Kolose 1:10 - En Taar Weru a nunuwu' é Tontemboan

¹⁰ Wo in taniitu kamu patus menonou an dior-Na wo maarui in até-Na am baya-waya wo ro'na méé im buéna loor am pakasa im pengaémaan wo makaawes makatuus si Amang Kasuruan.

Kolose 1:10 ပူးပေါင်းရင်းမြစ်များ

Yohanes 15:16

Ra'ica icamu en isumisir Yaku, taan Yakuo en isumisir icamu mamuali murit-Ku. Kamu winéan-Kuo tawoien, wosama' kamu mangé wo méé wua'na kumeli-keli sé ra'ica maka'pu. Anaé, sapake' em pangileken iow a si Amang-Ku a ngaran-Ku, en itu iwéé-Na oka ai camu.

Yohanes 15:8

Sa kamu mua' keli, si Amang-Ku oka em parayo-rayo wo pasiri-siriin. Wo in taniitu kamu mééo tuus sapaoka icamuo sé murit-Ku.”

Yohanes 17:3

Si anioo eng katouan akar ing kauré-uré: Katuusan éra si Amang, si Amang Kasuruan si wayake' in esa wo wutul, wo makatuus Yaku si Yesus Kristus si ayutuso i Amang.

Roma 1:13

Poo-poow esa paémanen, icasalé'ku wosama' kailekan iow sapaoka aku mawasa-wasao woo masalé' maangé meta'up wo icamu, taan akar intarépé' awéané' en sumépe'd. Icasalé'ku, wosama' en tawoienku an uner iow ka'i awéan wuéna, tanu en tawoienku an uner é tou ra'ica Yahudi an tampa walina awéano wuéna.

Roma 4:12

Si Abraham ka'i mamuali amang é tou sé sinunato. Sia imamuali amang éra ra'ica ampa'paan séra mengakiit in atoran-atoran sunat, taan ampa'paan séra maéman a si Amang Kasuruan, meputé si Abraham imaémano an tutuw sia ra'ipé' sinunat.

Roma 6:4

Anaé, an tutuw kita nibaptis, kita tanu imaté wo aicubur mewali-wali wo si Kristus, wosama' meputé si Kristus tinou sumawel am papaté-Na ang karapi ing kawasa i Amang Kasuruan, Amang si parayo-rayo wo pasiri-siriin, kita ka'i menonou ang katouan weru.

2 Korintus 2:14

Taan makapulu'sama' a si Amang Kasuruan. Sia maaki- akin icami akar imuntung ampa'paan i Kristus. Pakén i Amang Kasuruan icami wosama' sé tou am bisa-wisa makatuus si Kristus. Anaé, em paselewir ami tanu im bou manam si pengakawouan am bisa-wisa.

2 Korintus 4:6

Indior si Amang Kasuruan icumua in tana'i, “Asi kariréimbengan mantangai en sendot.” Intarépé' Siao ka'i iméma' in sendot-Na matélang an untep in atéta. Ampa'paano in sendot-Na si an untep in atéta, ro'na kailekanta eng kawangko' i Amang Kasuruan si masendot ang gio i Kristus.

2 Korintus 5:9

Ampa'paano in itu raméjin ami mauli-ulit marui in até-Na, an tutuw ami maento' an untep i owak ang kayo'baan anio' kuma'pa an tutuw ami maento' ang karapi-Na an sorga.

2 Korintus 9:8

Si Amang Kasuruan makawoo tumambérai ing kamang kumeli-keli ai camu, akar sé paperlun iow am baya-waya imaaweso. Wo in taniitu lébé kawooan iow méma' im pakasa sé loor.

Efesus 1:17

Wo pekiupusenku a si Amang Kasuruan, Amang i Apo'ta Yesus Kristus, si Amang iparayo-rayo wo pasiri-siriin, wosama' iwéé-Na mai e roh kapinteran wo tumuru' in andumoro' Sia wosama' Sia wutu-wutul katuusan iow.

