Kisah Para Rasul 9:17 - En Taar Weru a nunuwu' é Tontemboan

¹⁷ Kekawus ako in itu, si Ananias mangé am balé pakaento'an i Saulus wo muntep angé mbitu. An tutuw sia meta'up wo si Saulus wo sia maro ing kamana am bawo in do'kos i Saulus wo icuana, “Saulus poowku, si Apo' Yesus e rumu'du' yaku mai am bia'i wosama' ko ro'na suméré sumawel wo ka'i kawasan i Roh Le'nas. Siao en sinérému an uner in lalan tutuwmu mai am bia'i.”

Kisah Para Rasul 9:17 ပူးပေါင်းရင်းမြစ်များ

Matius 19:13

Wo paalinai é tou sé toyaang teké' a si Yesus wosama' Sia ro'na maro ing kama-Na ai séra wo isombayang-Na. Taan sé tou itu aicae'bowke' é murit-Na.

Markus 5:23

Wo sia uli-ulit mekiupus a si Yesus, icuana, “Si toyaangku wéwéné wéta' sumakit repet wo tawio maté. Mayoo am baléku é Tuang wo maro ing kama ai sia, wosama' sia ro'na masama' wo menonou.”

Markus 6:5

Ampa'paano in itu ra'ica niéma'-Na eng kakaya'kaan am bitu mandé esake', taan asaloke' imaro ing kama-Na a sé piraan tou sumakit wo sumama' iséra.

Lukas 1:41

Wo an tutuw lininga i Elisabet en siri' i Maria, si toyaang am poot i Elisabet mengéro-ngéro' ing kasalé'an. Wo sia kinawasa i Roh Le'nas,

Lukas 1:67

Si Zakharia amang i Yohanes kinawasa i Roh Le'nas wo sia kumua i nunuwu' i Amang Kasuruan,

Lukas 1:76

Wo ico é Yohanes, toyaangku, ico patuulen oka é tou nabi i Amang Kasuruan Si Rumangka-rangka', ampa'paan ko rumior oka mai wo si Casuruan en tumu'tul in até é tou en tumerima Sia.

Lukas 15:30

Si toyaang i amang itu kuma'puo ing kasiyaan i amang ang karapi é wéwéné sundal. Taan an tutuw sia maréngai, si amang mokol sapi wo'bas kemel iwéé ai sia!’

Lukas 15:32

Anaé, intarépé', kita musti masalé-salé' wo maaru-arui, ampa'paan si tuarimu itu imatéo taan intarépé' itumouo sumawel, sia aicatalao taan intarépé' kinéréano.’ ”

Lukas 2:11

En abar itu tana'i: Asi endo anio' ang kota Daud makangaran im Betlehem itumouo si Lumolowir iow, Siao si Kristus, si Kasuruan.

Kisah Para Rasul 10:36

Siituo en Taar aicua i Amang Kasuruan a sé tou Israel. Icua-Na en Abar Kaaruien andumoro' si Yesus Kristus si maali mai ing kaeluran ai séra e méma' in ubungan éra wo si Amang Kasuruan maloor. Si Yesus Kristuso si Casuruan é pakasa sé tou.

Kisah Para Rasul 13:3

Kekawus éra i mapuasa wo masombayang, séra maro ing kama an dangka' in do'kos i Barnabas wo si Saulus wo séra in dua yutus angé e méma' in airu'du' i Amang Kasuruan.

Kisah Para Rasul 13:52

Taan sé murit an Antiokhia arui keli wo séra ka'i kinawasa i Roh Le'nas.

Kisah Para Rasul 19:6

Wo an tutuw i Paulus maro ing kama an dangka' in do'kos éra, e Roh Le'nas tumumpa mai ai séra. Wo séra tumo'tolo maroma' a nunuwu' i roh wo ipakua éra en taar i Amang Kasuruan a sé tou am bitu.

Kisah Para Rasul 2:4

Wo séra im baya wuta i Roh Le'nas wo tumo'tolo maroma' i nunuwu'-nunuwu' walina tanu si aiwéé i Roh Le'nas ai séra en icua.

