Kisah Para Rasul 9:13 - En Taar Weru a nunuwu' é Tontemboan

¹³ Isowat i Ananias, “O Tuang, pinalingakuo asé tou keli andumoro' sia. Keliano sé tou le'nas-Mu an Yerusalem sé niokoina.

Kisah Para Rasul 9:13 ပူးပေါင်းရင်းမြစ်များ

Matius 10:16

“Wéan rékén en anio'! Yutus-Ku kamu mangé tanuoka sé domba an uner é serigala. Ampa'paan in itu kamu musti mapinte-pinter tanu ula', wo lekep en até tanu mombo.

Kisah Para Rasul 22:4

Indior, paokoienku sé tou makiit in sususuien i Yesus akar imaté. Tangkaanku sé tuama wo sé wéwéné wo yuntepku am bui.

Kisah Para Rasul 8:3

raméjin i Saulus eng kuma'pu sé jamaat. Wo sia muntep am balé-walé wo icesotna sé tuama wo sé wéwéné wo isarakanna en yuntep am bui.

Kisah Para Rasul 9:1

Asi témpo itu ka'i, si Saulus maaté-atépé' in léwo' e me'teng wo maté pakasa sé murit i Apo' Yesus. Sia mangé meta'up wo si imam wangko',

Kisah Para Rasul 9:21

Wo pakasa é tou sé iluminga si Saulus mangaya-ngaya'ka' wo kumua, “Ra'ica réén sia si mengapaté sé tou maéman a si Yesus an Yerusalem? Ra'ica réén sia mai en tumangka' sé tou maéman a si Yesus wo paalin a sé kikiiten é imam?”

Kisah Para Rasul 9:32

Asi témpo itu, si Petrus mangé ang kelian tampa. Wo asi makasa sia tumuli a sé tou le'nas sé maento' an Lida.

Kisah Para Rasul 9:41

Timboian i Petrus eng kamana wo atasanna in tumulung. Wo towan i Petrus sé tou le'nas itu wo sé wéwéné balu, ituru'na ai séra sa si Tabita tinouna sumawel.

Roma 1:7

Ampa'paan in ituo, ipaticku en surat anio' ai camu im baya sé maento' a Roma sé icaupus i Amang Kasuruan, sé tinowa-Nao e mamuali tou le'nas. Pekiupusenku woo a si Amang Kasuruan, Amangta wo a si Apo' Yesus Kristus en tumambérai ing kamang wo ing kaeluran ai camu.

Roma 15:31

Isombayango mangé a si Amang Kasuruan wosama' téiran-Na aku am pawasan léwo' é tou ra'ica le'tek an tutuwku an Yudea. Wo ka'i sombayang angé wosama' en sumbangan aitambér é tou em paalinku mangé an Yerusalem, teriman é tou le'nas a mangé mbitu ang karapi in arui en até.

Roma 16:15

Icuao ka'i mangé en siri'ku a si Filologus, Yulia, Nereus wo si poowna wéwéné, wo a si Olimpas wo a sé tou le'nas sé mewali-wali wo iséra.

Roma 16:2

An tutuw sia maangé ai camu sungkuleno mangé sia ang karapi in arui en até ampa'paan sia tou maéman a si Casuruan, tanu siituo em patus émaan é tou le'nas. Wo pangilekenku ai camu, patawangen angé sia sapake' em paperlunna. Ampa'paan kelio sé aiwééna en tumawang sé tou keli wo ka'i a yaku.

1 Korintus 1:2

En surat anio' aipaticku ai camu jamaat i Amang Kasuruan ang Korintus sé line'naso i Amang Kasuruan ampa'paan imeesao ang karapi i Kristus Yesus, wo ka'i tinowao i Amang Kasuruan e mamuali tou le'nas mewali-wali wo sé pakasa in tou maéman am pakasa in tampa, sé maapo' a si Yesus Kristus, si Apo'ta im baya.

1 Korintus 14:33

Ampa'paan si Amang Kasuruan ra'ica masalé' ing kalicokoan, taan en icasalé'-Na kaeluran.

1 Korintus 16:1

Intarépé', en icuaku andumoro' in doit pali'usen si casalé' miow iwéé a sé tou le'nas an Yerusalem. Icasalé'ku wosama' kamu kumiit sapa sé aituru'kuo a sé jamaat ang Galatia.

1 Korintus 6:5

Awéan esa em buéienku ai camu e méma' icamu malawi': Ra'ica réén wana tou mandé esake' ai camu si awéan kapinteran e ro'na murus ing kaperéndéran é poo-poowna esa paémanen?

Efesus 1:1

En surat anio' a yaku owo Paulus, si mamuali ruru'du'an i Kristus Yesus kumiit ing kasalé'an i Amang Kasuruan. En surat anio' aipaticku ai camu tou le'nas an Efesus, sé le'tek maéman a si Kristus Yesus.

Filipi 1:1

En surat anio' a yaku owo Paulus wo si Timotius ata-ata i Kristus Yesus. Icirimku en surat anio' a sé pakasa in tou le'nas sé meesao wo si Yesus Kristus an Filipi, icauntep sé tou mengatilik sé jamaat wo sé maselewir an jamaat.

Filipi 4:22

Pakasa in tou le'nas am bia'i, lébé-lébé ka'i séra sé an istana i Kaisar méé mai in siri' ai camu.

Kolose 1:2

En surat anio' aicirim ami a sé poo-poow le'nas ang Kolose, sé maémano a si Kristus. Pekiupusenku a si Amang Kasuruan, Amangta, sa woo ro'na Sia tumambérai in upus wo ing kaeluran-Na ai camu.

Ibrani 13:24

Icua mio' en siri' ami a sé kikiiten iow wo a sé pakasa sé tou le'nas. Sé poo-poow maéman an Itali am bia'i ka'i, icumirim in siri' ai camu.

Yudas 1:3

Poo-poow sé icaupusku! En ulitna si paangé-angénku asi kataré-taré, yaku masalé' keli woo matic in surat ai camu andumoro' ing kalowiran si tinerimatao im baya. Taan intarépé' icasalé'ku keli e matic andumoro' sé walina torona miow. Icasalé'ku en sumina'u icamu wosama' kamu rumaméji kasake' imaéman. Em paémanen itu makasake' iwéé i Amang Kasuruan a sé tou le'nas akar ing kauré-uré.