Efesus 2:10

Ampa'paan si Amang Kasuruan in esa si iméma' icita mamuali tou weru an tutuwta maéman a si Kristus Yesus wo meesa wo Sia. Kita niéma'-Na tou weru wosama' émaanta sapa-sapake' sé loor sé aitantu-Nao tumo'tolke' mai indior wosama' émaanta waya sé loor.

Efesus 4:1

Yaku Paulus si binui ampa'paan maselewir si Casuruan, sina'- uenku kamu sé tinowao i Amang Kasuruan wosama' kamu menonou kumiit in totowa itu.

Efesus 4:13

akar kita im baya maesa am paémanen wo makatuus si Toyaang i Amang Kasuruan. Wo an in taniitu, em paémanenta makawangkoo wo menguré-nguré kita mamuali oka kaputé i Kristus.

Efesus 5:10

Wo rumaméjio mangé wosama' kakailekan iow sapa si mengaarui in até i Amang Kasuruan.

Efesus 5:15

Anaé, sérén sumama-sama' tambisa eng katouan iow. Tioo kamu menonou tanuoka sé tou bodok, taan menonouo mangé tanuoka sé tou pandéi.

Efesus 5:2

Menonouo mangé ang karapi i meupu-upusan, kaputé i Kristus mengaupuso icamu. Sia sumarakano in owak-Na torona icita tanu raragésan si mawou manam torona i Amang Kasuruan.

Filipi 1:11

Isombayangku ka'i wosama' pengéma-ngémaan iow sé nianggap wutul i Amang Kasuruan ampa'paan si Yesus Kristus imatawoi ang katouan iow. Wo in taniitu si Amang Kasuruan oka si parayo wo pasiriin.

Filipi 1:27

Anaé, em penting keli kamu musti menonou kumiit in sapa sé aisusui an Abar Kaaruien andumoro' i Kristus. Wo in taniitu, aku maai meta'up wo icamu kuma'pa ra'ica, kailekanku oka sapaoka kamu enté' makatulung an esa wasa wo rumaméji mewali-wali an esa até torona im paémanen ampa'paan makiit in Abar Kaaruien.

Filipi 4:18

Pakasa eng kaperluanku kinakiitano, wo sé awéan a yaku ilumébéo asi paperlunku. Ampa'paan yaku tumerimao im patawang iow itu asi Epafroditus owo. En doit aiwéé miow itu meputé im paragés mawou manam si icasalé' i Amang Kasuruan si patus ai Sia.

Kolose 2:19

En ulitna si tou tanu siitu ra'ica mengamangén asi Kristus si capala é pakasa in tou. Si Kristus itu tanu ro'kos si mengatu'tul waya in owak sé pineesa i no'at wo im buku-wuku, wosama' en owak-Na makaketer kumiit ing kasalé'an i Amang Kasuruan.

Kolose 2:6

Kamu tumerimao si Kristus Yesus Apo' miow. Ampa'paano in itu, kamu musti menonou meesa wo Sia.

Kolose 3:20

Éi toya-toyaang, pengakiiten angé em perénta é matu'a miow am baya-waya, ampa'paan siituo e mengaarui in até i Casuruan.

Kolose 4:5

Menonouo mangé kamu ang karapi wuta ing kapinteran asi Casuruan owo an tutuw kamu mewali-wali wo sé tou ra'ipé' maéman a si Kristus. Wo pakéno mangé sumama-sama' en témpomu itu, wosama' séra ka'i maéman a si Kristus.

1 Tesalonika 2:12

Wo pangileken ami ai camu wosama' menonou angé makiit ing kasalé'an i Amang Kasuruan. Siao en itumowa icamu e muntep ang Kakolanoan-Na wo makéré i rarayo wo in sisiri'-Na.

1 Tesalonika 4:1

Poo-poow, aisusuio ami ai camu tambisa em peri mengaarui in até i Casuruan, wo kamu wutu-wutul menonouo tanu siitu. Wo intarépé' pangileken ami ai camu ang karapi ing kawasa i Apo' Yesus, wosama' kamu rumaméjipé' mangé menonou mengaarui si Amang Kasuruan.

2 Timotius 2:4

Sa si suraro an tutuw i matawoi, ra'ica pandungenna en owakna wo sé urusan walina. Sia asalo makasaru in tawoienna itu wosama' si kikiitenna arui ai sia.

Titus 3:1

Éi Titus, ita'néimu mangé a sé tou maéman am pakasa in jamaat wosama' séra mengalinga wo mengaéma' sapa sé airu'du' é maperénta wo sé makakawasa i negara. Séra musti le'tek maéma' in loor a sé tou walina.

Titus 3:14

Wo sé touta maémano, musti rumaméji maéma' in tawoien loor wosama' ro'na tumawang sé tou walina e makéré ing kaperluan éra mengendo-ngendo. Wo in taniitu eng katouan éra awéan en torona.

Ibrani 11:5

Ampa'paan si Henokh awéan paémanen, sia niangkai angé i Amang Kasuruan an sorga akar ra'ica sangkumenna em papaté. Wo ra'io ka'i wana tou en suméré isia, ampa'paan sia niangkaio mangé i Amang Kasuruan. Eng Kitap Le'nas méé ing kasairian sapaoka an tutuw sia ra'ipé' niangkai angé sia maarui in até i Amang Kasuruan.

Ibrani 13:16

Tioo ilupa miow mengaéma' in loor wo mengatawang sé tou sé perlu tawangen. Siituo e raragés en icasalé' i Amang Kasuruan.

Ibrani 13:21

en tumu'tul im pakasa sé loor si paperlun iow e méma' sapa sé icasalé'-Na. Wo pekiupusenku ka'i wosama' si Amang Kasuruan matawoi an untep in atéta akar kita ro'na méma' sapa sé icasalé'-Na ampa'paano i Yesus Kristus. A si Yesus Kristuske' em pakasa i rarayo wo in sisiri' akar ing kauré-uré. Ulit.

2 Petrus 1:8

Ampa'paan sa sé peri-peri itu ai camuo wo em pakasa itu pengéma-ngémaan iow, sé ituo en tumawang icamu lébé makatuus si Yesus Kristus Apo'ta wo eng katouan iow lébé awéan torona a sé tou walina.

2 Petrus 3:18

Taan aweso taré kamu makaawes mendam ing kamang aitambér i Amang Kasuruan, wo makalébéo makatuus si Yesus Kristus, Apo' wo si Lumolowirta. Ai Siake' pakasa e rarayo wo en sisiri' intarépé' akar ing kauré-uré. Ulit.

1 Yohanes 3:22

Wo sapake' em pangilekenta ai Sia, kéréanta oka, ampa'paan paémaanta waya em perénta-Na wo ka'i maéma' sapa si mengaarui in até-Na.

1 Yohanes 5:20

Kailekanta ka'i sa si Toyaang i Amang Kasuruan imayo wo mééo ing kakailekan ai cita wosama' katuusanta si Amang Kasuruan si Wutul. Wo kita menonou meesao wo si Amang Kasuruan si Wutul itu, ampa'paan kita esa wo si Toyaang-Na Yesus Kristus. Si Yesus itu Kasuruan si Wutul wo Siake' e méma' sé tou ro'na menonou akar ing kauré-uré.

3 Yohanes 1:6

Sé poo-poow itu imaréngo mai sumawel wo aicuao éra a sé jamaat am bia'i andumoro' in upusmu. Lébé loor ka'i sa tawa- ngenmu séra lumala'us im bawayaan éra ang karapi imengaéma' ing kasalé'an i Amang Kasuruan.