Kolose 1:11 - En Taar Weru a nunuwu' é Tontemboan

¹¹ Pekiupusen ami ka'i a si Amang Kasuruan wosama' kamu keteren-Na mai ang karapi ing kawasa i rarayo wo in sisiri'-Na, wosama' an tutuw iow meta'up ing kawenduan, kamu kasake' le'tek wo talesen masaru waya in itu,

Kolose 1:11 ပူးပေါင်းရင်းမြစ်များ

Kisah Para Rasul 1:8

Taan an tutuw i Roh Le'nas tumumpa mai ai camu, kamu makéré oka kawasa. Wo kamu mamuali oka sairi andumoro' Yaku an Yerusalem, am pakasa in Yudea wo an Samaria wo akar an tempok ing kayo'baan.”

Kisah Para Rasul 5:41

Wo itela'u é ruru'du'an itu en sidang Mahkamah Agama ang karapi in arui ampa'paan weroten éra sapaoka séra nianggapo i Amang Kasuruan patus meta'up ing kawenduan ampa'paan i ngaran i Yesus.

Roma 2:7

Sé tou le'tek mengaéma' sé loor sé masalé' makéré i rarayo wo in sisiri' wo ing katouan sé ra'ica maka'pu, séra wéan-Na oka ing katouan akar ing kauré-uré.

1 Korintus 16:13

Mareti-retio mangé! Wo kasake' i makatimboi asi paémanenmu. Mabrani-branio wo makete-ketero.

2 Korintus 4:7

En Abar Kaaruien sé pakua ami itu ayandé tanu ing kasiyaan sosor em bééna. Wo icami sé mengakua in Abar Kaaruien itu ayandé tanu ing kuré' taweté'. Icami makaanu ing kasiyaan anio' an untep ing kuré'. En itu imamuali en tumuru' sapaoka eng kaketeran si lumepe-lepet itu asi Amang Kasuruan owo ra'ica ai cami.

Efesus 3:16

Pekiupusenku a si Amang Kasuruan si parayo-rayo wo pasiri-siriin itu, wosama' en até miow wutu-wutul keteren-Na ang karapi ing kawasa i Roh-Na,

Efesus 4:2

Anaé, menonouo mangé ang karapi ing ko'kos en até, sama' en até a sé pakasa é tou wo talesen. Ituru'o mio' en upus iow ang karapi i mentan-tawangan si esa wo sé walina.

Efesus 6:10

Kumusi' in surat anio', kamu musti keter maké ing kaketeran si kinéréan iow asi Amang Kasuruan owo, ampa'paan kamu imeesa ang karapi-Na.

Filipi 4:13

Ang kaadaan in sapake' eng kinasangkumanku, susa kuma'pa arui, kawooanku i muléng ampa'paan i Kristus si cumeter yaku.

2 Petrus 1:6

Wo asi kapinteran iow itu musti awesan iow i makawoo kumawasa in owak. Wo asi kumawasa in owak itu musti awesan iow ka'i ing katalesenan mengasaru im baya-waya. Wo asi katalesenan mengasaru im baya-waya musti ka'i awesan iow i menonou le'tek a si Amang Kasuruan.

Yudas 1:25

Wayake' Sia in esa, si lumowir icita ampa'paano i Yesus Kristus Apo'ta. Sia em patus tumerima i rarayo wo in sisiri', ampa'paan ing kawangko'-Na wo ing kawasa-Na en tumu'tul wo merénta im baya-waya tumo'tolai indior, intarépé' wo akar ing kauré-uré. Ulit.

Wahyu 14:12

Em penting am bia'i sé tou le'nas musti talesen mandé ka'i meta'up in okoi, sérao sé makiit im perénta-perénta-Na wo mauli-ulit maéman a si Yesus.