Kisah Para Rasul 21:20

Kelinga in itu, séra rumayo wo sumiri' si Amang Kasuruan. Wo icua éra a si Paulus, “Éi poow! Musti kailekanmu sapaoka mariwuo eng kakeli é tou Yahudi maémano wo re'dem makiit in ukum Torat.

Kisah Para Rasul 26:15

Wo isowatku, ‘Si séi réén Ko é Tuang?’ En suara itu kumua, ‘Yakuo si Yesus, si paoko-okoienmu.

Kisah Para Rasul 4:31

Makasombayangai séra, en tampa lini'usan éra itu mangéro'. Wo séra kawasan i Roh Le'nas wo tumo'tolo makua in Taar i Amang Kasuruan ang karapi wuta ing kabranian.

Kisah Para Rasul 6:6

Sé pitu tou itu iwali éra a sé sangapulu' rua ruru'du'an wo séra maro ing kama an dangka' é pitu tou itu wo sumombayang.

Kisah Para Rasul 8:17

Anaé, si Petrus wo si Yohanes maro ing kama éra an do'kos é tou Samaria itu, wo séra tumerima i Roh Le'nas.

Kisah Para Rasul 9:18

Asi témpo ituke', tanu awéan erap i sera' icumesotai am berenna wo sia ro'nao suméré sumawel. Wo si Saulus tumulung wo baptisen.

Roma 15:7

Ampa'paano in itu, mensung-sungkulano mangé kamu si esa wo si esa, meputé si Kristus ka'i isumungkulo icamu. Wo in taniitu si Amang Kasuruan iparayo-rayo wo pasiri-siriin.

1 Korintus 15:47

Si tou kataré-taré niéma' an tana' owo. Taan si Kristus si tou karua, Sia itu a mangé en sorga owo.

1 Korintus 15:8

Wo ang kasomoianna si Kristus mai mapaturu' a yaku. Yaku anio' mamuali ruru'du'an-Na kaputé i toyaang itumou ra'ipé' an orasna.

1 Korintus 9:1

Poo-poow, yaku anio' tou ra'ica pakakawasaan é tou walina. Yaku ruru'du'an i Yesus, ampa'paan aku isuméréo in owak i Yesus Apo'ta, wo ka'i ampa'paan icamu ituo em buéna im pinatawoiku torona i Casuruan.

1 Timotius 4:14

An tutuw sé penatua an jamaat maro ing kama ai co e mutus ico, séra makéréo i nunuwu' asi Casuruan owo. Wo e nunuwu' itu andumoro' ing kamang aitambér-Na ai co. Anaé, pakéno mangé sumama-sama' en tatambér si aiwéé i Roh Le'nas itu.

1 Timotius 5:22

Tioo ko taporak maro ing kama a si séike' mangé en lumantik sia mamuali kikiiten an jamaat. Sa awéan tou méma' ing kamesé-meséaan, tioo ko kumiit mengaéma' ing kamesé-meséaan kaputé éra. Téirano mangé eng kale'nasan ing katouanmu.

2 Timotius 1:6

Indior aku maroo ing kama an do'kosmu wo si Amang Kasuruan tumambérai ing kamang ai co. Ampa'paano in itu ita'néiku ai co wosama' re'dem maké in tatambér si aiwééo i Amang Kasuruan ai co.

Filemon 1:16

Intarépé' sia ra'ica asaloke' atamu taan lumébé mai wo in itu. Ampa'paan sia mamualio poow an esa paémanen si paupu-upus. Sa ciit yaku, sia tanuo siitu, lébé-lébépé' ka'i ai co, tantu sia lébé ipaupu-upusmu ampa'paan sia atamu wo ka'i intarépé' sia tanu poowmu an esa paémanen a si Apo' Yesus.

Ibrani 6:2

kuma'pa sususuien in andumoro' im baptisan, sususuien in andumoro' i maro ing kama am bawo in do'kos, sususuien in andumoro' sé tou imaté tumou sumawel, wo sususuien in andumoro' in ukuman akar ing kauré-uré.

2 Petrus 3:15

Anggapeno mio' eng katalesenan i Casuruanta itu iméé témpo a sé tou e mape'dis wo makéré ing kalowiran. Si Paulus poowta si ipaupu-upus ka'i matico tanu siitu ai camu imaké ing kapinteran a si Amang Kasuruan owo.