na.

Kolose 2:19

En ulitna si tou tanu siitu ra'ica mengamangén asi Kristus si capala é pakasa in tou. Si Kristus itu tanu ro'kos si mengatu'tul waya in owak sé pineesa i no'at wo im buku-wuku, wosama' en owak-Na makaketer kumiit ing kasalé'an i Amang Kasuruan.

1 Yohanes 1:1

En surat anio' andumoro' in Taar si mengawéé ing katouan. En Taar anio' awéano asi kataré-taré si liningao wo sinéréo ami in esa. Wo tinimboiano ami ka'i ing kama ami in esa.

Wahyu 1:18

wo Si Menonou. Yaku si matéo, taan intarépé' séréno Aku menonou, wo Aku menonou akar ing kauré-uré. Pakakulun-Ku eng kukusi' im papaté wo eng kakolanoan im papaté.

Wahyu 1:5

Wo en upus aitambér wo eng kaeluran itu ka'i mai asi Yesus Kristus owo. Siao en sairi le'tek, wo eng kataré-taré itumou sumawel an uner é tou imaté, wo ka'i e makakawasa a sé kolano asi cayo'baan anio'. Sia mengaupus icita, wo mekar ing kamesé-meséaanta ang karapi in enda'-Na.

Wahyu 1:8

Si Amang Kasuruan icumua in tana'i, “Yaku anio' Alfa wo Omega, si awéano indior, si awéan intarépé' wo si maai sa, wo Yaku ka'i Si Makakawasa.”

Wahyu 11:15

Wo si malaékat kapitu sumengo in terompét, wo awéan suara si maangko' an untep in sorga makua, “Eng kakolanoan ing kayo'baan mamualio Kakolanoan i Casuruanta wo Kakolanoan i Kristus. Sia merénta oka akar ing kauré-uré.”

Wahyu 21:6

Icua-Na ka'i a yaku, “Pakasa imamualio. Yakuo si Alfa wo si Omega, si Kumataré wo si Ka'karan. Si séike' si maré'om, sia wéan-Ku oka elepen si asalo aitambér, asi palemboian in dano si mawéé ing katouan.

Wahyu 22:13

Yakuo si Alfa wo Omega, Si Kataré-taré wo Si Sumomo-somoi, Si Kumataré wo Si Ka'karan.”

Wahyu 3:14

“Ipatico mio' ka'i a si malaékat si mengatéir in jamaat an Laodikia. Si anioo en taar asi Ulit owo, Sairi le'tek wo wutul, palemboian im pakasa sé niéma' i Amang Kasuruan: