Kisah Para Rasul 9:31 - En Taar Weru a nunuwu' é Tontemboan

³¹ Wo pakasa sé jamaat an Yudea, ang Galilea wo an Samaria menonou meelu-eluran. Wo em paémanen éra maketer wo séra menonou masiri' si Amang Kasuruan, wo séra ka'i makaawes eng kakeli ampa'paan tinawang wo paiboren i Roh Le'nas.

Kisah Para Rasul 9:31 ပူးပေါင်းရင်းမြစ်များ

Kisah Para Rasul 12:24

Ang Karoro'an in itu, makaaweso sé tou sé masisil in Taar i Amang Kasuruan wo makaaweso ka'i sé tou maéman.

Kisah Para Rasul 16:5

An tutuw é jamaat luminga in atoran itu, em paémanen éra a si Yesus makaketero. Wo susur in endo, sé tou maéman a si Yesus mengawe-ngawes eng kakeli.

Kisah Para Rasul 2:47

Séra marayo si Amang Kasuruan wo ka'i casalé' é tou keli. Wo susur in endo pengawe-ngawesan i Casuruan eng kakeli é tou maéman itu ang karapi é tou sé pakalowirené'.

Kisah Para Rasul 20:32

Intarépé', isarakanku kamu a si Amang Kasuruan wosama' kamu téiran-Na. Wo musti ka'i pena'né-na'néien iow en Abar Kaaruien andumoro' in upus tatambér-Na ai camu. En abar itu e méé ing kaketeran am paémanen iow wo ka'i si méé oka ing kamang si aijanji-Nao iwéé a sé pakasa sé tou si niéma'-Nao le'nas.

Kisah Para Rasul 5:11

Wo pakasa sé jamaat wo pakasa en tou sé imakalinga in itu, maindé' keli.

Kisah Para Rasul 6:7

En Taar i Amang Kasuruan makaseraro wo sé tou maéman a si Yesus an Yerusalem makaaweso eng kakeli. Kelian sé imam sumarakan in owak éra wo maéman a si Yesus.

Roma 14:17

Ampa'paan sa si Amang Kasuruan mamuali kolano ang katouanta, eng kumataré-taré ra'ica andumoro' ing kakanen kuma'pa in elepen, taan andumoro' tumambisa mamuali tou nianggap wutul i Amang Kasuruan, menonou meelu-eluran wo sé kakélé tou, wo maaru-arui ampa'paan i Roh Le'nas.

Roma 14:19

Ampa'paano in itu mayoo kita rumaméji mengaéma' andumoro' ing kaeluran wo membém-béan angé ing kaketeran im paémanen si esa wo si esa.

Roma 15:13

Pekiupusenku a si Amang Kasuruan si palemboian im paarapen, e méé mai ing kaaruian wo ing kaeluran si mawuta-wuta ampa'paan kamu maéman ai Sia, wosama' eng kaketeran i Roh Le'nas lumepe-lepet ai camu, am paarapen a si Amang Kasuruan.

Roma 5:5

Wo em paarapen tanu siitu ra'ica iméma' icita matapé, ampa'paan kailekanta tambisa eng kaupusan i Amang Kasuruan ai cita. Wo aiwéé-Nao e Roh Le'nas matawoi an atéta, wosama' kita ro'na mendam ing kawangko' in upus-Na ai cita.

1 Korintus 14:12

Tanu siituo ka'i kamu in esa, kamu irumaméjio makéré ing kamang tatambér i Roh Le'nas. Taan eng kumataré-taré kamu musti rumaméji maké ing kamang tatambér itu e méé ing kaketeran im paémanen a sé jamaat.

1 Korintus 14:26

Anaé é poo-poow, sapa eng kaangéan im pakasa in itu? An tutuw iow mali'us mewali-wali i maapo', awéan sé tou makantar ing kakantaren marayo si Amang Kasuruan, awéan sé tou masusui, awéan sé tou makua i nunuwu' i Amang Kasuruan, awéan sé tou maroma' mapaké i nunuwu' i roh, wo awéan ka'i sé matutur ing kaangéan i nunuwu' i roh itu. Musti émaan iow pakasa en itu en sumusui wo torona ing kalooran iow im baya.

2 Korintus 10:8

Ra'ica malawi' aku sa talosoo matirayo ing kawasa si aiwééo i Amang Kasuruan ai cami. Ampa'paan eng kawasa itu aiwéé i Amang Kasuruan e méé ing kaketeran am paémanen iow, ra'ica in tumeri im paémanen iow.

2 Korintus 12:19

Ang kauré miow maca in surat anio', weroten réén miow sapaoka kami asalo méla in owak an dior iow? Ra'ica tanu siitu! Kailekan i Amang Kasuruan sapaoka pakasa sé ipakua ami itu makiit ing kasalé'an i Kristus. Poo-poow sé icaupusku, sapa sé niéma' ami, en itu e méé ing kaketeran am paémanen iow.

2 Korintus 13:10

Ampa'paan in ituo aipaticku en surat anio' an tutuw aku ra'ipé' an uner iow. Wo in taniitu sa aku maai sa, ra'io sangali repetanku en tumindak icamu ang karapi imaké ing kawasa aiwéé i Amang Kasuruan a yaku. Eng kawasa itu aiwéé a yaku e méé ing kaincayaan am paémanen iow, ra'ica in tumeri.

2 Korintus 7:1

Poo-poow sé icaupusku, pakasa en janji itu aituru' ai cita. Ampa'paan in itu mayo kita meresi in owak asé im pakasa sé mengakotor in owak wo i rohta. Wo mayo kita menonou le'nas torona i Amang Kasuruan ang karapi in lekep wo maindé'o mangé ai Sia.

Efesus 4:12

Sé kamang itu aiwéé i Kristus wosama' sé tou le'nas makawoo mengaéma' in tawoien torona i Amang Kasuruan, wo tanu in owak i Kristus, kita ro'na makaketer am paémanen,

Efesus 4:16

Siao en tumu'tul im pakasa sé an owak akar imetu'tul sama' wo meesa, ampa'paan pakasa sé an owak itu awéan ubungan i esa wo si esa. Wo an tutuw i esa wo si esa anggota an owak matawoi ang karapi i mauli-ulit, pakasa sé an owak itu tumou oka wo mewali-wali mangun in owak ang karapi i meupu-upusan.

Efesus 4:29

Tioo awéan nunuwu' sé ra'ica loor kumesot am ba'ba' miow. Taan manuwu'o mangé i nunuwu' sé loor eng kumeter in até é tou walina an tutuw im paperlun éra. E nunuwu' tanu siitu méé oka ing kamang a sé tou sé mengalinga in itu.

Efesus 5:21

Wo ko'kosio' en atému iesa wo sé walina, ampa'paan kamu tou sé mengasiri' si Kristus.

Filipi 2:1

Kamu kasake' keter ampa'paan kamu meesao wo si Kristus. Wo kamu kinaiborano ampa'paan si Kristus mengaupus icamu. Kamu menonouo am paesaan ampa'paan pakaakinen i Roh Le'nas. Wo kamu ka'i meupu-upusano wo sé kakélé in tou wo awéan eng kaupusan a si esa wo sé walina.

Kolose 1:10

Wo in taniitu kamu patus menonou an dior-Na wo maarui in até-Na am baya-waya wo ro'na méé im buéna loor am pakasa im pengaémaan wo makaawes makatuus si Amang Kasuruan.

1 Tesalonika 5:11

Ampa'paan in ituo, mensin-sina'uano mangé kamu wo sé tou walina wo mengkeng-keterano mangé in até an esa paémanen, kaputé im pengaémaan iow akar intarépé'.

1 Timotius 1:4

Wo icua mangé ka'i ai séra wosama' ra'io toro mengasisil in sisisilen sé asalo niéma' é tou wo sisisilen andumoro' é apo-apo' sé aipatic taloso lambot. Pakasa en itu asaloke' méma' ing kaperéndéran wo ra'ica tumawang sé tou kumiit ing kasalé'an i Amang Kasuruan e makéré ing kalowiran.

Ibrani 4:9

Anaé, sé tou i Amang Kasuruan, séra awéané' esa endo ipaena' mewali-wali wo si Amang Kasuruan, tanu mento' matawoi asi endo Sabat.

Yudas 1:20

Taan kamu é poo-poow sé icaupusku, wanguneno mangé eng katouan iow imengatuur asi paémanen iow si lume'na-le'nas. Wo sumombayango mangé maké ing kawasa i Roh Le'nas.